არც ისე იოლია, იპოვო შენი მეორე ნახევარი, რომელსაც ყველანაირად გაუგებ. მით უმეტეს, ისეთი, რომელიც ჰოროსკოპითაც შეგესაბამება - რაც არცთუ უმნიშვნელო ფაქტორი ყოფილა. არ გაინტერესებთ, შეგესაბამებათ თუ არა თქვენი რჩეული ზოდიაქოს ნიშნითა და პლანეტების მიხედვით, ან თუ ჯერ არ გყავთ რჩეული, რომელ ზოდიაქოს ნიშნებს შორის უნდა ეძებოთ პარტნიორი?
ასტროლოგები ამბობენ, რომ ვარსკვლავები ძალიან დიდ გავლენას ახდენენ ადამიანების ურთიერთშეთანხმებაზე. გადავხედოთ პლანეტებს, რომლებიც მფარველობენ ზოდიაქოს ნიშნებს. ზოგიერთ ნიშანს ერთდროულად რამდენიმე პლანეტა მფარველობს, შესაბამისად, იმის მიხედვით, თუ რომელი პლანეტის გავლენაა უფრო მეტი, მიხვდებით, რომელი დახასიათება შეესაბამება მას ყველაზე მეტად. ასე რომ, ჩაიხედეთ თქვენთვის საინტერესო მამაკაცის ჰოროსკოპში, ნახეთ, რომელი პლანეტები მართავენ მის ნიშანს და შემდეგ გადაავლეთ თვალი ამ დახასიათებებს.
მთვარე
მაშ ასე, მთვარის პლანეტა მფარველობს ტიპიურ თხის რქებს, კუროებსა და კირჩხიბებს. ასეთი მამაკაცი არ გამოირჩევა დიდი თავდაჯერებით. ძნელად იღებს საკუთარ გადაწყვეტილებას. მთვარის წარმომადგენლები ქალს მეტი აქტიურობისკენ უბიძგებენ. ხოლო როცა ორივე იპოვის ერთმანეთს და პარტნიორები გახდებიან, მამაკაცი ახირებულ ბავშვს ემსგავსება. ან შეიძლება პირიქით, მამობრივი მზრუნველობა გამოაიჩინოს.
ასეთი ადამიანების მთავარი ღირსება, რასაკვირველია, მგრძნობიარობა და სირბილეა. ქალს ხშირად ეჩვენება, რომ კაცი მას თვით მასზე უკეთ უგებს. არ უყვარს ქალთან უხეში მოპყრობა. ქალი, რომელსაც აკლია მამაკაცის ალერსი, სიამოვნებით შეიყვარებს ასეთ მამაკაცს. ამ ტიპის წარმომადგენელ მამაკაცთან სექსიც დაუვიწყარია.
ძირითადად მთვარის წარმომადგენლები იზიდავენ დედობრივი ინსტინქტის მქონე ქალებს, რომლებსაც უყვართ პარტნიორზე ზრუნვა.
მზე
ყველაზე ხშირად მზის მფარველობის ქვეშ არიან ლომები და ვერძები. მზის მამაკაცი მართლაც მზიანია, მასთან ყოველი დღე დღესასწაულია. ოღონდ უფრო ხშირად ამას საკუთარი თავისთვის აკეთებს, რათა სხვათა თვალში ღირსეულად წარმოჩინდეს. სექსუალური ურთიერთობები მასთან მეტისმეტად ხანმოკლეა.
მერკური
ძირითადად ეს ტყუპებისა და ქალწულის ნიშნის წარმომადგენლები არიან. გამუდმებით ატარებენ რაიმე ექსპერიმენტებს და შედარებებს. გონებამახვილობა, ერუდიცია და გამჭრიახობა ამ ტიპის ადამიანებისთვის დამახასიათებელია. თავის გრძნობებს არ მალავს. უარსაც იოლად იტანს, ზედმეტი ემოციურობის გარეშე.
მასთან სექსი იგივეა, რაც მეგობრული ურთიერთობები, ყოველგვარი სერიოზულობის გარეშე! ქალები, რომლებსაც მობეზრდათ ხანგრძლივი და მძიმე რომანები, მერკურის წარმომადგენლებით აღფრთოვანდებიან.
ვენერა
ძირითადად, ვენერის მფარველობის ქვეშ არიან ასევე კუროების გარკვეული ნაწილი და სასწორი. მათთვის თვალის დევნება ერთი სიამოვნებაა. მათთან მეტისმეტი გულახდილობა არ ღირს - ეს მეტისმეტად დიდ ტვირთად აწვებათ. გრძნობებზეც მათ თითქმის მინიშნებებით უნდა ელაპარაკოთ. ბევრ რამეს უსიტყვოდ იგებენ. ამ მამაკაცებით ესთეტიკური მიდრეკილებების მქონე ქალები ინტერესდებიან.
უყვართ ქალზე ზრუნვა, ოღონდ არა საჩვენებლად. პირადი ცხოვრება მათთვის მართლაც პირადია. პარტნიორის განწყობის გაზიარება ეიოლებათ. ყოველთვის სჯერათ საკუთარი ძალების, რის გამოც სოციუმში დაფასებულნი არიან.
სექსი ჩვეულებრივი და ხანდახან მოსაწყენიცაა. ისინი იმ ქალებისთვის არიან ზედგამოჭრილნი, რომელთაც ესთეტიკური გრძნობები აქვთ ფრიად განვითარებული.
მარსი
ხშირად ვერძი და იშვიათად მორიელი. ერთი ნახვით შეყვარება სწორედ მარსის წარმომადგენლებს ახასიათებთ. შეუვალ ქალებთან ორნაირად იქცევიან: ან მაშინვე მიატოვებენ მასზე ფიქრს, ან ყველა ხერხით მოიპოვებენ.
სექსი ცოტა მოუხეშო და ინტენსიური აქვთ, თუმცა არა მოსაწყენი. ასეთ კაცებს სერიოზული ქალები შეეფერებათ.
იუპიტერი
ტიპიური მშვილდოსნები. იშვიათად განიცდიან გულწრფელ სიყვარულს. ძირითადად, თავი მოაქვთ, რომ უყვართ, რადგან გარკვეულ სარგებელს ხედავენ ურთიერთობაში. ძირითადად, ბანალური სექსისა და საყოველთაო ყურადღებისთვის აკეთებენ ამას. ქალის დაპყრობის ხერხებს ფლობენ, თუმცა ძალიან ეჭვიანები არიან. მათ ხაფანგში ძირითადად ქარაფშუტა და ნაკლებად სერიოზული ქალები ებმებიან.
სატურნი
დამახასიათებელია კირჩხიბებისა და თხის რქებისთვის, ხანდახან - სასწორისა და ვერძისთვის. ქალისთვის ძნელია ასეთი მამაკაცისთვის თავის მოწონება. სანამ სერიოზულ ურთიერთობებს წამოიწყებს, დიდხანს ფიქრობს. ძირითადად, გოგონების მხრიდან ელიან ინიციატივასა და ყურადღებას. უყვართ ქალისთვის მხოლოდ სიმართლის თქმა, ტყუილები არ უყვართ. სატრნის წარმომადგენელი საიმედო მეგზურია. სექსი ხანგრძლივი აქვს, ლამის სრულ უძლურებამდე. ამგვარი კაცები ძალაუფლების მოყვარულ ქალებს შეესაბამებათ.
ურანი
ძირითადად, მერწყულები. ამ პლანეტის მამაკაცებს ხშირად ახასიათებთ შეყვარებულობა. ქალებს ხანდახან ეშინიათ კიდეც მისი ზედმეტი ემოციურობის. სამაგიეროდ, მასთან არ მოიწყენენ. სასიამოვნო კომპლიმენტები და ყვავილები არ მოაკლდებათ.
სექსში ცვალებადნი არიან. პარტნიორს ნაკლებად მოერგებიან, თუმცა ფიქრობენ მისთვის სიამოვნების მინიჭებაზე. ასეთი მამაკაცებისთვის ყველაზე შესაფერისნი არიან ძლიერი და დამოუკიდებელი ქალები. ნაზ და მგრძნობიარე არსებებს ურანის წარმომადგენლებთან გაუჭირდებათ.
ნეპტუნი
ჩვეულებრივ, მორიელები, თევზები, ხანდახან - მერწყულები. ეს ყველაზე საშიში ტიპია. ნეპტუნის წარმომადგენლებს უიოლდებათ ადამიანის მოხიბვლა. ემოციური ქალები გიჟდებიან ასეთი ტიპის მამაკაცებზე. შეიძლება, ქალს არც მოსწონდეს ამგვარი კაცი, მაგრამ მიზიდულობა ჰქონდეს.
სექსი სასიამოვნოა. ნეპტუნის წარმომადგენელი ლოგინშიც დიდ ლტოლვას უღვიძებს ქალს და მასზე დამოკიდებულსაც კი ხდის. განსაკუთრებული წარმატებით ასეთი კაცები სარგებლობენ `მსხვერპლის~ კომპლექსის მქონე ქალებში.
პლუტონი
ძირითადად, ვერძები, მორიელები, იშვიათად - ლომები. ქალს თითქოს ტრანსში აგდებენ. ასეთი პიროვნებების გაგება მგზნებარე მზერით შეიძლება. უყვართ ჩხუბი, კამათი. პლუტონის ნიშნებს უცებ შეუძლიათ გაფიცხება. მათთან ხუმრობა არ ღირს.
ძალიან მგრძნობიარენი არიან, განვითარებული აქვთ ემოციური და ფიზიკური მხარე. ყველაზე ვნებიანნი არიან, თუმცა - ეჭვიანებიც.
ტყუილი ლაყბობა არ უყვართ, ასე რომ, მათ ნათქვამს ფასი აქვს. მათთან სექსი დაუვიწყარია, ენერგეტიკული ცვლა ისეთი ინტენსიურია, ქალი ხშირად თვითკონტროლსაც კარგავს.
წყარო: etanews.ge
შეთავსების ჰოროსკოპი - როგორ ავირჩიოთ ქმარი პლანეტის მიხედვით
⏱️ 1 წთ.
👁️ 4 560
100%