გაზაფხული სიყვარულისა და ქორწილების ხანაა. საქორწილო ცერემონიის დროს ბევრ ტრადიციულ რიტუალს ვასრულებთ, რომელთა საფუძვლებს ძველ დროში მივყავართ.
ეგვიპტელები პირველები იყვნენ, რომლებიც ქორწინების დროს ნიშნობის ბეჭდებს ცვლიდნენ. შუა საუკუნეებში კი მიიჩნეოდა, რომ მარცხენა ხელის არათითს გულთან ძარღვი აკავშირებდა, ამიტომაც დაიწყეს სწორედ ამ თითზე ბეჭდის ტარება, რათა სიყვარული და გადაწყვეტილების სიმტკიცე ეჩვენებინათ.
ბრილიანტები უფრო მოგვიანებით გაჩნდა, თეთრ საპატარძლო კაბას კი ყველა როდი იცვამდა. ყოველ შემთხვევაში, დედოფალი ვიქტორიას ქორწილამდე. 1840 წელს ის სწორედ თეთრი საპატარძლო კაბით გათხოვდა. ამ პერიოდიდან თეთრმა კაბამ, უმანკოების სიმბოლომ, მტკიცედ დაიმკვიდრა ადგილი საქორწილო ტრადიციებში.
თაიგულის გადაგდება თავდაპირველად სულაც არ ყოფილა ''სამკითხაოდ'', თუ ვინ გათხოვდება შემდეგი. ძველად ზოგიერთ ქვეყანაში სტუმრებს თურმე უყვარდათ პატარძლის კაბიდან ნაკუწების მოძრობა, რომ მისი ბედის ნაწილს დაუფლებოდნენ. თაიგულის ბრბოში გადაგდება იმიტომ დაიწყეს, რომ სტუმრები გაერთოთ, პატარძალი კი მთელი და დაუზიანებელი გასცლოდა ზეიმს.
პატარძლის მეგობრები, მეჯვარეები თავიდან ზუსტად ისე იყვნენ შემოსილნი, როგორც თვითონ პატარძალი. ასე ცდილობდნენ ავი სულების მოტყუებას, რომლებსაც შეეძლოთ ზიანი მიეყენებინათ ბედნიერი წყვილისთვის. ეს ვიქტორიანულ ეპოქამდე გაგრძელდა - სწორედ მაშინ დაიწყეს პატარძლის მეგობრებმა განსხვავებულად შემოსვა.
თაფლობისთვე სკანდინავიური ტრადიციაა. ოღონდ სკანდინავიაში ახალდაქორწინებულები სამოგზაუროდ არ მიდიოდნენ. უბრალოდ, ემალბოდნენ ხალხს და განმარტოვდებოდნენ, ტანაც, მთელი თვის განმავლობაში ყოველდღე თითო ფინჯან თაფლს მიირთმევდნენ - ტკბილი ქორწინებისთვის
წყარო: etanews.ge
თაფლობისთვის ტრადიცია სკანდინავიიდან მოდის
⏱️ 1 წთ.
👁️ 1 605
100%