ხალხური მედიცინის უებარი რეცეპტები



ჭიების საწინააღმდეგოდ და ამოსახველებლად:

3-7 გრამი ატმის გამხმარი თესლი ჩავყაროთ მომინანქრებულ ქვაბში, დავასხათ 200 მლ მდუღარე წყალი და 5-7 წუთი ნელ ცეცხლზე ვადუღოთ. გავაგრილოთ და გავწუროთ. მივიღოთ მესამედი ჩაის ჭიქა დღეში 3-ჯერ, ჭამამდე 1 საათით ადრე.

რევმატიზმის, თავის ტკივილისა და გასტროენტერიტის დროს:

1 სუფრის კოვზი დაფშვნილი ატმის ფოთოლი ჩავყაროთ მომინანქრებულ ქვაბში, დავასხათ 250 მლ მდუღარე წყალი და 5 წუთი ვადუღოთ წყლის აბაზანაზე, დავაყენოთ 1,5-2 საათით და გავწუროთ ორფა დოლბანდში. მივიღოთ 50 მლ. დღეში 4-ჯერ, ჭამამდე 20 წუთით ადრე.

კუჭში გამხსნელი და შარდმდენი ეფექტისათვის:

3-4 გრამი ატმის ხმელი ყვავილი ჩავყაროთ მომინანქრებულ ქვაბში, დავასხათ 150 მლ მდუღარე წყალი, 5 წუთს ვადუღოთ წყლის აბაზანაზე, გავაცივოთ (2 საათის განმავლობაში) და გავწუროთ ორფა დოლბანდში. მივიღოთ 50 მლ დღეში 3-ჯერ, ჭამამდე 30 წუთით ადრე.

სახსრების ტკივილის წინააღმდეგ:

წვრილად დაჭერით კალანჰოეს ფოთლები, ჩაყარეთ ლიტრიან ბოთლში ნახევრამდე. ბოთლი აავსეთ სპირტით ან არყით და დადგით ბნელ ადგილას, დაახლოებით 4-5 დღის განმავლობაში. შემდეგ გადაწურეთ ნაყენი და გამოიყენეთ სახსრების დასაზელად. ეს ნაყენი სახსრების ტკივილის დროს უებარია.
მკურნალობის კურსი 3 თვეა. ნაყენი ყოველ საღამოს, ძილის წინ შეიზილეთ.

უძილობა:

თუ უძილობა გაწუხებთ, აიღეთ ერთი სადილის კოვზი კამის გამხმარი თესლი, დაასხით 1 ჭიქა მდუღარე წყალი, გააცივეთ და გადაწურეთ. გადაწურულ ნაყენს დაამატეთ ერთი სადილის კოვზი თაფლი და ისე მიირთვით. ზედა სასუნთქი გზების დაავადებების დროს ეს ნაყენი უნდა მიიღოთ დღეში 3-4-ჯერ, 2 სადილის კოვზი, მეტეორიზმის (შებერილობის) დროს კი დღეში 2-ჯერ, ჭამამდე 20 წუთით ადრე 1/2 ჭიქა.

































ტექსტის სანახავად გაიარეთ რეგისტრაცია.