თარგმნა მანანა აბაშიძეi
თეთრი
არის თუ არა ფერი, დაკავშირებული ადამიანის ფსიქიკასთან, მის ფსიქოლოგიურ მდგომარეობასთან და თუ დაკავშირებულია, როგორ? შეიძლება თუ არა, რომ საყვარელი ფერის მიხედვით ადამიანის ხასიათსა და პიროვნულ თავისებურებებზე ვიმსჯელოთ?
ახდენს თუ არა გავლენას ჩვენზე, ჩვენს ჯანმრთელობაზე, გარემომცველი სამყაროს ფერები? ამ და ზოგიერთ სხვა კითხვაზე პასუხებს ფერის ფსიქოლოგიის თავისებურებებში გარკვევა დაგვეხმარება.
ფერების მნიშვნელობის შესახებ ერთ-ერთი ყველაზე მნიშვნელოვანი ნამუშევარია შვეიცარიელი ფსიქოლოგის, მაქს ლუშერის ნაშრომი. მასში, სისტემატიზირებულია ათასობით ადამიანის ფერთა პრეფერებციები და ამ სისტემატიზაციაზე დაყრდნობით, გააზრებულია მოცემული ინდივიდის ფსიქოლოგიური თავისებურებები, პიროვნული კონფლიქტები, ემოციური მდგომარეობა მოცემული მომენტისთვის და ბევრი სხვა რამ. მაშ ასე, ფერთა ფსიქოლოგია - თეთრი.
თეთრი ფერის სიმბოლური მნიშვნელობა
თეთრი ფერი სიმბოლოა სულიერების, არამატერიალური სამყაროსი, სინათლის (მაგალითად, ანგელოზთა თეთრი სამოსი), შუქის... შუქი კი, სიმბოლოა როგორც ადამიანის ცნობიერების ასევე, საღვთო ძალებისაც და ყველაფერი ნათელის. სხვათაშორის, თანამედროვე მეცნიერებამ ფიზიოლოგიურ დონეზე დაადასტურა სინათლისა და ცნობიერების ურთიერთგანგრძობადობა - უშუალო კავშირი.
თეთრი - სიმბოლოა ყოველივე უმანკოსი, კეთილის და არამიწიერის. მაგალითისთვის შეგვიძლია გავიხსენოთ პატარძლის თეთრი კაბა, თეთრი შროშანი როგორც ქალწულ მარიამის სიმბოლო და ა.შ...
თეთრი აფართოვებს ვიზუალური აღქმის საზღვრებს. ამის შემოწმება თქვენ თვითონაც შეგიძლიათ. შეხედეთ ჯერ, თეთრ ფონზე დახატულ შავ კვადრატს ხოლო შემდეგ, იმავე ზომის, შავ ფონზე დახატულ თეთრ კვადრატს - თეთრი აუცილებლად უფრო დიდი მოგეჩვენებათ. ამის გამო, თეთრ ფერს უხვად იყენებენ ინტერიერში როდესაც სურთ, რომ ოთახი ოპტიკურად უფრო დიდი გამოჩნდეს ან ჭერი, უფრო მაღალი.
თეთრი გამოიყენება იმისთვისაც, რომ ორ კონტრასტულ ფერს შორის განსხვავება ნაკლებად მკვეთრი გამოჩნდეს.
თეთრი ფერის ფიზიოლოგიური გავლენა
თეთრი ზეგავლენას ახდენს ადამიანის მხედველობით და ენდოკრინულ სისტემებზე. თეთრი ფერის ტანსაცმლის დიდ ხანს ტარება კი, ჩვენს კანს უფრო ნაზსა და რბილს ხდის.
ზოგადად, თეთრი ფერი ადამიანზე პოზიტიურ გავლენას ახდენს, მაგრამ დიდი ხნის განმავლობაში მთლიანად თეთრის ფერის გარემოცვაში ყოფნამ - მაგალითად, საავადმყოფოში: თეთრი კედლები, პერსონალის თეთრი ხალათები და ა.შ... - ადამიანი შესაძლოა, გააღიზიანოს. სწორედ ამიტომ, ბოლო წლებში, სხვავასხვა ქვეყნებში, მთელ როგ ჰოსპიტლებში, თეთრი ფერის სხვა ფერებით ჩანაცვლება დაიწყეს.
ფსიქოლოგიური მნიშვნელობა
თეთრი და შავი ე.წ. არაემოციური ფერებია; ისინი არ მიუთითებენ რაიმეს მიმართ დამოკიდებულებაზე, განწყობაზე. თეთრი და შავი ფერები მხოლოდ ადამიანის ფსიქოენერგეტიკულ მდგომარეობას განსაზღვრავენ. ამ შემთხვევაში, შეგვიძლია, პარალელი გავავლოთ. ასეთ სემთხვევაში, თეთრი გაქცევას, გაფანტვას შეესაბამება; შავი - აგრესიულ სიჯიუტეს, ემოციურ გაყინვას, შოკურ გაშეშებას.
თეთრი ფერის ტანსაცმლის მიმართ ადამიანის სიყვარული მრავლისმეტყველია და სამწუხაროდ, საკმაოდ არასასიამოვნო დასკვნების გაკეთების სესაძლებლობას იძლევა. ჩასაცმელში თეთრი ფერის მოჭარბება მიუთითებს იმაზე, რომ ადამიანი ენერგიის ნაკლებობას გრძნობს; აქვს უარყოფითი განწყობა საკუთარი სხეულის ან ინსტინქტების გამოვლინებების მიმართ. ხშირად, თეთრი ფერის სიყვარული მოწყენილობაზე და იზოლაციის სურვილზეც მიუთითებს.
შავი
ფერთა პალიტრაში შავი ერთ-ერთი ყველაზე უფრო წინააღმდეგობრივი, თითქმის პარადოქსული ფერია. ის, უპირველეს ყოვლისა, რაღაც მტრულთან, საშიშთან, ბოროტთან ასოცირდება. ესეც არის იმის მიზეზი, რომ შავი გლოვის აღმნიშვნელი ერთ-ერთი ფერთაგანია.
შავი ფერის სიმბოლური მნიშვნელობა
შავი ასოცირდება უარყოფასთან, ილუზიების ნგრევასთან და საკუთარი პოზიციების აგრესიულად დაცვასთან. სწორედ ამიტომ, ადამიანზე სავი ფერის ზემოქმედება შეიძლება სახიფათოც იყოს - მან შეიძლება ემოციურად „გაყინოს“ ადამიანი. ამიტომ, შავი ფერის ტანსაცმლის დიდ ხანს ტარება არ შეიძლება - ეს შეიძლება სახიფათო აღმოჩნდეს ადამიანის ფსიქოლოგიური მდგომარეობისთვის.
შავ-თეთრის კომბინირება
როდესაც ამბობენ, რომ ვიღაც სამყაროს შავ-თეთრ ფერებში აღიქვამს, მხედველობაში აქვთ ადამიანის მაქსიმალიზმი, სამყაროს გამარტივებული აღქმა... თუ ადამიანი ერთდროულად შავ და თეთრ ფერს ირჩევს, ეს მიანიშნებს სერიოზულ კრიზისულ სიტუაციაზე, ადამიანის გაუსაძლისად მძიმე ფსიქოლოგიურ მდგომარეობაზე რომელიც, სხვავასხვა ცხოვრებისეული პრობლემებითაა გამოწვეული.
შავ-თეთრი ურთიერთგამომრიცხავი სამყაროების ერთობლიობაა, რაც ყოველთვის იწვევს ფატალურ დაძაბულობას.
იმდენად დიდს, რომ ცნობიერება თავდაცვის მიზნით ემოციებს „თიშავს“ და ასე ჩნდება შავ-თეთრის ანუ, ემოციურად ნეიტრალური ფერების სიყვარული.
წყარო: presa.ge
ფერის ფსიქოლოგია - გაიგეთ ვინ ხართ
⏱️ 1 წთ.
👁️ 5 673
100%