1. იპოვეთ თქვენი სახე.
დაფიქრდით, თავს უხერხულად რატომ გრძნობთ? შეიძლება იმიჯის შეცვლა ღირს? იზრუნეთ ვარცხნილობაზე, ჩაცმის სტილზე, მანიკიურზე, აქსესუარებზე. ექსპერიმენი ჩაატარეთ, მოდური სამოსი და ფეხსაცმელი შეიძინეთ. გეუხერხულებათ, ახალი სახით საზოგადოების წინაშე წარდგეთ? ახალშეძენილი ტანსაცმელი სახლში ჩაიცვით, სანამ არ მიეჩვევით. როდესაც ის თქვენთვის ბუნებრივი გახდება, დროა, გარეთ გახვიდეთ. იმიჯის სრულყოფა, ფსიქოლოგების აზრით, პიროვნების ევოლუციის მამოძრავებელი ძალაა.
2. თავი უკეთესად შეიცანით.
ყველაზე მშვენიერი გარეგნობაც კი ჩაქრება, თუ ადამიანი შინაგანად დათრგუნვილია. ამიტომ თქვენი გარეგნობა სრულ ჰარმონიაში უნდა იყოს მასთან, რაც თქვენს თავში ხდება. საკუთარი ღირსებების სია დაწვრილებით ჩამოწერეთ. აღნიშნეთ, რომ პრესტიჟული უმაღლესი სასწავლებლის სტუდენტი ხართ, კარგი სამსახური გაქვთ, უცხო ენას ფლობთ, ფორტეპიანოზე (გიტარაზე) უკრავთ და ა.შ. ნახავთ, თვითშეფასება როგორ მოიმატებს.
3. თავს კომპლიმენტი ხშირად უთხარით.
თქვენი ღირსებების სია ამას ადასტურებს. თქვენზე კარგად ვინ იცის, საკუთარი თავი რისთვის უნდა შეაქოთ? თქვენი წარმატებები აღნიშნეთ, მათ მნიშვნელობას ნუ დააკნინებთ. ჩვევად გაქვთ, თუ რაიმე გამოგივათ, ეს უბრალოდ შემთხვევითობას, დამთხვევას მიაწეროთ? ასე აღარ მოიქცეთ. ყველაფერი თავად შექმენით, გააკეთეთ და სრული უფლება გაქვთ, თავი შეიქოთ. სხვათა შორის, ასევე მნიშვნელოვანია სხვისი კომპლიმენტების ანგარიშში ჩათვლა. ისინი პატარა წიგნაკში ჩაიწერეთ და პერიოდულად გადაიკითხეთ – თვითშეფასების ამაღლების შესანიშნავი ექსპრეს–მეთოდია.
4. მოდუნდით.
ალბათ თავს იტანჯავთ ფიქრით: "რა სულელურად გამოვიყურები", როდესაც კაფეში წვენი გადაისხით ან გვერდზე ჩავლილმა მანქანამ ბინძური წყალი შემოგაწუწათ და ამაზე ვიღაცამ გაიცინა. მსგავს სულელურ სიტუაციებში დროდადრო არამარტო თქვენ, სხვებიც ვარდებიან. განა ერთი ჭიქა წვენისთვის ან ვიღაცის უტაქტობის გამო გუნების გაფუჭება ღირს? როდესაც სახლიდან გარეთ გამოდიხართ, უბრალოდ თავს შეახსენეთ, რომ სუპერადამიანი არ ხართ და არც მოვალე ხართ, ასეთი იყოთ. თავს დაპირდით, თუ დღეს ყურადღებას მიიქცევთ არა ჭკუამახვილობით ან იუმორის გრძნობით, ამაზე ერთი წუთითაც არ ინაღვლოთ. უბრალოდ გაიცინეთ და ეს ისტორია დაივიწყეთ ან მისგან მხიარული ანეკდოტი გამოძერწეთ.
5. დადებითად განეწყვეთ.
იცით, პესიმისტები და ოპტიმისტები რითი განსხვავდებიან? თუ პესიმისტს სახლიდან გამოსვლისას სამოსზე ჩიტი "დააწვეთებს", დაღონდება და მთელი დღე გუნებაგაფუჭებული იქნება. ოპტიმისტი პირიქით, გაიღიმებს და იტყვის: "კიდევ კარგი, ოთხფეხა რქოსნები არ დაფრინავენ". ოპტიმიზმი დევიზად გაიხადეთ, ნებისმიერ სიტუაციაში პლუსის მოძებნა ისწავლეთ. დასაწყისში ეს ადვილი არ იქნება, მაგრამ როცა გაიწაფებით, წონასწორობიდან თქვენს გამოყვანას ვერავინ და ვერაფერი შეძლებს.
6. გაიღიმეთ.
შეგინიშნავთ, რამდენი მოღუშული და ცივი სახეა ქუჩაში? ღიმილი უსათუოდ იქცევს ყურადღებას. ნახავთ, სრულიად უცხო ადამიანები საპასუხოდ როგორ გაგიღიმებენ, და ეს ძალას შეგმატებთ. და კიდევ, კარგი განწყობა გაცნობისთვის შესანიშნავი საბაბია. გახსოვდეთ, მეგობრობა ღიმილით იწყება.
7. უცნობებს გამოელაპარაკეთ.
სულ უბრალო ამბებიდან დაიწყეთ. ჰკითხეთ, რომელი საათია, სად არის ესა თუ ის ქუჩა, კაფე, ქიმწმენდა ან ყვავილების მაღაზია. ადამიანებთან კონტაქტში შესვლა ისწავლეთ. იყავით თავაზიანი, თანამოსუბრეს თვალებში უცქირეთ, დახმარებისთვის მადლობა გადაუხადეთ.
8. კარაოკეში იმღერეთ.
მაშინაც კი, თუ ბავშვობაში ყურზე არაერთმა დათვმა დაგაბიჯათ, ეს საბაბი არ არის კარაოკე–კლუბში არ შეხვიდეთ. თქვენი საყვარელი სიმღერა შეუკვეთეთ და მთელი გულით მაქსიმალურად არტისტულად იმღერეთ. არა უშავს, თუ სიმღერას "ბის"–ზე ვერ შეასრულებთ, აპლოდისმენტებს მაინც მიიღებთ.
9. იცეკვეთ.
საცეკვაო მოედანზე თვალები დახუჭეთ და მთლიანად მუსიკას მიენდეთ. ეცადეთ, მოძრაობებისგან სიამოვნება მიიღოთ.
10. იყავით თავისთავადი.
იცით, ვარსკვლავი ჩვეულებრივი ადამიანისგან რით განსხვავდება? ვარსკვლავი იქცევა ისე, როგორც საჭიროდ თვლის და სხვისი აზრი არ აინტერესებს. და ეს მუშაობს. ხშირად შეეკითხეთ თავს, სინამდვილეში გსურთ, ამის გაკეთება, ჭამა, დალევა, ამასთან საუბარი, ამ ხუმრობაზე გაცინება? ორიენტირება თქვენს გრძნობებზე მოახდინეთ. გწამდეთ, არ გიღალატებთ.
11. მიიღეთ სიამოვნება
ყველაფრისგან, რაც ხდება.
თქვენ აქ დასასვენებლად და გასამხიარულებლად მოხვედით და ასეც მოიქეცით. მთელ სამყაროზე შემომწყრალი განმარტოებით კუთხეში არ დაჯდეთ.
12. ყველაფერს
ნუ გააანალიზებთ.
ინსტინქტებს მიენდეთ. არ ღირს, თავს ყოველთვის ანგარიში ჩააბაროთ: გვერდიდან როგორ გამოიყურებით, სასაცილოა თუ არა თქვენი ხუმრობები. უბრალოდ დამშვიდდით, ყველა წინა პუნქტი გაიხსენეთ და იმოქმედეთ. შედეგი სასიამოვნოდ გაგაოცებთ. და არამხოლოდ თქვენ.
წყარო: life.mediamall.ge
რჩევები ძალიან მორცხვებს
⏱️ 1 წთ.
👁️ 1 490
100%