1. მზეზე ყოფნა რეკომენდირებულია დილის 11:00 საათამდე და 16:00 საათის შემდეგ. დღის განმავლობაში მაქსიმუმ სამი საათის მანძილზე უნდა ირუჯებოდეთ. მზეზე ყოფნამ დამწვრობის გარდა, მზის დარტყმაც შეიძლება გამოიწვიოს. აღასანიშნავია კიდევ ერთი ფაქტორი, ახალგაზრდობაში რაც უფრო დიდ დროს ატარებთ მზეზე, ასაკთან ერთად მით უფრო მოიმატებს პიგმენტურ ლაქათა რაოდენობა.
2. შეიშრეთ კანი ზღვიდან ამოსვლისთანავე, რაც უფრო სველია კანი, მით უფრო იწვება.
3. ნუ ფიქრობთ, რომ წყალში ყოფნისას რუჯი არ გეკიდებათ.
4. ლამაზად და თანაბრად გარუჯვა მხოლოდ დამცავი მალამოების დახმარებითაა შესაძლებელი.
5. გარუჯვის შემდეგ ეცადეთ კანი გაგრილდეს და მხოლოდ ამის შემდეგ მიიღეთ შხაპი. ჩვენს კანს არ უყვარს ტემპერატურის მკვეთრი ცვლილება.
6. როგორც სპეციალისტები ამბობენ, უმჯობესია, კვებიდან 1 საათის შემდეგ გახვიდეთ მზეზე.
7. ყურადღება მიაქციეთ, რომ პლაჟზე არ ჩაგეძინოთ. ძილის დროს ორგანიზმი დუნდება და შესაძლოა, რთული ფორმის დამწვრობა მიიღოთ.
8. კარგად გაიწმინდეთ სახის კანი მზეზე გასვლამდე. მაკიაჟით მზეზე ყოფნამ, შესაძლოა, ლაქები გაგიჩინოთ.
9. მზეზე ყოფნის დროს სულ ცოტა 1, 5 ლიტრი წყალი უნდა მიიღოთ.
10. თუ თქვენ ბევრი ხალი გაქვთ, გარუჯვამდე ექიმთან კონსულტაცია გაიარეთ. ეს ხუმრობა საქმე არ გეგონოთ, ხალებს მოვლა სჭირდება. გაუფრთხილდით თქვენს ჯანმრთელობას.
11. და ბოლოს, გირჩევთ, სანამ გასარუჯად დაწვებით, თმაში მზისგან დამცავი საშუალებები შეიზილოთ. მზე თმას საგრძნობლად აზიანებს.
წყარო: eva.ge
მზეზე გარუჯვის 11 წესი
⏱️ 1 წთ.
👁️ 1 452
100%