5 რამ, რაც საყვარელ ადამიანს არასდროს არ უნდა უთხრათ



ალბათ, ფიქრობთ, რომ გულახდილობა ურთიერთობაში უმნიშვნელოვანესია. ეს, რა თქმა უნდა, ასეა. თუმცა, არსებობს რაღაცები, რაც არავითარ შემთხვევაში არ უნდა უთხრათ თქვენ პარტნიორს, თუნდაც მან ეს გკითხოთ.

ამ პოსტის მიზანი არავითარ შემთხვევაში არაა ტყუილების ადვოკატირება. უბრალოდ, ზოგჯერ დეტალები თქვენი წარსულიდან თუ აწმყოდან, შესაძლოა დამანგრეველიც კი აღმოჩნდეს ურთიერთობისთვის.

ამიტომ, გთავაზობთ რამდენიმე რჩევას:

1. არასდროს წამოგცდეთ, რომ თქვენს ოჯახს ან მის რომელიმე წევრს ის ან მისი თმის ფერი, ქცევა თუ მაკიაჟი არ მოსწონთ. ეს მხოლოდ გააღიზიანებს თქვენს პარტნიორს, ბოღმის ცეცხლს დაუნთებს გულში და ძალაუნებურად გაუჩენს სურვილს, როგორმე მწარედ ანანოს თქვენ ოჯახს მისდამი ამგვარი „უსამართლო“ განწყობა.

2. არავითარ შემთხვევაში, გულწრფელობის შემოტევის პიკზეც კი არ უთხრათ მას, რომ სხვა ქალთან თუ კაცთან ფლირტი გქონდათ, თორემ ქარიშხალი დღეს-ხვალ გარდაუვალი იქნება.

3. თუ ობობების გეშინიათ ან ფიქრობთ, რომ თქვენი ყოფილი უფრო უკეთესი იყო ვიდრე თქვენი ამჟამინდელი პარტნიორი, ღვთის გულისათვის - შეინახეთ ეს ფიქრი თქვენთვის.

4. თუ თქვენ სუსტი და უნებისყოფო ხართ... მოკლედ, იმ შემთხვევაში თუ თქვენ არ ხართ ობობების მკვლელი და პირიქით, მათ დანახვაზე გარბიხართ, ან სულაც ფილმების ყურების დროს თვალზე ცრემლი გადგებათ, ქალებთან ურთიერთობაში, იშვიათი გამონაკლისების გარდა, ეს წარუმატებლობის მეტს არაფერს მოგიტანთ - ქალებს ძლიერი მამაკაცები მოსწონთ! ასე რომ, გირჩევთ, თავი შეიკავოთ თქვენი სისუსტეების გამოვლენისგან, მით უფრო მაშინ, თუ ურთიერთობა ახალი და შორს მიმავალია.

5. იმ შემთხვევაში თუ დედას ძალიან ხშირად ელაპარაკებით... ასეთი რამ პარტნიორ ქალებს, როგორც წესი, აშინებთ. ქალს არ სურს გრძნობდეს, რომ დედათქვენი მისი კონკურენტია, ან უარესი - რომ თქვენ დედაზე ხართ დამოკიდებული. ასე რომ, გირჩევთ, ეს პატარა საყვარელი საიდუმლო თქვენთვის შეინახოთ.


წყარო: etanews.ge
































ტექსტის სანახავად გაიარეთ რეგისტრაცია.