ოქროს ფასი
მარილი-ერთადერთი მინერალური ნაერთია, რომელიც ათვისებადია ცოცხალი ორგანიზმის მიერ. ის უმთავრეს მინერალურ კომპლექსად ითვლება, რადგანაც აუცილებელია ყველა ორგანიზმისთვის. ადრე მარილი იშვიათობა იყო - მისით უხდიდნენ ხელფასებს მეომრებს და ჩინოსნებს. ძველ რომში რამოდენიმე მარილის ნატეხით მონას შეძენა შეიძებოდა, აფრიკის სახელმწიფოებში კი მარილი ოქროს იყო გატოლებული.
ქიმიის თვალსაზრისით - მარილი ნატრიუმის და ქლორის ნაერთია. ნატრიუმი უმთავრესი მინერალია, რომელსაც აღმოაჩენთ ორგანიზმის თითოეულ უჯრედში. კალიუმთან ერთად ის არეგულირებს ორგანიზმში სითხის გადანაწილებას და ბალანსს. ეს ორი მინერალი გვეხმარება ნორმალური PH შენარჩუნებაში, აგრეთვე ისინი იღებენ მონაწილეობას კუნთების შეკუმშვა-მოდუნებაში და ნერვულ სტიმულაციაში.
ნატრიუმი იღებს მონაწილეობას ჟანგბადის ტრანსპორტირებაში და ინარჩუნებს სხვა მინერალებს თხევად მდგომარეობაში - უშლის თრომბების წარმოქმნას ხელს. სხვა მნიშნელოვანი ნატრიუმის ფუნქცია, არის ამინომჟავების ტრანსპორტირება და ნახშირორჟანგის განდევნა ორგანიზმიდან. ნატრიუმი აუცილებელია კუჭში არსებული მჟავის წარმოქმნაში-რომლის გარეშე საჭმლის მონელება შეუძლებელი იქნება.
რითია საშიში ბევრი მარილის მიღება?
რატომ ეძახიან მარილს თეთრ სიკვდილს, თუ ის ასეთი აუცილებელია თითოეული ჩვენთაგანისთვის? როგორც ყოველთვის საქმე რაოდენობაშია. დათვლილია, რომ დედამიწის მოსახლეობას წელიწადში სრულფასოვანი კვებისთვის ესაჭიროება 20 მილიონი ტონა მარილი. თანამედროვე წარმოება მას გაცილებით დიდი რაოდენობით იყენებს - 100 მილიონი ტონა წელიწადში....
ნატრიუმის აუცილებელი მინიმალური რაოდენობა დღე-ღამეში არის 1-2გრ, მაქსიმუმ 6 გრ ჩრდილოეთში მცხოვრები ადამიანისთვის და 20-25გრ ცხელ კლიმატში მყოფებისთვის. სამწუხაროდ ჩვენ ყოველდღიურად ვაჭარბებთ ამ ნორმებს. ეს იმას ნიშნავს, რომ თუ გიყვართ ფასტფუდი, ჩიფსები, მარილიანი ორცხობილები და სხვა კვებითი წარმოების „დელიკატესები“ მაშინ თქვენ დამარილებული ხართ როგორც ხარისხიანი ლუდზე მისაყოლებელი თევზი. მარილი ასტიმულირებს მადას ეს კი იმას ნიშნავს, რომ თქვენ მეტს მიირთმევთ - რაც ესაჭიროებათ კულინარიული „ნაგვის“ მწარმოებლებს.
საინტერესოა ის ფაქტი, რომ ბუნებრივი საკვები პროდუქტები შეიცავენ ნატრიუმს და ქლორს საკმარისი რაოდენობით. მაგალითად ერთ ლიტრ რძეში 4გრ-ია. და ეგრეთ წოდებული უმარილო დიეტა, პროდუქტების საშუალო რაოდენობით შეიცავს 1-2გრ მარილს(და კიდევ მეტს, თუ რაციონში კარტოფილი ან პური შედის). ამიტომ არ ინერვიულოთ თუ არ იმატებთ მარილს საკვებში - პირიქით თქვენი ორგანიზმი მადლობას გეტყვით.
ჭარბად მიღებულმა მარილმა შეიძლება გამოიწვიოს არტერიული წნევის მომატება, გაზარდოს ინფარქტის და ინსულტის რისკი. ჯანმრთელ ორგანიზმს შეუძლია დღეღამეში 3-4გრ მარილის განდევნა, დანარჩენი კი გროვდება ორგანიზმში. ეს კი იწვევს სითხის ბალანსის დარღვევას, ვითარდება შეშუპებები, მატულობს თირკმელებზე დატვირთვა, ირღვევა სისხლის მიმოქცევა, კალიუმის და კალციუმის ცვლა, რასაც მივყავართ სერიოზულ დაავადებებამდე-მათ შორის რეპროდუქციულ სისტემაშიც კი.
და მაინც....
მარილი საუკუნეების მანძილზე გამოიყენებოდა სხვადასხვა დაავადების სამკურნალოდ. არსებობს ათასი სხვადასხვა რეცეპტი მარილის გამოყენებით, რომელთა გამოყენება სახლის პირობებშიც უპრობლემოდ შეიძლება.
სურდო ან „გაჭედილი“ ცხვირი. ამ დრო სასარგებლოა ცხვირის გამორეცხვა მარილიანი წყლით. ამ პროცედურისთვის, როგორც სუფრის ასევე ზღვის მარილი გამოდგება. ნაზავს აკეთებენ შემდეგი პროპორციით: 0,5 ჩაის კოვზი მარილი იხსნება ერთ ჭიქა თბილ წყალში.
ნუშისებური ჯირკვლების ანთება. ქრონიკული ანთების დროს რეკომენდირებულია, დილით და აგრეთვე ყოველი ჭამის შემდეგ მარილიანი წყლით ყელის გამოვლება. ამისათვის 0,5 ჩაის კოვზი მარილი გახსენით ნახევარ ჭიქა თბილ წყალში.
მწერის ნაკბენი. მოამზადეთ ფაფა 1 ჩაის კოვზი მარილისგან და რამოდენიმე წვეთი წყლისგან. დაიდეთ ფაფა ნაკბენის ადგილზე-ეს ტკივილის და ქავილის შეგრძნებას შეგიმცირებთ, აგრეთვე შეაჩერებს შეშუპების წარმოქმნას.
მოწამვლა. ასეთ დროს აუცილებელია დაკარგული სითხის რაოდენობის აღდგენა და ორგანიზმიდან ტოქსინების გამოდევნა. მიეცით ავადმყოფს ოდნავ მარილიანი წყალი დასალევად. უმჯობესია ყოველთვის სახლში იქონიოთ „რეგიდრონი“ ან რომელიმე სხვა სითხის ბალანსის აღსაღდგენი წამალი.
მარილის აბაზანები
ყველაზე პოპულარულია მარილის გამოყენება ბალნეოლოგიაში იმიტომ, რომ მარილის აბაზანები -კარგი საშუალებაა ბევრი პრობლემის დროს. ასეთი აბაზანები აძლიერებენ კანში სისხლის მიმოქცევას და დევნიან ტოქსინებს ორგანიზმიდან. აი რამოდენიმე რეცეპტი რომელსაც სახლში გამოიყენებთ.
შემდეგი წესები საერთოა ყველა ტიპის აბაზანის მიღების დროს:
აბაზანის მიღების ხანგძლივობა არ უნდა აღემატებოდეს 20 წუთს.
წყლის ტემპერატურა უნდა იყოს 36-38 გრადუსი.
მარილიანი აბაზანის დროს საპნის გამოყენება არ შეიძლება, დასრულების დროს ტანზე 1 გრადუსით გრილი წყალი უნდა გადაივლოთ.
არ მიიღოთ აბაზანა საკვების მიღებიდან 2 საათის განმავლობაში და გახსოვდეთ, რომ მკერდი წყლის ზემოთ უნდა იყოს-რათა აიცილოთ პრობლემები გულთან.
იმისათვის, რომ დააჩქაროთ ნივთიერებათა ცვლა და გაიუმჯობესოთ კუნთების ტონუსი, მიიღეთ წიწვოვან-მარილიანი აბაზანები: 150გრ წიწვის ექსტრაქტი და 1კგ მარილი- ერთ აბაზანაზე(100ლ წყალი). აბაზანა დღე გამოშვებით უნდა მიიღოთ, კურსი 10-15 აბაზანაა. ეს პროცედურა აგრეთვე სასარგებლოა ნერვული სისტემის პრობლემების და ართრიტის დროს.
ამ აბაზანებს წონაში დასაკლებად და ცელულიტთან საბრძოლველადაც იყენებენ. თუმცა მხოლოდ მათი გამოყენება, რასაკვირველია სასურველ ეფექტს არ მოგცემთ - ისინი სხვა საშუალებებთან კომპლექსურად უნდა გამოიყენოთ. წონაში დასაკლებად იღებენ სუფთა მარილის აბაზანას-1კგ მარილი აბაზანაზე, ხოლო ცელულიტთან საბრძოლველად წყალში ამატებენ რამოდენიმე წვეთ ციტრუსის ეთერზეთს - მანდარინი, ფორთოხალი, გრეიფრუტი.
მარილის აბაზანები არჩენენ სხვადასხვა სახის გამონაყარს და ამაგრებენ ფრჩხილებსაც, მაგრამ იმის მიუხედავად რომ მათ ბევრი სარგებელი მოაქვთ, უმჯობესია ასეთი აბაზანის შემდეგ მკვებავი ან დამატენიანებელი კრემი წაისვათ(მშრალი კანის შემთხვევაში).
წყარო: life.mediamall.ge
ყველაფერი რაც უნდა იცოდეთ მარილზე
⏱️ 1 წთ.
👁️ 2 440
100%