ჩინელმა მკვლევარებმა დაადგინეს, რომ არასასურველი ორსულობისა და სხვადასხვა სქესობრივი გზით გადამდები დაავადების თავიდან აცილებასთან ერთად, პრეზერვატივს კიდევ ერთი სასარგებლო თვისება აქვს.
პეკინის Friendship Hospital-ის თანამშრომლებმა 18-დან 45 წლამდე 164 ჯანმრთელი გათხოვილი ქალი შეისწავლეს. აქედან 72 ჩინელი ქალი პრეზერვატივით იცავდა თავს, 57-მა – სპირალით, ხოლო 35-მა – კალენდარულ მეთოდს მიმართაბდა იმისათვის, რომ თავი დაეცვა არასასურველი ორსულობისგან.
კვლევის მიმდინარეობისას მეცნიერებმა ყურადღება გაამახვილეს ლაქტობაცილებზე – იგივე რძიანა ბაქტერიებზე, რაც ქალის საშვილოსნოს ყელის ბუნებრივი ფლორის 90 %-ი შემადგენელია. ის მიკრობები, რომლებიც რძიანას მჟავას აწარმოებენ, pH ბუნებრივი დონის შენარჩუნებას უწყობენ ხელს.
როგორც საიტი Livescience იუწყება, ლაქტობაქტერიები უმნიშვნელოვანეს როლს თამაშობს ქალის სასქესო ორგანოს ჯანმრთელობაში, რადგან ხელს უშლის ბაქტერიული ვაგინოზის წარმოქმნას.
ექსპერიმენტის 164 მონაწილის გასინჯვის შემდეგ, მეცნიერებმა დაადგინეს, რომ რძემჟავის შემცველობა ბევრად მაღალი ჰქონდათ იმ ქალებს, რომლებიც პრეზერვატივს იყენებდნენ. მეცნიერთა თქმით, ეს იმას უკავშირდება, რომ სექსუალური აქტივობა არღვევს საშოს ეკოსისტემის ბალანსს, რადგან სპერმის pH 7,2 – 8,0-ია.
ამგვარად, მიღებული შედეგები იმაზე მეტყველებს, რომ პრეზერვატივი ქალის საშვილოსნოს ყელს pH ფიზიოლოგიურ დონეს უნარჩუნებს და არ არღვევს მის ბუნებრივ დაცვას.
მიუხედავად ამისა, სპეციალისტები მაინც გვაფრთხილებენ, რომ არასასურველი ფეხმძიმობისგან თავის დასაცავად მხოლოდ კონდომის გამოყენება რეკომენდებული არ არის და აუცილებლად უნდა ანაცვლებდეთ მას სხვა დამცავ საშუალებებს.
წყარო
რა სარგებლობა მოაქვს პრეზერვატივს ქალის ჯანმრთელობისთვის?
⏱️ 1 წთ.
👁️ 6 568
100%