ანტიბიოტიკები დღეს პოპულარობით სარგებლობენ. ბევრს ისინი პანაცეად მიაჩნია და თვითონ წყვიტავენ ესაჭიროებათ თუ არა მათი მიღება. სინამდვილეში კი ანტიბიოტიკებს ბევრი უკუჩვენება აქვს, ამიტომაც მათთან სიფრთხილე გვმართებს.
დაიმახსოვრეთ ათი წესი, რათა ანტიბიოტიკების მიღებამ ზიანი არ მოგიტანოთ.
1. არ მიიღოთ ანტიბიოტიკები გრიპის და სხვა მწვავე რესპირატორული დაავადების დროს თავი შეიკავეთ პირველი 4 დღე. საქმე იმაშია, რომ მწვავე რესპირატორული დაავადებების გამომწვევები უმეტეს შემთხვევაში ვირუსები გახლავთ, რომლების მიმართაც ანტიბიოტიკები უძლურები გახლავთ. უმჯობესია მიიღოთ ანტივირუსული პრეპარატები. იმ შემთხვევაში თუ ზოგადი მდგომარეობა არ უმჯობესდება და 38°C ზე უფრო მაღალი სიცხე გაქვთ 3 დღეზე მეტი, მაშინ გართულებების რისკი მატულობს და ექიმთან ვიზიტის გადადება გამორიცხული ხდება. ექიმი თვითონ დასვავს დიაგნოზს და საჭიროების შემთხვევაში დანიშნავს ანტიბაქტერიულ მკურნალობას.
2. მკაცრად დაიცავით ანტიბიოტიკის დოზირება, მიღების დრო და მკურნალობის ხანგძლივობა. არასაკმარისი დოზა არა ეფექტური იქნება, დიდი დოზა კი ტოქსიური. დღე-ღამური ანტიბიოტიკის ნორმა ითვლება პაციენტის სხეულის მასიდან გამომდინარე და შემდეგ იყოფა იმდენ მისაღებ დოზაზე, რომ ანტიბიოტიკის კონცენტრაცია სისხლში ერთნაირი იყოს. ამიტომაც არის აუცილებელი მისი ზუსტად საათების მიხედვით მიღება, საჭიროების დროს ღამეც კი. მიღების ხანგძლივობა 5დან-14 დრემდეა. 1-3 დღიანი კურსები კი ბაქტერიების რეზისტენტულობას იწვევენ, რაც ართულებს შემდგომ მკურნალობას.
3. სწორედ შეუთავსეთ ანტიბიოტიკები სხვა წამლებს და საკვებს. იმ შემთხვევაში თუ რამოდენიმე პრეპარატის ერთდროული მიღება გიწევთ, აუცილებლად აცნობეთ ექიმს ამის შესახებ. უმჯობესია თუ ანტიბიოტიკს სხვა საათებში მიიღებთ. უმეტეს შემთხვევაში ანტიბიოტიკს ჭამამდე 1 საათით ადრე იღებენ ან ჭამის შემდეგ 2 საათი მაინც უნდა იყოს გასული. წამალს წყალი დააყოლეთ, ესეთ შემთხვევაში წამალი კარგად შეიწოვება ორგანიზმში. თუმცა ზოგი ანტიბიოტიკი კვების დროს არის მისაღები, რათა თავიდან ავიცილოთ კუჭ-ნაწლავების გართულებები.
4. გახსოვდეთ, რომ ანტიბიოტიკებმა შეიძლება ალერგიული რეაქცია გამოიწვიონ. ყველაზე ხშირია პენიცილინის ჯგუფის ანტიბიოტიკებზე ალერგიული რეაქციები. პირველივე სიმპტომების დროს უნდა შეწყვიტოთ პრეპარატის მიღება და აცნობოთ ამის შესახებ ექიმს. დაიმახსოვრეთ რომელ ანტიბიოტიკზე გქონდათ ალერგიული რეაქცია და ყოველი ანტიბიოტიკის დანიშვნის წინ აცნობეთ ექიმს ამის შესახებ.
5. შეამოწმეთ ვარგისიანობის ვადა. ვადის გასვლის შემდეგ წამალი თავის სამკურნალო თვისებებს კარგავს და შეიძლება ჯანმრთელობას ზიანი მოუტანოს.
6. ექიმის კონსულტაციის გარეშე არ მიიღოთ ანტიბიოტიკი ორსულობის და ლაქტაციის პერიოდში. ზოგიერთი ანტიბიოტიკები, მაგალითად ტეტრაციკლინები აღწევენ პლაცენტარულ ბარიერში და მოქმედებენ ნაყოფზე. ლაქტაციის პერიოდში კი რძეში გადადიან და ალერგიის, დისბაქტერიოზის და სხვა გართულებების გამომწვევი მიზეზი შეიძლება გახდნენ.
7. არ მისცეთ ბავშვებს ის პრეპარატი, რომლის ანოტაციაში არ წერია საბავშვო დოზები. ბევრი ფარცევტული ფირმა უშვებს საბავშვო ანტიბიოტიკებს ტაბლეტების, წვეთების, სიროფების და ფხვნილების სახით, ამოტომაც არჩევანი ყოველთვის არსებობს. არასდროს არ გაჰყოთ პრეპარატი, რომელიც მოზრდილებისთვის არის განკუთვნილი და არ მისცეთ ბავშვს.
8. შეამოწმეთ რამდენად შეთავსებადია ანტიბიოტიკი თქვენ მიერ გამოყენებულ ჰორმონალურ კონტრაცეპტივთან. ზოგიერთი ანტიბიოტიკი,მაგალითად ამპიცილინი ამცირებს ჰორმონალური კონტრაცეპტივების ეფექტურობას, რამაც არასასურველ ორსულობამდე შეიძლება გამოიწვიოს.
9. არასდროს არ მიიღოთ ალკოჰოლური სასმელი ანტიბიოტიკთან ერთად. ერთდროულმა მირებამ შეიძლება გულ-სისხლძარღვთა გართულებები გამოიწვიოს, განსაკუთრებით იმ პირებში ვისაც დაბალი არტერიული წნევა აქვს.
10. ანტიბიოტიკებით მკურნალობის დროს მოერიდეთ მზის სხივებს. ზოგიერთი ანტიბიოტიკი(ტეტრაციკლინი, დოკსიციკლინი და სხვ) მატებენ კანის მგრძნობელობას, რაც შეიძლება ფოტოდერმატიტის მამომწვევი მიზეზი გახდეს. მოერიდეთ სოლარიუმში სიარულს ანტიბიოტიკის მიღების პერიოდშიც.
წყარო:
ანტიბიოტიკები: ათი მნიშვნელოვანი წესი
⏱️ 1 წთ.
👁️ 2 988
100%