' />

როგორი ქალი აღიზიანებს მამაკაცს



''როდესაც გიყვარს, მისი ნაკლიც კი აღგაფრთოვანებს'' - ირწმუნებიან მამაკაცები საყვარელ ქალზე საუბრისას. შემდეგ კი, როცა ვნების ქარიშხალი ჩაცხრება, აღფრთოვანება სადღაც ქრება და პრეტენზიებიც იჩენს თავს. უმეტეს შემთხვევაში გაღიზიანების მიზეზი აქვთ.

ბუნდოვანი აზრი

წინა საუკუნის სტერეოტიპი, რომ ქალისთვის უხერხულია პირველი გამოუტყდეს სიყვარულში და მამაკაცმა მისი გრძნობები და სურვილები თავად უნდა ამოიცნოს, მამაკაცებს დღესაც აღიზიანებთ. რა ქნას მამაკაცმა, თუ ვერაფრით ხვდება, რა უნდა ქალს ან რაზე მიანიშნებს? მაგალითად, ქალი ამბობს: ''რა ლამაზი საყურეები აქვს ჩემს დაქალს'', მამაკაცს შეუძლია, ამ დროს მხოლოდ დაეთანხმოს და მეტი არაფერი! ნუთუ ასე ძნელია, პირდაპირ და გასაგებად თქვას: ''საყვარელო, მეც მინდა ასეთი საყურეები''.

ხელახლა აღზრდის სურვილი

მაშინაც კი, თუ ქალს ყველაზე კეთილშობილური მიზნები ამოძრავებს, მამაკაცს სასტიკად აღიზიანებს, როცა მის ხელახლა აღზრდას იწყებენ. მუდმივად ნაკლზე მითითება, იმის მოთხოვნა, რაც მის ძალებს აღემატება, გაუთავებელი საყვედურები - ''შენ მეტი ფულის შოვნა შეგიძლია'' ან ''დროა, კარიერას მიხედო'' და ა.შ., ურთიერთობებს ანგრევს.

მბრძანებლური ტონი

ყველა მამაკაცი გულის სიღრმეში ოსტაპ ბენდერია. თითოეულმა იცის, რომ ''პარადს'' თვითონ უნდა უხელმძღვანელოს.
როცა ქალი მიმართავს მამაკაცს, მნიშვნელობა არ აქვს სიტყვებს (ნებისმიერი კონტექსტი შეიძლება იყოს), მთავარია ინტონაცია, რომლითაც ეს სიტყვები წარმოითქვა. ამიტომ, როდესაც რაიმე მნიშვნელოვანი გაქვთ სათქმელი მამაკაცისთვის, კარგი იქნება, თუ საჭირო ტონს შეარჩევთ და მამაკაცი მასში მბრძანებლურ ნოტებს ვერ შენიშნავს.

აშკარა მერკანტილურობა

როცა მამაკაცის რეპლიკაზე ''ძვირფასო, მე შენ მიყვარხარ'', ''ძვირფასი'' პასუხობს: ''კარგი და, ქურქს მიყიდი''? მამაკაცის სულიერი აღტკინება მაშინვე უკვალოდ ქრება. მამაკაცებს სურთ, ისინი უანგაროდ, უბრალოდ უყვარდეთ. ამიტომ ყოველგვარი მერკანტილური გამოვლინება მათში იმედგაცრუებას იწვევს.

პროვოკაციული შეკითხვები

მამაკაცს აღიზიანებს შეკითხვები, რომელთა პასუხებიც წინასწარ არის განსაზღვრული. მაგალითად, როცა ქალი ეკითხება: ''ძვირფასო, ძალიან ხომ არ გავსუქდი?'' ან ''ეს ფეხსაცმელი ამ კაბას უხდება?'' კაცი კუთხეში მიმწყვდეულად გრძნობს თავს. იმიტომ, რომ იცის, ქალს რისი მოსმენა უნდა. პირველ შემთხვევაში აუცილებლად უნდა უპასუხოს: ''არა, სულაც არა'', მეორე შემთხვევაში კი უნდა დაეთანხმოს. რაც მთავარია, ქალმაც იცის, რა პასუხს მიიღებს და მამაკაცსაც სწორედ ეს ფსევდოშეკითხვები აღიზიანებს.

ზედმეტი ლაპარაკი

საშუალო სტატისტიკური მონაცემებით, მამაკაცი დღეში 3 ათას სიტყვას ამბობს, ქალი კი - 7 ათასს. სხვაობა - 4 ათასი სიტყვა - პრობლემის გადასაწყვეტად გვჭირდება. როდესაც ქალები პრობლემაზე ლაპარაკობენ, მამაკაცებს ჰგონიათ, რომ ისინი წუწუნებენ, სინამდვილეში ქალი ამ დროს გამოსავალს ეძებს. ამიტომ პრობლემებზე საუბრისას ნუ გამოცდით მამაკაცის მოთმინებას, საქმის არსი მოკლედ და მკაფიოდ გადმოეცით. ზოგად წვრილმანებზე ლაპარაკი, რაც შესაძლოა, სწორედ ამ ოთხი ათას სიტყვას მოიცავდეს, მამაკაცს აღიზიანებს.

სურვილი, საყვარელი მამაკაცი დაქალად აქციო კაცისთვის ყველაფრის გაზიარების სურვილი, მასთან გულითადი საუბრები, მოდური ტენდენციების გარჩევა, დაქალებზე ჭორაობა, მაღაზიებში ერთად სიარული - ეს მამაკაცებს საშინლად აღიზიანებთ.
ქალებს კი უკვირთ, რატომ არ აინტერესებთ მათ ყოველივე ეს. გაინტერესებთ რატომ? იმიტომ, რომ არც ერთი ზემოჩამოთვლილი ფუნქცია არ არის მამაკაცის.


წყარო: etanews.ge
































ტექსტის სანახავად გაიარეთ რეგისტრაცია.