სახის იოგის ვარჯიშები
ბოტოქსზე უკეთესი საშუალება მონახეს ამერიკელებმა - ახლა ისინი....იმანჭებიან.
„ სახის იოგა ნებისმიერი ასაკისთვის არის განკუთვნილი“-ამბობს ანელიზა ჰაგენი, იოგის მასწავლებელი ნიუ-იორკიდან, სადაც მისი გაკვეთილები ნამდვილ სენსაციად იქცა. სარკის წინ მისი 50 წლის მოსწავლეები გარეთ ყოფენ ენას, ბერავენ ლოყებს, მანჭავენ ცხვირს და აბრიალებენ თვალებს. თამაშის აზრი-სახის მცირე ზომის კუნთების დამუშავებაა, რომლებიც ასაკთან ერთად კარგავენ ტონუსს. სახის იოგა ხსნის თვალების დაძაბულობას და ადუნებს პირის კუნთებს...შემდეგ იწყება შეტევა ნაოჭებზე-შუბლის მასაჟი და ცხვირტუჩის კუნთების ვარჯიში. „ვარჯიშისთვის დღეში 5 წუთიც საკმარისია“,-ამბობს 40 წელს გადაცილებული უნაოჭო ქალბატონი, წიგნი The Yoga Face ავტორი. თუ დავუჯერებთ მის მოსწავლეებს, შედეგი სახეზეა! „და იოგით მიღწეული შედეგი მეტ ხანს სძლებს, ვიდრე ბოტოქსის ინექციებისგან“-ამატებენ სხვები.
გთავზობთ სახის იოგის ვარჯიშებს
პირველი პოზა-მისი გაკეთება რეკომენდირებულია 60 წამის განმავლობაში. კარგია ამ პოზის დროს თუ თვალები გაგიწყლიანდებათ, ცრემლი გაასუფთავებს და დაამშვიდებს გადაღლილ თვალებს.
მეორე პოზა-ის მოქმდებს თვალის წრიულ კუნთებზე. ეს ვარჯიში შეაჩერებს თვალების კუთხეში ნაოჭების წარმოქმნას.
მესამე პოზა-გააუმჯობესებს ლოყების და ტუჩების კუნთების ტონუსს.
მეოთხე პოზა-ჩაისუნთქეთ ცხვირით, შეკარით მუშტები და შეკუმშეთ ყველა სახის კუნთი.
მეხუთე პოზა-ამოისუნთქეთ პირით, გამოყავით ენა, გააღეთ მაქსიმალურად თვალები და გაშალეთ მუშტები. გაიმეორეთ სამჯერ.
მეექვსე პოზა-ფართოდ გააღეთ თვალები, თითქოს რაღაცამ გაგაოცათ. შეეცადეთ არ აწიოთ წარბები. ფოკუსირება თქვენს წინ მდებარე ობიექტზე გააკეთეთ და გაჩერდით ამ პოზაში 5დან 10 წამამდე. გაიმეორეთ ოთხჯერ.
მეშვიდე პოზა-გაბერეთ ლოყები და გაჩერდით 10 წამის განმავლობაში, გაიმეორეთ ხუთჯერ.
მერვე პოზა-გააგზავნეთ ჰაეროვანი კოცნა რამოდენიმეჯერ. ეს ვარჯიში აუმჯობესებს ტუჩების კუნთების მდგომარეობას.
მეცხრე პოზა-მიაბჯინეთ ენის წვერი სასას და გადაყლაპეთ ნერწყვი. შემდეგ შეაბრუნეთ თავი მარცხნივ და ისევ გადაყლაპეთ ნერწყვი. გაიმეორეთ იგივე მარჯვენა მხარეს. ეს ვარჯიში აუმჯობესებს ყბის კუნთების ტონუსს.
მეათე პოზა-დახუჭეთ თვალები, მოდუნდით და მიაბჯინეთ „მზერა“ წარბებს შუა. გაჩერდით ამ მდგომარეობაში ერთი წუთი.