ისევე, როგორც ქალბატონების უმრავლესობის, ჩემი ყოველი დილაც თავის მოწესრიგებითა და გალამაზებით იწყება.
ტონალური, რუჯი, თვალის ჩრდილი და კიდევ ათობით სხვა კოსმეტიკური საშუალებაა, რომელსაც ქალბატონები ყოველდღიურად ვიყენებთ იმისათვის, რომ საუკეთესოდ გამოვიყურებოდეთ.
თუმცა თუ გადავხედავთ თითოეულ ამ კოსმეტიკურ საშუალებას, აუცილებლად გადავაწყდებით ისეთებს, რომელთაც უკვე დაკარგული აქვთ თავისი ჩვეული სახე, რის გამოც რთული ხდება მათი გამოყენება.
ნაწილი კოსმეტიკური საშუალებისა ამომშრალია, ნაწილი შესქელებული, დეფექტური და ა.შ. მაგრამ მიუხედავად ამ ნაკლოვანებებისა, მათ გადასაგდებად მაინც ვერ ვიმეტებთ და მაქსიმალურად ვცდილობთ, თითოეული მათგანი ბოლო წვეთამდე გამოვიყენოთ.
რატომღაც არასოდეს ვინტერესდებით იმით, თუ რატომ კარგავს კოსმეტიკური საშუალება ჩვეულ სახეს და რა არის ამის მიზეზი. ამ სახესხვაობას მათი შენახვის პირობების დარღვევა და ვარგისიანობის ვადის გასვლა იწვევს, რომლის შემოწმება ქალბატონებს, როგორც მათი ხმარებისას, ასევე მათი შეძენის დროს გვავიწყდება ან საჭიროდ არ მიგვაჩნია.
არადა, ვადაგასულ კოსმეტიკურ საშუალებებს იმაზე მეტი ზიანის მოყენება შეუძლია ჩვენი ჯანმრთელობისთვის, ვიდრე ეს ჩვენ წარმოგვიდგენია. როდესაც პროდუქციას ვადა გასდის, მასში მრავლდება ბაქტერიები. ამიტომ მათი შემდგომი გამოყენება უკვე იწვევს კანის გაღიზიანებას, ალერგიას და ა.შ. სწორედ ამიტომ თავი რომ ავარიდოთ მსგავს არასასიამოვნო შემთხვევებს,
საჭიროა გავითვალისწინოთ რამდენიმე მარტივი წესი:
1. იმ შემთხვევაშიც კი, თუ კოსმეტიკურ საშუალებებს იძენთ რომელიმე ძვირად ღირებულ სალონში, აუცილებლად დააკვირდით დამზადების თარიღსა და შენახვის ვადას.
2. განსაკუთრებული ყურადღება გამოიჩინეთ იმ კოსმეტიკური საშუალების შენახვის ვადის მიმართ, რომელსაც იძენთ გრანდიოზული ფასდაკლების დროს, რადგან ასეთ ფასდაკლებებს ძირითადად აცხადებენ მაშინ, როდესაც პროდუქციას ვადა ეწურება.
3. ყოველთვის გაეცანით კოსმეტიკის შენახვის პირობებს. უმჯობესია პროდუქცია შეინახოთ ოთახის ტემპერატურაზე, მშრალ და ბნელ ადგილას, რათა დაიცვათ როგორც მზის, ასევე ნესტისგან. გარკვეული საცხების შენახვა მაცივრის ქვედა თაროზეც არის შესაძლებელი, მაგრამ ასეთ შემთხვევაში ის აუცილებლად უნდა იყოს მოთავსებული ისეთ ჭურჭელში, რომელიც მჭიდროდ იხურება.
ასევე გახსოვდეთ, რომ არავითარ შემთხვევაში არ შეიძლება სააბაზანოში კოსმეტიკური საშუალების შენახვა, რადგან მაღალი ტენიანობა ამცირებს კოსმეტიკური საშუალებების ეფექტურობას.
4. ის კოსმეტიკური საშუალებები, რომლებიც მოთავსებულია ქილებში, ფლაკონებში, ტუბებში, აუცილებლად საჭიროებს მჭიდროდ დალუქვას. წინააღმდეგ შემთხვევაში ისინი მალე დაკარგავენ თავიანთ თვისებებს.
5. კოსმეტიკური საშუალების გახსნის შემდეგ მისი სწორი შენახვისთვის არავითარ შემთხვევაში გადააგდოთ ქაღალდის ან პლასტმასის საფენი, რომელიც ხუფის ქვემოდან არის მოთავსებული, რადგან ის კოსმეტიკური საშუალების ერთ-ერთ დამცავ საშუალებას წარმოადგენს.
6. კოსმეტიკური საშუალების ხარისხის შენარჩუნებისთვის მნიშვნელოვანია არა მხოლოდ ის, თუ სად და როგორ შეინახავთ, არამედ ისიც, თუ როგორ იყენებთ მას. არ არის მიზანშეწონილი ქილიდან საცხის თითით ამოღება. ასეთი ქმედებით შესაძლებელია მასში მიკროორგანიზმების შეტანა. ამისთვის უმჯობესია გამოიყენოთ სპეციალური პლასტმასის ნიჩბები.
7. თუ თქვენს კოსმეტიკურ საშუალებას შეამჩნევთ, რომ დაკარგა ჩვეული სახე ან გაუჩნდა არასასიამოვნო სუნი, ნუ დაგენანებათ მისი გადაგდება, რადგან მისმა კვლავ გამოყენებამ შესაძლოა კანის დაავადება გამოიწვიოს.
8. კოსმეტიკური საშუალებების შეძენისას ყოველთვის უპირატესობა მიანიჭეთ პატარა ზომის კოლოფებსა და ფლაკონებს, რათა პროდუქციის ვადის გასვლამდე მოახერხოთ მისი გამოყენება.
9. თუ გსურთ, რომ თქვენი კოსმეტიკური საშუალება ნატურალურ კონსერვანტებს შეიცავდეს, მაშინ მისი ყიდვისას არჩევანი შეაჩერეთ იმაზე, რომლის ვარგისიანობის ვადაც მცირეა, რადგან მასში გაცილებით მეტი ბუნებრივი კონსერვანტია.
რაც უფრო ხანგრძლივია კოსმეტიკური საშუალების ვარგისიანობის ვადა, მით მეტია მასში სინთეზური საღებავები, არომატიზატორები, ემულგატორები და ხელოვნური კონსერვანტები, რადგან სწორედ მათი დახმარებით ხდება კოსმეტიკური საშუალებების ვადის გახანგრძლივება.
10. ნუ შეიძენთ ახალი სახის პროდუქციას წინასწარი ტესტირების გარეშე. გამოყენებამდე კოსმეტიკური საშუალება დაიტანეთ ხელის მტევანზე ან იდაყვის საპირისპირო მხარეს, რათა გაიგოთ, მისაღებია თუ არა იგი თქვენი კანის ტიპისთვის. თუ მავნებელია, 48 საათის განმავლობაში აუცილებლად დაგეტყობათ უარყოფითი სინდრომი.
11. თავი შეიკავეთ სპირტის მაღალი შემცველობის მქონე კოსმეტიკური საშუალებების გამოყენებისგან, რადგან ისინი იწვევს სახის კანის გამოშრობას, გაღიზიანებას და აადვილებს ალერგენების ორგანიზმში შეღწევას.
12. ვისაც ხშირად გაწუხებთ ალერგია, სანამ შეიძენთ კოსმეტიკურ საშუალებას, აუცილებლად გაეცანით მის შემადგენლობას. თუ გაქვთ ალერგია, მაგალითად, ცხვრის ბეწვზე, ნუ შეიძენთ ლანოლინის შემცველ ტუჩსაცხს, საცხებს და ა.შ. თუ გაქვთ კვებითი ალერგია მარწყვზე, თაფლზე და ა.შ. უარი თქვით მსგავსი პროდუქტის არომატიზატორების შემცველ პროდუქციაზე.
13. არ გამოიყენოთ სხეულის მოსავლელად გათვალისწინებული კოსმეტიკური საშუალებები სახეზე, მაგალითად, ხელის საცხი სახეზე და ა.შ.
14. თუ რომელიმე ფირმის კოსმეტიკურმა საშუალებამ, ძირითადად საცხებმა, დადებითი ეფექტი მოახდინა თქვენს მეგობარზე, ნაცნობზე, ნუ გაიქცევით და შეიძენთ იმავეს, რადგან ერთნაირი კანის ტიპის არსებობის შემთხვევაშიც კი მასში არსებულმა ნივთიერებებმა შესაძლებელია ერთზე დადებითად იმოქმედოს, მეორეზე კი უარყოფითად.
15. თუ ერთმა რომელიმე კოსმეტიკურმა საშუალებამ გამოიწვია ალერგია, აუცილებლად მიმართეთ ალერგოლოგს; ხოლო იმ შემთხვევაში, თუ კოსმეტიკური საშუალებების უმრავლესობაზე გიჩნდებათ ალერგია, აუცილებლად მიმართეთ იმუნოლოგ-ალერგოლოგს, რადგან პრობლემა შესაძლებელია თქვენში იყოს და არა კოსმეტიკურ საშუალებებში.
ნინო ჯანიძე
ტონალური, რუჯი, თვალის ჩრდილი და კიდევ ათობით სხვა კოსმეტიკური საშუალებაა, რომელსაც ქალბატონები ყოველდღიურად ვიყენებთ იმისათვის, რომ საუკეთესოდ გამოვიყურებოდეთ.
თუმცა თუ გადავხედავთ თითოეულ ამ კოსმეტიკურ საშუალებას, აუცილებლად გადავაწყდებით ისეთებს, რომელთაც უკვე დაკარგული აქვთ თავისი ჩვეული სახე, რის გამოც რთული ხდება მათი გამოყენება.
ნაწილი კოსმეტიკური საშუალებისა ამომშრალია, ნაწილი შესქელებული, დეფექტური და ა.შ. მაგრამ მიუხედავად ამ ნაკლოვანებებისა, მათ გადასაგდებად მაინც ვერ ვიმეტებთ და მაქსიმალურად ვცდილობთ, თითოეული მათგანი ბოლო წვეთამდე გამოვიყენოთ.
რატომღაც არასოდეს ვინტერესდებით იმით, თუ რატომ კარგავს კოსმეტიკური საშუალება ჩვეულ სახეს და რა არის ამის მიზეზი. ამ სახესხვაობას მათი შენახვის პირობების დარღვევა და ვარგისიანობის ვადის გასვლა იწვევს, რომლის შემოწმება ქალბატონებს, როგორც მათი ხმარებისას, ასევე მათი შეძენის დროს გვავიწყდება ან საჭიროდ არ მიგვაჩნია.
არადა, ვადაგასულ კოსმეტიკურ საშუალებებს იმაზე მეტი ზიანის მოყენება შეუძლია ჩვენი ჯანმრთელობისთვის, ვიდრე ეს ჩვენ წარმოგვიდგენია. როდესაც პროდუქციას ვადა გასდის, მასში მრავლდება ბაქტერიები. ამიტომ მათი შემდგომი გამოყენება უკვე იწვევს კანის გაღიზიანებას, ალერგიას და ა.შ. სწორედ ამიტომ თავი რომ ავარიდოთ მსგავს არასასიამოვნო შემთხვევებს,
საჭიროა გავითვალისწინოთ რამდენიმე მარტივი წესი:
1. იმ შემთხვევაშიც კი, თუ კოსმეტიკურ საშუალებებს იძენთ რომელიმე ძვირად ღირებულ სალონში, აუცილებლად დააკვირდით დამზადების თარიღსა და შენახვის ვადას.
2. განსაკუთრებული ყურადღება გამოიჩინეთ იმ კოსმეტიკური საშუალების შენახვის ვადის მიმართ, რომელსაც იძენთ გრანდიოზული ფასდაკლების დროს, რადგან ასეთ ფასდაკლებებს ძირითადად აცხადებენ მაშინ, როდესაც პროდუქციას ვადა ეწურება.
3. ყოველთვის გაეცანით კოსმეტიკის შენახვის პირობებს. უმჯობესია პროდუქცია შეინახოთ ოთახის ტემპერატურაზე, მშრალ და ბნელ ადგილას, რათა დაიცვათ როგორც მზის, ასევე ნესტისგან. გარკვეული საცხების შენახვა მაცივრის ქვედა თაროზეც არის შესაძლებელი, მაგრამ ასეთ შემთხვევაში ის აუცილებლად უნდა იყოს მოთავსებული ისეთ ჭურჭელში, რომელიც მჭიდროდ იხურება.
ასევე გახსოვდეთ, რომ არავითარ შემთხვევაში არ შეიძლება სააბაზანოში კოსმეტიკური საშუალების შენახვა, რადგან მაღალი ტენიანობა ამცირებს კოსმეტიკური საშუალებების ეფექტურობას.
4. ის კოსმეტიკური საშუალებები, რომლებიც მოთავსებულია ქილებში, ფლაკონებში, ტუბებში, აუცილებლად საჭიროებს მჭიდროდ დალუქვას. წინააღმდეგ შემთხვევაში ისინი მალე დაკარგავენ თავიანთ თვისებებს.
5. კოსმეტიკური საშუალების გახსნის შემდეგ მისი სწორი შენახვისთვის არავითარ შემთხვევაში გადააგდოთ ქაღალდის ან პლასტმასის საფენი, რომელიც ხუფის ქვემოდან არის მოთავსებული, რადგან ის კოსმეტიკური საშუალების ერთ-ერთ დამცავ საშუალებას წარმოადგენს.
6. კოსმეტიკური საშუალების ხარისხის შენარჩუნებისთვის მნიშვნელოვანია არა მხოლოდ ის, თუ სად და როგორ შეინახავთ, არამედ ისიც, თუ როგორ იყენებთ მას. არ არის მიზანშეწონილი ქილიდან საცხის თითით ამოღება. ასეთი ქმედებით შესაძლებელია მასში მიკროორგანიზმების შეტანა. ამისთვის უმჯობესია გამოიყენოთ სპეციალური პლასტმასის ნიჩბები.
7. თუ თქვენს კოსმეტიკურ საშუალებას შეამჩნევთ, რომ დაკარგა ჩვეული სახე ან გაუჩნდა არასასიამოვნო სუნი, ნუ დაგენანებათ მისი გადაგდება, რადგან მისმა კვლავ გამოყენებამ შესაძლოა კანის დაავადება გამოიწვიოს.
8. კოსმეტიკური საშუალებების შეძენისას ყოველთვის უპირატესობა მიანიჭეთ პატარა ზომის კოლოფებსა და ფლაკონებს, რათა პროდუქციის ვადის გასვლამდე მოახერხოთ მისი გამოყენება.
9. თუ გსურთ, რომ თქვენი კოსმეტიკური საშუალება ნატურალურ კონსერვანტებს შეიცავდეს, მაშინ მისი ყიდვისას არჩევანი შეაჩერეთ იმაზე, რომლის ვარგისიანობის ვადაც მცირეა, რადგან მასში გაცილებით მეტი ბუნებრივი კონსერვანტია.
რაც უფრო ხანგრძლივია კოსმეტიკური საშუალების ვარგისიანობის ვადა, მით მეტია მასში სინთეზური საღებავები, არომატიზატორები, ემულგატორები და ხელოვნური კონსერვანტები, რადგან სწორედ მათი დახმარებით ხდება კოსმეტიკური საშუალებების ვადის გახანგრძლივება.
10. ნუ შეიძენთ ახალი სახის პროდუქციას წინასწარი ტესტირების გარეშე. გამოყენებამდე კოსმეტიკური საშუალება დაიტანეთ ხელის მტევანზე ან იდაყვის საპირისპირო მხარეს, რათა გაიგოთ, მისაღებია თუ არა იგი თქვენი კანის ტიპისთვის. თუ მავნებელია, 48 საათის განმავლობაში აუცილებლად დაგეტყობათ უარყოფითი სინდრომი.
11. თავი შეიკავეთ სპირტის მაღალი შემცველობის მქონე კოსმეტიკური საშუალებების გამოყენებისგან, რადგან ისინი იწვევს სახის კანის გამოშრობას, გაღიზიანებას და აადვილებს ალერგენების ორგანიზმში შეღწევას.
12. ვისაც ხშირად გაწუხებთ ალერგია, სანამ შეიძენთ კოსმეტიკურ საშუალებას, აუცილებლად გაეცანით მის შემადგენლობას. თუ გაქვთ ალერგია, მაგალითად, ცხვრის ბეწვზე, ნუ შეიძენთ ლანოლინის შემცველ ტუჩსაცხს, საცხებს და ა.შ. თუ გაქვთ კვებითი ალერგია მარწყვზე, თაფლზე და ა.შ. უარი თქვით მსგავსი პროდუქტის არომატიზატორების შემცველ პროდუქციაზე.
13. არ გამოიყენოთ სხეულის მოსავლელად გათვალისწინებული კოსმეტიკური საშუალებები სახეზე, მაგალითად, ხელის საცხი სახეზე და ა.შ.
14. თუ რომელიმე ფირმის კოსმეტიკურმა საშუალებამ, ძირითადად საცხებმა, დადებითი ეფექტი მოახდინა თქვენს მეგობარზე, ნაცნობზე, ნუ გაიქცევით და შეიძენთ იმავეს, რადგან ერთნაირი კანის ტიპის არსებობის შემთხვევაშიც კი მასში არსებულმა ნივთიერებებმა შესაძლებელია ერთზე დადებითად იმოქმედოს, მეორეზე კი უარყოფითად.
15. თუ ერთმა რომელიმე კოსმეტიკურმა საშუალებამ გამოიწვია ალერგია, აუცილებლად მიმართეთ ალერგოლოგს; ხოლო იმ შემთხვევაში, თუ კოსმეტიკური საშუალებების უმრავლესობაზე გიჩნდებათ ალერგია, აუცილებლად მიმართეთ იმუნოლოგ-ალერგოლოგს, რადგან პრობლემა შესაძლებელია თქვენში იყოს და არა კოსმეტიკურ საშუალებებში.
ნინო ჯანიძე