ძილი ისეთივე აუცილებელია ადამიანისათვის, როგორც, ჰაერი, წყალი და საკვები. ის დახარჯული ენერგიის ამღდგენი პროცესი და ჯანსაღი ცხოვრების ერთ-ერთი უმთავრესი წინაპირობაა. უძილობა ძალზედ ნეგატიურად აისახება ადამიანის ჯანმრთელობაზე. ძილის დანაკლისი ხელს უწყობს დეპრესიის, წონაში მომატების, დიაბეტის, თავის ტვინის და გულსისხლძარღვთა დაავადებების პროცესების განვითარებას. თუმცა, ეს მხოლოდ დასაწყისია. მსოფლიო ჯანდაცვის ორგანიზაციის უკანასკნელი კვლევების თანახმად უძილობა უარყოფითად მოქმედებს გულზე, იმუნურ სისტემაზე, ჰორმონალურ და ნივთიერებათა ცვლის პროცესზე. თუ შენ უძილობა გაწუხებს ქვემოთ გთავაზობ 10 წესს, რომელიც დაგეხმარება მშვიდი და უშფოთველი ძილის მოპოვებაში.
1. ჩვევები ძილის წინ: ნებისმიერი ადამიანი ძილისათვის თავისებურად ემზადება, რაც ძალზედ მარტივი და ბუნებრივი საქმეა. ეს შეიძლება იყოს შხაპის მიღება, მედიტაციური ვარჯიში, წინგის წაკითხვა და ა.შ. ესეთი ჩვევები ადამიანის ტვინს გადაეცემა იმპულსის სახით, რაც ძილისთვის მომზადების ნიშანია. შესაბამისად ადამიანის ორგანიზმი მთლიანად ემზადება და მობილიზებულია ძილისათვის. სწორედ ამიტომ, როდესაც იგრძნობ, რომ ორგანიზმი დასვენებას ითხოვს აუცილებლად უნდა დაიძინო. აუცილებელია, რომ ძილის წინ შეიქმნა ძილის განწყობა ე.წ. 'რიტუალი" რაც შენთვის ძალზედ სასიამოვნო ჩვევად იქცევა ყოველ დღე.
2. ძილის ციკლი: ექიმები ამბობენ, რომ ძილს ისევე, როგორც ორგანიზმში მიმდინარე სხვადასხვა პროცესებს აქვს თავისი ციკლი. შეიძლება დილით ადრე არ გაიღვიძო, მაგრამ საღამოს 9-10 საათზე მოთენთილობა და ძილის სურვილი იგრძნო, ეს არის სწორედ ძილის ციკლი და ორგანიზმის მოთხოვნა დასვენებისათვის. ასეთ ვითარებაში აუცილებლად მიენდე სხეულის სურვილს და დაიძინე. ნუ გადადებ ძილს უფრო გვიანობამდე. წინააღმდეგ შემთხვევაში შეიძლება უძილობის პრობლემამ შეგაწუხოს.
3. სურნელოვანი განწყობა: როგორც ცნობილია ლავანდის ყვავილს აქვს რელაქსაციური სურნელი, რაც ადამიანის ტვინზე დამამშვიდებლად მოქმედებს. ძილის წინ შეგიძლია ამ ყვავილის სურნელოვანი ჩხირები დაანთო ან ამავე ყვავილის სუნამო გამოიყენო.
4. შესაბამისი ბალიში: ბალიში განაპირობებს ადამიანის ძილს. თუ კისერი ძილის დროს არ ისვენებს და არასწორ მდგომარეობაშია, დილით შეიძლება თავის და კისრის ტკივილით გაიღვიძო. სწორედ ამიტომ, რეკომენდირებულია რბილი და საშუალო სისქის ბალიში, რომელიც ალერგიულობაზე შემოწმებულია და ადვილადაა შესაძლებელი მისი გარეცხვა. უმჯობესია, რომ ბალიში დამზადებული იყოს არა პოლიესთერის მასალისგან, არამედ, ბუნებრივი ბოჭკოვანი ქსოვილისგან. ამის მიზეზი კი კვლევების შედეგად ასეთია: ბოჭკოვანი ქსოვილისაგან დამზადებული ბალიში ღამის განმავლობაში ინარჩუნებს გრილ ტემპერატურას რაც თავისთვის ძალზედ სასარგებლოა და აუმჯობესებს ძილს.
5. ოთახის "ჰიგიენა": აუცილებლად დაიძინე დალაგებულ ოთახში. ქაოსი და აურზაური აღიზიანებს ადამიანის ნერვულ სისტემას, რაც ძილს აფრთხობს. ასე, რომ საძინებელი ოთახი ყოველთვის მოწესრიგებული უნდა იყოს.
6. თბილი ფეხები: ექიმები გვირჩევენ, რომ ძილის წინ აუცილებლად გავითბოთ ფეხები ცხელი წყლის საშუალებით ან თბილი წინდები ჩავიცვათ. ფეხების გათბობის შედეგად სისხლის მიმოქცევა უფრო სწრაფი ხდება, რაც ხელს უწყობს მშვიდ და უშფოთველ ძილს.
7. მარტოდ ძილი: რა თქმა უნდა ძალზედ სასიამოვნოა საყვარელი ადამიანის გვერდით ძილი, მაგრამ როგორც მეცნიერებმა უკანასკნელი კვლევების შედეგად აღმოაჩინეს, დაოჯახებულ ქალთა 80%-ს ძილის პრობლემა აქვს, რაც გამოწვეულია მათი მეუღლეების შემაწუხებელი სუნთქვით (ხვრინვით).
8. გასეირნება ძილის წინ: როდესაც მე უძილობა მაწუხებდა ჩემი ერთი მეგობრის რჩევას მივენდე და ყოველ ღამე ძილის წინ 30 წუთით ეზოში ვსეირნობდი. როგორც აღმოვაჩინე, ძილის წინ სუფთა ჰაერზე გასეირნება დამამშვიდებლად მოქმედებს ნერვულ სისტემაზე, რაც ხელს უწყობს დამშვიდებას და ძილის სურვილის გაძლიერებას. უფრო მოგვიანებით ისიც გავიგე, რომ ეს რჩევა ჩემს მეგობარს ექიმისგან მიუღია.
9. აუდიო წიგნი ან მელოდია: ალბათ გახსოვს ბავშვობაში დედა ძილის წინ ზღაპარს, რომ გიკითხავდა. ზღაპრისთვის გაზრდილი ხარ, თუმცა, თუ ძილის პრობლემა გაქვს, შეგიძლია ძილის წინ აუდიო წიგნს, ნოველას ან მედიტაციურ მელოდიას მოუსმინო. ეს დაგამშვიდებს და უშფოთველი ძილიც არ დააყოვნებს.
10. ცხელი აბაზანა ან შხაპი (სველი რიტუალი): დაძინებამდე 2 საათით ადრე შეგიძლია მიიღო ცხელი აბაზანა ან შხაპი. ცხელი წყალი აბაზანიდან გამოსვლის შედეგად გამოგაფხიზლებს, მაგრამ 2 საათის შემდეგ, როდესაც შენი სხეულის ტემპერატურა შენთვის ჩვეულ ნორმას დაუბრუნდება გაგიადვილდება დაძინება. გარდა ამისა, შეგიძლია აბაზანის მიღების შემდეგ სხეულზე ევკალიპტის შემცველობის ტანის კრემი წაისვა. ევკალიპტს დამამშვიდებელი თვისება გააჩნია. სხვათაშორის, ევკალიპის შემცველობის ზეთებით და კრემებით აქტიურად სარგებლობენ SPA სალონებში.
გახსოვდეს მშვიდი და უშფოთველი ძილი ადამიანის ჯანმრთელობის წმინდა გრაალია. ძილინებისა.
წყარო: life.mediamall.ge
ინსტრუქცია მშვიდი და უშფოთველი ძილისთვის
⏱️ 1 წთ.
👁️ 2 476
100%