დღესდღეობით ლინზების გამოყენება, განსაკუთრებით, ესთეტიკური თვალსაზრისით, საკმაოდ ხშირია.
მანდილოსნები ფერად ლინზებს თვალის ფერის შესაცვლელად მიმართავენ. ამიტომ მისი გამოყენება, იმის მიუხედავად, სამკურნალოდ გვჭირდება თუ ესთეტიკური თვალსაზრისით – ექიმის გარეშე არ შეიძლება.
ლინზა თვალის რქოვან გარსზე მაგრდება, რომელსაც თვალის ოპტიკურ სისტემაში ერთ-ერთი მთავარი როლი აკისრია. ის თვალის საკმაოდ ფაქიზი და მგრძნობიარე ნაწილია.
ამიტომ თუ რქოვანის ზედაპირი ჯანმრთელი არ არის, მასზე ალერგიული, ანთებითი ცვლილებები აღინიშნება. ასეთ დროს აუცილებლად ჩნდება კერტიტი: თვალი წითლდება და მასში ანთებით პროცესი მიმდინარეობს.
კონტაქტური ლინზა იმ ვადით უნდა მოვიხმაროთ, რაც ინსტრუქციითაა მითითებული. ამ ვადაში თვალმა ცრემლის საშუალებით, მავნე, ზედმეტი ნივთიერებები აუცილებლად უნდა გამოდევნოს. ვადაგასული ლინზა კი ჟანგბადს არ ატარებს, მავნე ნივთიერებებს თვალში აკავებს და თვალი ქრონიკული ინფექციის ბუდე ხდება.
გარდა ამისა, ზოგიერთი ფორმის სამედიცინო დანიშნულების ლინზით, ძილიც შესაძლებელია, მაგრამ ფერადი ლინზები დაწოლისას აუცილებლად უნდა მოვიხსნათ და სპეციალურ ხსნარში ჩავდოთ, რომ თვალების ფერის ცვლასთან ერთად, მხედველობის დაქვეითება არ გამოიწვიოს
წყარო: eva.ge
რა შემთხვევაში აზიანებს ლინზა თვალებს
⏱️ 1 წთ.
👁️ 3 558
100%