1 – გიყვარდეს კაცი!
ქალები, რომლებიც ხშირად ამბობენ ფრაზას – ,,ყველა კაცი ერთნაირია!” მამაკაცებს ნაკლებად მოსწონთ. მათ ეს წინადადება შეიძლება არც გაუგონიათ, თუმცა შინაგანად გრძნობენ ქალის დამოკიდებულებას. ქალს, ვისაც გულწრფელად უყვარს ძლიერი სქესის წარმომადგენლები, ესმის მათი და ზოგჯერ თანაუგრძნობს – მათგან საპასუხო ყურადღება გარანტირებული აქვს. ეს სოციალური ფსიქოლოგიის კანონია – მე მომწონს ის, ვისაც ჩემს მიმართ ინტერესს ვამჩნევ! ამასთან ერთად ძალიან მნიშვნელოვანია კარგი სექსიც, ინტიმური თავგადასავალი კი სასიამოვნო ვერავისთვის გახდება, ვინც პარტნიორში მტერს ხედავს.
2 – იყავი არათანმიმდევრული!
სითბო და ყურადრება VS სიცივე და სხვა რამეზე გადართვა! სიყვარულის ფსიქოლოგიის
ექსპერტად ცნობილი ანდრე მორუას თქმით ,,შოტლანდიური შხაპი” საუკეთესო გზაა მამაკაცების დასაპყრობად. ხშირად გაუცნობიერებლად, მაგრამ ისინი შინაგანად მაინც მონადირეები არიან. ქალების მსგავსი თამაში მამაკაცების ინტერესის, სურვილის და სიყვარულის საბაბი ხდება. ამ მეთოდის გამოყენებისას მთავარი ზომიერების დაცვაა, რომ მამაკაცმა უცნაური, ცვალებადი საქციელი მანიპულირებაში არ ჩაგითვალოთ და არ შეშინდეს ამით.
3 - მზერა გვერდიდან!
ერთ მხარეს ოდნავ გადახრილ თავს და მათზე წამებით შეჩერებულ მრავლისმთქმელ მზერას კაცები ძნელად უძლებენ და ათ ეს ძალიან მოსწონთ - ეს ფაქტი მაკკუორის უნივერსიტეტის მიერ ჩატარებულმა ექსპერიმენტმა დაადასტურა.ცდა იმაში მდგომარეობდა, რომ მამაკაცებს ქალების შეთავაზებული ფოტოებიდან საუკეთესოების არჩევა სთხოვეს. გაირკვა, რომ არჩევანი გამოკითხულთა უმეტესობამ იმ ქალბატონებზე გააკეთა, რომლებიც ქვემოდან და ოდნავ გვერდიდან უყურებდნენ კამერის ობიექტივს. დარენ ბიორკი, ვინც ეს ექსპერიმენტი ჩაატარა განსაკუთრებით მაღალ ქალბატონებს ურჩევს ხშირად დასხდნენ და თავი ოდნავ გადახარონ, ურთიერთობის საწყისი ეტაპის პერიოდში მაინც.
4 – ბევრი მოძრაობა!
სპორტს არა – ფლირტს ვგულისხმობთ, რის დროსაც მოძრაობა აუცილებელია. სწორედ მოძრაობებია მთავარი განმსაზღვრელი და მამაკაცი ქვეცნობიერად ყოველთვის გრძნობს, რომ ქალი მისთვის ადგა, მისთვის, მის დასანახად გადაიხარა, მისთვის გაისწორა ხელით ნაზად თმა და ასე შემდეგ..
5 – ზოგჯერ საცვლების გარეშე!
ქალის მომხიბვლელობაზე მომუშავე სპეციალისტები, მათ თეთრეულის გარეშე სიარულს ურჩევენ, დროდადრო მაინც. როგორც ირკვევა, ასეთ დროს ქალი სხვანაირად მოძრაობს, აქვს სიარულის მისთვის უჩვეულო, უფრო მიმზიდველი მანერა, დარწმუნებულია საკუთარ სექსუალურობაში და გაუცნობიერებლად, მამაკაცების მისამართით მომაჯადოებელ იმპულსებსაც აგზავნის.
წყარო: lollipop.ge