ჟესტების ენა ქვეყნების მიხედვით ერთმანეთისგან მკვეთრად შეიძლება განსხვავდებოდეს. ამიტომაც დაკვირვება გმართებთ სანამ ვინესთან ჟესტებით კომუნიკაციას გადაწყვეტდეთ.
1. მშვიდობის ნიშანი ანუ მაღლა აწეული ორი თითი ხშირად რაოდენობის მაჩვენებლადაც გამოიყენება, თუ გადაწყვიტეთ ოფიციანტს დამატებით ორი ლუდი შეუკვეთოთ აუცილებლად მიაქციეთ ყურადღება, რომ ორი თითის აწევისას ხელისგულიც ოფიციანტისკენ გქონდეთ მიშვერილი. წინააღმდეგ შემთხვევაში აღნიშნული ჟესტი შუა თითის ჩვენების ეკვივალენტად ჩაითვლება. განსაკუთრებით ფრთხილად იყავით დიდ ბრიტანეთში, ავსტრალიაში, ირლანდიასა და ახალ ზელანდიაში.
2. მაღლა აწეული ცერა თითი ამერიკაში ან თუნდაც ფეისბუქზე მოწონების ნიშნად ითვლება, თუმცა ავღანეთში ირანში, საბერძნეთსა და იტალიის ნაწილში უხამს ჟესტად ითვლება და სექსუალური ურთიერთობის დამყარებისკენ ერთგვარ მოწოდებას წარმოადგენს.
3. ცერა და საჩვენებელი თითებით გამოსახული წრე ქვეყნების უმეტესობაში ნიშნავს, რომ ყველაფერი კარგადაა. თუმცა, მაგალითად, საფრანგეთში ეს ჟესტი ადამიანის უსარგებლობას უსვამს ხაზს. ვენესუელაში, თურქეთსა და ბრაზილიაში კი აღნიშნული ჟესტით თქვენ თანამოსაუბრეს ჰომოსექსუალურ ორიენტაციაზე მიანიშნებთ.
4. ფილიპინებში კი უნდა მოერიდოთ საჩვენებელი თითით ვინმეს მოხმობას, რადგან აღნიშნული ჟესტი ფილიპინელების მიერ ძაღლების მიმართ გამოიყენება. სინგაპურსა და იაპონიაში კი მსგავსი დაძახება სიკვდილის ნიშნად ითვლება.
5. ინდოეთში, შრი ლანკასა და აფრიკაში მოგზაურობისას კი შეგიძლიათ ჭამის დროს მარცხენა ხელის არსებობა დაივიწყოთ. აღნიშნულ ქვეყნებში მარცხენა ხელით ჭამა უკულტურობად ითვლება და იგი ბინძურად მიიჩნევა, ვინაიდან საპირფარეშოტუალეტისქაღალდისფუნქციასთანასოცირდება.
6. საბერძნეთში კი ვინმეს შეჩერებას გაშლილი ხელით თუ შეეცდებით უსიამოვნებებს ვერ გადაურჩებით. აღნიშნული ჟესტი ჯერ კიდევ ძველი დროიდან მოდის საბერძნეთში, როდესაც დაკავებულ ყაჩაღებს მოედნებზე ჩამოატარებდნენ და მსურველებს მათთვის ნახშირის ან ფუნის წასმა სწორედ ხელისგულით შეეძლოთ.
7. გადაჯვარედინებული თითებით ჟესტებს მოერიდეთ ვიეტნამში, რადგან იქ ეს ქალის სასქესო ორგანოს აღსანიშნავად გამოიყენება.
8. როკ მუსიკის თაყვანისმცელმები ხშირად იყენებენ ჟესტს სახელწოდებით "რქები", თუმცა მას მაქსიმალურად უნდა მოერიდოთ იტალიაში, ესპანეთში, პორტუგალიაში, ბრაზილიასა და კოლუმბიაში, რადგან თქვენ ამით თანამოსაუბრეს მეუღლის არაპატიოსნებაზე მიანიშნებთ.
9. ხელების ქნევით ვინმეს ყურადღების მიხმობას მოერიდეთ სამხრეთ კორეაში, რადგან სწორედ ამგვარად იხმობენ კორეელები თავისკენ ძაღლებს.
10. ტაილანდში და ზოგადად ბუდსტურ ქვეყნებში კარგად დაფიქრდით სანამ რომელიმე ბავშვთან გათამაშებას და მათთვის თავზე ხელის გადასმას გადაწყვეტდეთ: ბუდიზმში თავი ადამიანის ყველაზე წმინდა ადგილად მიიჩნევა. მათი წარმოდგენით სწორედ თავში სახლობს ადამიანის სული
წყარო: etanews.ge
10 საბედისწერო ჟესტი, რომელთა გამოყენებასაც უნდა ერიდოთ
⏱️ 1 წთ.
👁️ 4 635
100%