რა სურთ თქვენგან მამაკაცებს?



1. ენთუზიაზმი, შთაგონება
ბოლოს როდის გქონდათ პარტნიორთან სექსი თქვენი ინიციატივით? ჩვეულებრივ, ვინ დგამს პირველ ნაბიჯს? რა თქმა უნდა ის. თუ ეს მართლაც ასეა და ძირითადი ინიციატორი თქვენი მეუღლეა, მაშინ ფრთხილად! ამით თქვენს პარტნიორს კითხვებს უჩენთ: „რატომ არ იჩენს ინიციატივას, იქნებ აღარ ვუყვარვარ?“
ამ პრობლემის მოგვარება საკმაოდ მარტივად შეიძლება: შეიხსენით ღილი პერანგზე და წაისვით წითელი ტუჩსაცხი იყავით უფრო გამომწვევები და სექსუალურები, ეს ერთგვარი სიგნალი იქნება მისთვის. მან იცის, რომ ის ერთადერთია, ვისაც შეუძლია გაკოცოთ წითელ ტუჩებზე და შეგიხსნათ პერანგზე ყველა ღილი.

2. მრავალფეროვნება
ყველა ადამიანს აქვს ჩვევები და ეს ყოველთვის წარმოადგენს დიდ პრობლემას როგორც მათთვის, ისე გარშემომყოფთათვის. აღმოაჩენთ, რომ რაღაც მოგწონთ და გაუთავებლად იმეორებთ იგივეს მანამ, სანამ არ შეგძულდებათ. ძნელია შეწყვიტო იმის კეთება, რაც ადრე ძალიან კარგად მუშაობდა, მაგრამ ეს აუცილებელია! ბევრი მამაკაცი ჩივის:
„ვცდილობ გავაგებინო მას, რომ „ტაქტიკა“ შესაცვლელია, რადგან ყველაფერი ძალიან ერთფეროვანია“
ამ პრობლემის გადაჭრაც ძალიან მარტივად შეიძლება, თქვენ შეგიძლიათ პარტნიორთან ერთად სექსით დაკავდეთ შხაპის მიღებისას, აკოცოთ მას მოულოდნელად.
„მიყვარს როცა ჩემი მეუღლე დღის განმავლობაში ხშირად მეხება, ამით მე ვხვდები, რომ ის ჩემზე ფიქრობს“ ამბობს ერთ-ერთი მამაკაცი.

3. თავგადასავლები
შეიძლება იშვიათად, მაგრამ აუცილებლად უნდა მოიქცეთ გაბედულად, უნდა სცადოთ მისი გაოცება. სცადეთ დატკბეთ სიყვარულით ხალხმრავალ ადგილებში და ანახოთ ყველას, რომ ერთმანეთი ძალიან გიყვართ. სცადეთ თქვენი ცხოვრება უფრო მხიარული გახადოთ.
„სექსი გვაქვს ყველგან, სადაც შესაძლებელია, ეს მშვენიერია“ ამბობენ ქმრები.
ხშირად მოუწყეთ ქმარს სიურპრიზი, მაგალითად, შეგიძლიათ მოულოდნელად გაჩნდით მასთან სრულიად შიშველი. ეცადეთ ყოველთვის იყოთ იმისთვის მზად, რასაც ის შემოგთავაზებთ.

4. სიკეთე, ხელგაშლილობა
რას ნიშნავს იყო კეთილი და ხელგაშლილი? თქვენ შეგიძლიათ დააჯილდოვოთ პარტნიორი და აჩუქოთ მას დაუვიწყარი საღამო, ამისთვის არაა საჭირო განსაკუთრებული მიზეზი. ორალური სექსი ერთ-ერთი ყველაზე კარგი საჩუქარია თქვენი მეუღლისთვის. სექსუალურ ცხოვრებაში, სექსის ამ ფორმას ჯერ კიდევ აქვს ძალა აღაგზნოს პარტნიორი.

5. სიმართლე.
როდესაც მამაკაცი და ქალი საწოლში ერთად წვება, მათ ერთმანეთის უსიტყვოდ ესმით და იღგზნებიან ერთმანეთთან საუბრის გარეშე-ეს ფილმებში, მაგრამ რა ხდება რეალურ ცხოვრებაში? ადამიანები ყოველთვის დიდ მნიშვნელობას ანიჭებენ იმას, ესმის თუ არა პარტნიორს მათი უსიტყვოდ. ეს ყველაფერი ძალიან სასაცილოა, შეუძლებელია, ადამიანმა უსიტყვოდ გაიგოს, რა სურს მის პარტნიორს. უამრავი ქალის მთავარი პრობლემა, სწორედ გულახდილი საუბარია:
„მინდა ჩემი ქმარი უჩემოდ ხვდებოდეს როდის ვიღგზნები, იმიტომ, რომ მე უბრალოდ მრცხვენია ამის თქმა“
გამოსავალის პოვნა არც ისე რთულია, საჭიროა ერთმანეთთან საუბარი თქვენს სექსუალურ სურვილებზე.

6. ყურადღება
ქორწინების მანძილზე, ბევრი ისეთი რამაა, რაც ხელს უშლის ყურადღებიანები იყოთ ერთმანეთის მიმართ- სამსახური, ბავშვები... შეუმჩნევლად ქრება ერთმანეთისადმი ლტოლვა და აღარაფერია საყვედურების გარდა. თქვენი მოთხოვნა უცვლელია „ხომ შეგიძლია დამეხმარო, როგორ მივხედო ბავშვებს და სახლს ერთდროულად“ ასევე უცვლელია მისი მოთხოვნაც და მუდმივად სურს დაკავდეთ სექსით, მაგრამ თქვენ ყოველთვის დაღლილი ხართ. შეწყვიტეთ საყვედურები, შეეცადეთ მეტი დრო დაუთმოთ მეუღლეს დაელოდეთ მისგან იგივეს.

7. მხიარულება, სიძლიერე
არსებობს კამათი ცოლ-ქმარს შორის და არსებობს სერიოზული ჩხუბიც. არაფერია იმაზე უარესი, ვიდრე ჩხუბი სექსზე. ერთ-ერთ თქვენგანს სურს სექსით დაკავება, მეორეს პირიქით. უარი საშინელებაა! თქვენი და თქვენი პარტნიორის ურთიერთობა აღარ არის ისეთი, როგორც ადრე. ნელ-ნელა წყვეტთ სიურპრიზების კეთებას თქვენი ქმრისთვის, სამაგიეროდ აგრძლებთ მისი წინდების დახარისხებას. ის მოდის სახლში, თქვენ კი ამ დროს ბავშვებს უვლით, ხართ დაღლილი და როდესაც წვებით ფიქრობთ მხოლოდ ძილზე. საჭიროა დრო გამონახოთ საკუთარი თავისთვის და მეუღლისთვის, იყოთ ისეთივე მხიარულები და ძლიერები როგორც ადრე და სახლში დაბრუნებულ პარტნიორს შეხვდეთ მომღიმარი სახით.

8. ნდობა
ნდობა შეიძლება ყველაზე სექსუალური რამ იყოს, რაც კი ოდესმე გცმიათ საწოლში. მისი დახმარებით თქვენ ხართ თავდაჯერებული ყველაფერში, რასაც არ უნდა აკეთებდეთ. სექსი სრულიად შიშველი ქმედებაა, თუმცა ზოგჯერ თქვენ ეჭვი შეგაქვთ მის სრულყოფილებაში. შეწყვიტეთ იმაზე ფიქრი, თუ რამდენად სწორად იქცევით საწოლში. სექსუალური თავდაჯერებულება მოდის დროსთან ერთად. თუ თქვენ და თქვენს პარტნიორს ხშირად გაქვთ სექსი, მაშინ ადვილად ისწავლით, რა სიამოვნებს მას. რაც უფრო მეტს სწავლობთ, მით უფრო თავდაჯერებული ხდებით.

9. მიმზიდველობა
მამაკაცებისთვის თქვენი ვიზუალური მხარე მნიშვნელოვანია, თუმცა ეს იმას არ ნიშნავს, რომ ვიზუალი მათთვის გადამწყვეტია. თუ თქვენ, სპეციალურად მისთვის, იცვამთ ახალ კაბას, ის ხვდება, რომ თქვენ კიდევ ცდილობთ მის მოხიბვლას.
ერთი ქალბატონი საუბრისას ამბობს:
„მე მყავს ოთხი შვილი 6 წელს ზემოთ, ამიტომ ვფიქრობ, ჩემი სხეული აღარაა ისეთი მიმზიდველი, როგორც ადრე. ჩემი მეუღლე ამბობს, რომ მას ჩემი წონა არ აინტერესებს მაგრამ მე ვიცი, რომ ეს ასე არაა“
თუ თქვენი მეუღლე გეუბნებათ, რომ თქვენ ძალიან ლამაზად და სექსუალურად გამოიყურებით, დაუჯერეთ და ენდეთ მას.
„მე ვცდილობ გავაგებინო ჩემს ცოლს, რომ ის ჩემთვის ყოველთვის ლამაზია და მუდმივად მხიბლავს მისი სექსუალურობა. ის კი ტყუილად ნერვიულობს რომ გასუქდა. მე არ მაინტერესებს მისი წონა, ის ჩემი ცხოვრების სიყვარულია!“

10. ბედნიერება
უკვე აღვნიშნეთ, რომ საჭიროა ერთმანეთის მიმართ ყურადღება. ეს ძალიან მარტივად, მოკლედ ნათქვამია. საჭიროა ცოლ-ქმარმა ერთმანეთს დაუთმოს ძალიან დიდი დრო და ყურადღება. მნიშვნელობა არ აქვს რამდენი წლის ხართ, თქვენ და თქვენი პარტნიორი, მუდმივად უნდა იწვევდეთ აღტაცებას საზოგადოებაში.
აიღეთ კალამი და ჩამოწერეთ ფურცელზე თქვენი ერთი, ჩვეულებრივი დღის გრაფიკი. მიუთითეთ რამდენ დროს უთმობთ სამსახურს, ბავშვებს, სახლს, მეუღლეს...აღმოაჩენთ რომ ყველაზე მცირე დროს ხარჯავთ მეუღლესთან ყოფნისას. თქვენ ყოველთვის შეგიძლიათ, სამსახურიდან სახლში შედარებით ადრე მოსვლა, ბავშვებსაც შეუძლიათ გააკეთონ ბევრი რამ თქვენგან დამოუკიდებლად. დროა ჩაჰკიდოთ ხელი თქვენს პარტნიორს და წახვიდეთ სასეირნოდ, უბრალოდ ისაუბროთ, უყუროთ ტელევიზორს ან მიხვიდეთ ტურისტულ სააგენტოში და იკითხოთ: „რომელია ყველაზე იაფი ბილეთი კუნძულ ტაიტამდე?“
დიახ, რთულია დატოვოთ ბავშვები და აიღოთ შვებულება მაგრამ ეს თქვენი ცხოვრებაა, დაჯავშნეთ ბილეთები, შეიძინეთ სექსუალური ბიკინი და იყავით ბედნიერი თქვენს მეუღლესთან ერთად.


წყარო: cacao.cp.ge
































ტექსტის სანახავად გაიარეთ რეგისტრაცია.