8 რჩევა სილამაზისთვის






1. ძილი

რეჟიმი-დიდი ძალაა. ნურასდროს გაწირავთ ძილს ღამის გართობისა,ტელევიზორის ან კომპიუტერის გამო. ისწავლეთ დროის ისე დაგეგმვა, რომ ერთსა და იმავე დროს დაიძინოთ და ადგეთ. მაშინ თქვენი ბიოლოგიური საათები თქვენზე იმუშავებენ.

რჩევა: თუკი დაძინება გიჭირთ – უარი თქვით წამლებზე. დალიეთ საღამოს პიტნის ჩაი ერთი ჩაის კოვზი თაფლით. ლოგინში საბნის ქვეშ მოკალათებულმა კი რამდენიმეჯერ ღრმად ჩაისუნთქეთ და ამოისუნთქეთ. შემდეგ წარმოიდგინეთ, რომ ამოსუნთქვსას მთელი ნეგატივისგან თავისუფლდებით, ხოლოჩასუნთქვისას სიმშვიდითა და სიწყნარით ივსებით. წარმოიდგინეთ შავი ღრუბელი,რომელიც ყოველი ამოსუნთქვისას უკვალოდ იფანტება სივცეში. ეს მარტივი და ქმედითი მედიტაციაა,რომლის შემდეგაც დაძინება უფრო ადვილია.


2. კვება.

ნუ გააკეთებთ ეკონომიას საკვების ხარისხზე. სჯობს სამჯერ ნაკლები მიირთვათ, მაგრამ საუკეთესო. ყურადღება მიაქციეთ, რას ჭამთ და თქვენი ასაკის მოთხოვნილებების მიხედვით იკვებეთ. ნუ გადააჭარბებთ. არასდროს გამოიყენოთ საკვებში ტრანსგენური ცხიმები და მათ საფუძველზე გაკეთებული ცომეული.

რჩევა:
ყოველ კვირას თანდათან შეცვლაეთ ერთი მავნე ჩვევა სასარგებლო ჩვევით. მაგალითად, პირველ კვირაში გადადით დაბალკალორიულ ვახშამზე, მეორე კვირაში შეეცადეთ ის სულაც კეფირით შეცვალოთ. დილით მხნეობა რომ იგრძნოთ, უზმოზე ერთი ჭიქა ლიმონიანი თბილი წყალი დალიეთ ერთი კოვზი თაფლით.


3. ნაწლავების მუშაობა

იდეალურ შემთხვევაში ნაწლავები კარგად აწყობილი საათის მექანიზმივით მუშაობს. ანუ მისი შემადგენელის ევაკუაცია რეგულარულად ხდება. შეკრულობა კი მაშინვე აისახება ჩვენი კანის მდგომარეობაზე, რადგან ორგანიზმი იწამლება ნარჩენი პროდუქტებით.

რჩევა: ახალგაღვიძებულმა, ერთი წუთის განმავლობაში მსუბუქი საათის ისრის მიმართულებით წრიული მასაჟი გაიკეთეთ ჭიპიდან მარცხნივ.


4. ვარჯიში

ფიზიკური დატვირთვა აუცილებელია, ამის განხილვაც არ უნდა. ადამიანი- ბიოლოგიური მანქანაა, რომელიც მოძრაობას საჭიროებს და დგომით ინგრევა. თუკი არ გიხერხდებათ დილით 15-20 წუთი ვარჯიში. საქმის შუალედში შეასრულეთ ვარჯიშები.

რჩევა: კუნთების ვარჯიში შეიძლება ტრანსპორტში, სამუშაო მაგიდასთან, საუზმის მომზადების დროსაც კი. გააკეთეთ მარტივი მძრაობები: ჩაჯდომა, დახრა, კედელთან ტანის აზიდვა, დამჯდარ მდგომარეობაში ფეხების აწევა - მთავარია, იგრძნოთ ის სიამოვნება, რომელიც მოძრაობას მოაქვს. მერე უკვე ამის გარეშე ვეღარ გაძლებთ.


5. ექიმთან ვიზიტები

სპეციალისტების გეგმიური შემოწმება წესად უნდა გექცეთ. წელიწადში ორჯერ გინეკოლოგისა და მამოლოგის მონახულება აუცილებელია.

რჩევა: 30 წლის შემდეგ აუცილებელია შაქრის, ქოლესტერინისა დამ პროტრომბინის განსაზღვრისთვის სისხლის ჩაბარება. ამგვარად თქვენ არ გამოგრჩებათ მომენტი, როცა ავადმყოფობა, თუკი ის შემოგვეპარა, დამარცხებადია.


6. წელი და სიარული

არაფერი ისე არ აბერებს ქალს, როგორც მოშვებული მხრები და ჩაქინდრული თავი; პატარა ეშმაკობაა, როგორი კომპლექციისაც არ უნდა იყოთ, სილუეტი ყოველთვის შემართული, თუკი მკერდის ხაზის ქვევით თქვენთვის უხილავია მუცელი.

რჩევა: სიარულისას ყურადღება მიაქციეთ, რომ მუცელი ყოველტვის შეზნექილი იყოს, მხრები კი - გაშლილი. ასეთ შემთხვევაში,თუნდაც თქვენიმ წონა აჭარბებდეს ნორმას,გარშემომყოფები სპორტულად და შეკრულად აღგიქვამენ.


7. ნიკაპი და სახის ოვალი

როდის ვიწყებთ გოგონებიდან დეიდებად გარდაქმნას? როცა სახის ოვალი მოდუნდება და ჩნდება მეორე (მესამე ან მეხუთე) ნიკაპი. ამასთან შებრძოლება შეიძლება. ნიკაპს მეორე პრესს უწოდებენ – და რომ არ დაეკიდოს ისევე, როგორც მუცლის პრესის, მისი ვარჯიშიც შეიძლება.

რჩევა: აუცილებლად გააკეთეთ ხოლმე სახის კუნთების ვარჯიში. ეფექტური სავარჯიშებია აღწერილი კეროლ მაჯიოს წიგნში „აერობიკა კანისა და სახის კუნთებისთვის“. ღაბაბის მოშორებაში დაგეხმარებათ შემდეგი ვარჯიში: წაიგრძელეთ კისერი, ენერგიულად წარმოთქვით ბგერები «ო», «უ», «ი» მითითებული თანმიმდევრობით, 20-ჯერ. მეორე ვარიანტი - ასევე ენერგიულად წარმოთქვით მარცვალი «მა» - 20-ჯერ.


8. მიმიკა

ყურადღება მიაქციეთ თქვენს მიმიკას. ბრწყინვალე სოფი ლორენი წიგნში “ქალი და სილამაზე” ყვება, რომ საათობით იჯდა სარკის წინ და ამა თუ იმ ემოციის გამოხატვას ხვეწდა – მანამ, სანამ კუნთები “არ დაიმახსოვრებდნენ” საჭირო მდგომარეობას. ”ზუსტად ვიცოდი, როგორი გამომეტყველება მიხდებოდა, და რომელი - არა”.

მივეჩვიეთ ზომაზე მეტ მანჭვას. ეს პირველ რიგში წარბებს შორის მკაცრ ნაკეცზე ან შუბლზე ჰორიზონტალურს ხაზებზე აისახება. გარდა ამისა, რადგან საკუთარ თავს გვერდიდან ვერ ვხედავთ, ვრისკავთ, რომელიმე ვარსკვლავის მიმიკის კოპირება სასაცილოს გაგვხდის.

რჩევა: სახის საუკეთესო გამომეტყველება ისაა, რომელიც შინაგად სიმშვიდეს ასახავს. დააკვირდით თქვენს თავს დღის განმავლობაში და დარწმუნდებით, რომ დროის 90%-ის მანძილზე დაძაბულ-დაფიქრებული გამომეტყველება გაქვთ: შეკრული წარბები, მოკუმული ტუჩები. ისწავლეთ ამ მდგომარეობათა კონტროლი და მათგან გათავისუფლება.



ალბათ, ბევრი იტყვის “ახალი არაფერიაო”. თუმცა ჭეშმარიტება განმეორებით არ ფერმკრთალდება. საცოდაობაა, თუკი ქალი იმაზე ნაკლებად ლამაზად გამოიყურება, ვიდრე გარეგნობა აძლევს საშულებას. ყოველდღიურად უკეთესი უნდა ხდებოდე – თუმცა ამისთვის რაღაც მაინც უნდა გააკეთოთ.

სასარგებლო ჩვევა, რა თქმა უნდა, გაცილებით მეტია, ვიდრე ზევითაა ჩამოთვლილი. ამიტომ უნდა გაუზიაროთ ერთმანეთს სილამაზისა და ჯანმრთელობის თქვენეული საიდუმლო.
































ტექსტის სანახავად გაიარეთ რეგისტრაცია.