მეცნიერებმა შეადგინეს სია, რა პროფესიის მამაკაცებმა შეიძლება იმოქმედონ უარყოფითად ნაყოფის განვითარებაზე. აღმოჩნდა, რომ მუცლად ყოფნის დროს ბავშვის ჯანმრთელობაზე გავლენას ახდენს არა მარტო დედის, არამედ მამის საქმიანობის სფეროც.
ამერიკელმა მეცნიერებმა ათასზე მეტი იმ მამაკაცის პროფესია გამოიკვლიეს, რომელთა შვილებს თანდაყოლილი დეფექტი ჰქონდათ და შედეგები ჯანმრთელი შვილების მამების მონაცემებს შეადარეს, რის საფუძველზეც შთამომავლობისთვის სახიფათო პროფესიები გამოავლინეს.
მეცნიერთა მტკიცებით, მამაკაცის პროფესია რამდენადმე ზრდის თანდაყოლილი დეფექტის მქონე ბავშვის გაჩენის რისკს. რისკის ჯგუფში მოხვდა ისეთი პროფესიები, როგორებიცაა: მხატვარი, ფოტოგრაფი, სტილისტი, ფიზიკოსი, სტამბის მუშა, მძღოლი, მნე, ნავთობისა და გაზის, ქიმიური და კვების მრეწველობის მუშაკები.
მეხანძრეებს, მღებავებს, დიზაინერებს, მედიკოსებს, მეთევზეებს, სამხედრო მოსამსახურეებს, ავტოზეინკლებს და რიგი სხვა პროფესიის მამაკაცთა შთამომავლებს მსგავსი საფრთხე არ ემუქრებათ.
წყარო: cacao.cp.ge
მამაკაცის რომელი პროფესია ვნებს ჩანასახს ?
⏱️ 1 წთ.
👁️ 2 459
100%