"სასი"-ს წყალი წონაში დასაკლებად და ცხელი დღეების გასაგრილებლად



„სასი"-ს წყალი, რომელიც წყალს მსოფლიოში ცნობილი დიეტოლოგის, სინტია სასის საპატივცემულოდ ეწოდა, ნებისმიერ მსურველს დაემხარება ჭარბი წონის გათავისუფლებაში და ორგანიზმის მდგომარეობის გაუჯობესებაში ცხელი ზაფხულის დღეებში.

ინგრედიენტები:

საშუალო ზომის ლიმონი და კიტრი,

ახალი პიტნა,

ჯანჯაფილი

გადადუღებული წყალი

მომზადების წესი:

პირველ რიგში გაითვალისწინეთ, რომ "სასის" მომზადება უმჯობესია საღამოს საათებიდან დაიწყოთ იმიტომ, რომ ეს ცივი სასმელია და იმისათვის, რომ გამოყენებული ინგრედიენტების ვიტამინები სრულად გადავიდეს წყალში, გარკვეული დროა საჭირო. კარგად გარეცხეთ ყველა საჭირო ინგრედიენტი: ლიმონი, კიტრი, ჯანჯაფილი და პიტნა. რეკომენდებულია მათი ნელ-თბილ წყალში გარეცხვაც. კიტრის და ლიმონის გამოყენება კანიანად მოგიწევთ, ამიტომ აუცილებელია მათი კარგად გარეცხვა.

მეორე ნაბიჯზე, ლიმონი და კიტრი რამდენადაც შესაძლებელია იმდენად თხლად და მრგვლად დაჭერით. ჯანჯაფილის ფესვს მოაჭერით დაახლოებით 2 სანტიმეტრი სიგრძის ნაჭერი და მოაშორეთ კანი და გახეხეთ. შესაძლებელია ჯანჯაფილის დაჭყლეტვაც, მაგრამ გახეხვა უკეთესია. უნდა მიიღოთ ერთი სავსე ჩაის კოვზის ოდენობის გახეხილი ჯანჯაფილი.

ასევე დაგჭირდებათ 10-15 ცალი პიტნის ფოთოლი, თუმცა ეს თქვენ გემოვნებაზეა დამოკიდებული რამდენ ცალს გამოიყენებთ.

ჩამოთვლილი ინგრედიენტები უნდა ჩაყაროთ 2 ლიტრის ტევადობის წყლით სავსე დოქში (წყალი უნდა იყოს გადადუღებული, გაფილტრული) და მთელი ღამის განმავლობაში მოათავსეთ მაცივარში.

ორი ლიტრი ერთი დღის განმავლობაში უნდა დალიოთ. დასალევად წყალი ძალიან გემრიელია, თანაც ცხელ ზაფხულში ძალიან სასიამოვნოა. რეკომენდებულია დღის "სასის" წყლით დაწყება უზმოზეც, რადგან ჯანჯაფილს ძალიან კარგი გავლენა აქვს ორგანიზმზე და ჯანმრთელობისთვის, მისი მიღება სასურველია.

სასმელი წონის კლების პროგრამების ფარგლებში გამოიგონეს, თუმცა მას ბევრი სხვა დადებითი მხარეც აქვს, მაგალითად, ის შველის შეშუპებებს, აღმოფხვრის ტოქსინებს სხეულიდან და აუმჯობესებს კუჭ-ნაწლავის ტრაქტის ფუნქციებს.


წყარო: news.ge
































ტექსტის სანახავად გაიარეთ რეგისტრაცია.