თუ სურვილი გაქვთ, რომ ურთიერთობა ჩამოაყალიბოთ, უნდა მიიღოთ ადამიანი ისეთი, როგორიც არის და დააკვირდეთ, რას განიცდით მის მიმართ. მხოლოდ ასეთ შემთხვევაში შეიძლება, გაიგოთ ყველა მისი შესაძლებლობა, კარგი და ცუდი და გადაწყვიტოთ, იყოთ თუ არა ამ ადამიანთან.
თუ მისცემთ ადამიანს საშუალებას, იცხოვროს, როგორცსურს, გაიხსნას მთლიანად, თქვენ შეიგრძნობთ მის დადებითს და უარყოფითს, აუცილებლად გაიზრდებით და ბევრს ისწავლით. მაგრამ რატომღაც ჩვენ სულ ვცდილობთ, გადავაკეთოთ სხვა. საინტერესო ისაა, რომ შეიძლება შეიცვალოს ადამიანი და გახდეს ისეთი, როგორიც გვინდოდა, მაგრამ მაინც ვერ ვკმაყოფილდებით.
თუ ადამიანის გონება მიმართულია იმაზე, რომ უნდა შეცვალოს სხვა და არა საკუთარი თავი, ვერ ჩერდება და ცდილობს, სხვა საკუთარ „თარგზე“ გამოჭრას. ადამიანი, რომელსაც გონება მიმართული აქვს სხვის შეცვლაზე ვერ შეძლებს, იყოს ბედნიერი და მშვიდი. იგი თავად იფუჭებს ცხოვრებას და უკვირს, რატომ არ არის ბედნიერი, „მას ხომ სხვისთვის კარგი უნდა“. ასეთი საქციელით ტვინს მივმართავთ არასწორი მიმართულებით და ისიც დაეშვება დაღმართში. ტვინი არ არის კომპიუტერული პროგრამა, რომელიც შეიძლება შეიცვალოს. ცოტა ხანში იგი დაიწყებს თქვენს მართვას და მიგითითებთ, რა უნდა აკეთოთ თქვენც და სხვამაც.
ჩვენ ვუყურებთ სამყაროს მხოლოდ ჩვენი წარმოდგენის მიხედვით, გაუმჭვირვალე შუშის მეშვეობით, ვიწრო მიმართულებით. ჩვენ ასე ვართ დაჩვეულები, ეს ჩვენი ხედვაა. ეს ხედვა მარტო ჩვენი არ არის. იგი გადმოგვცეს მშობლებმა, სკოლამ, მეგობრებმა. ჩავიხლართეთ პრობლემებში და არ ვიცით როგორ გამოვიდეთ. ამიტომ უნდა დავკავდეთ საკუთარი თავით და შევეშვათ სხვების გადაკეთებას.
წყარო: eva.ge
×