მართალი იყავით საკუთარ თავთან
სიყვარულის ობიექტის ძიება რთული საქმეა, მაგრამ ოდესღაც ხომ უნდა დაიწყოთ? ნუ შეგრცხვებათ იმის გამომჟღავნება, რომ პირადი ცხოვრების მოწყობას ცდილობთ. ეს სრულებითაც არ ნიშნავს, რომ უიღბლო ხართ ან მამაკაცები თქვენ მიმართ გულგრილი არიან, არამედ იმის აღიარებაა, რომ უკვე დამოუკიდებელი და გამოცდილი პიროვნება ხართ.
მართალი იყავით სხვებთანაც
ისეთ სახეს ნუ მიიღებთ, თითქოს არავინ გჭირდებათ. მეგობრებს გული გადაუშალეთ და საკუთარი განზრახვა გააცანით. სთხოვეთ, თავიანთი ნაცნობების წრეში მოძებნონ თქვენთვის შესაფერისი კანდიდატი და „შემთხვევით“ გაგაცნონ.
როგორი მამაკაცი გჭირდებათ
უპირველეს ყოვლისა, საკუთარ თავთან უნდა გაარკვიოთ, როგორი მამაკაცი გჭირდებათ და ცხოვრებაში რა ადგილი უნდა დაუთმოთ მას. განსაზღვრეთ, პარტნიორს რა თვისებები უნდა ჰქონდეს და რომლის მოთმენას ვერ შეძლებთ. ჩამოაყალიბეთ თქვენთვის იდეალური მამაკაცის ტიპი, ოღონდ მას იდეფიქსად ნუ გაიხდით. კორექტივებისთვის მზად იყავით.
გათავისუფლდით სტერეოტიპებისგან
რომელიღაც ეტაპზე გაიგებთ, რომ „ლამაზი და მდიდარი“ აუცილებლად არ ნიშნავს „კეთილს, საყვარელსა და სიამედოს“. შესაძლებელია, მამაკაცი, რომელიც ნამდვილად ბედნიერს გაგხდით, უფრო ბუღალტერს ჩამოჰგავდეს, ვიდრე გლადიატორს.
გააანალიზე წარსული
პირველი უიღბლო სიყვარულის შემდეგ გეჩვენება, რომ ტკივილი სიყვარულის აუცილებელი პირობაა. სასოწარკვეთას ნუ მიეცემით. ამ ეტაპს თითქმის ყველა ადამიანი გადის. ძველმა უსიამოვნო განცდებმა ბედნიერების ძიებაში ხელი არ უნდა შეგიშალონ. ეცადეთ, უბრალოდ, გაითვალისწინოთ ადრე დაშვებული შეცდომები და წარსულიდან კარგი გაკვეთილი მიიღოთ.
შეიყვარეთ საკუთარი თავი
საკუთარი თავი ჯერ თქვენ უნდა გიყვარდეთ. ხშირად გაიმეორეთ: „მე ყველაზე მომხიბვლელი და მიმზიდველი ვარ“. თავს შეყვარებული მამაკაცის თვალით შეხედეთ. თუ აქამდე თქვენს ნიკაპზე ღრმული არ მოგწონდათ, შეიყვარეთ. ჩათვალეთ, რომ მასში მთელი თქვენი სახის შარმია თავმოყრილი.
შინ ნუ დაჯდებით
სახლში მჯდომი მამაკაცს ვერ შეხვდებით. მიიღეთ ყოველგვარი მიპატიჟება, სადარბაზოს მეზობელთა შეკრებიდან დაწყებული, შორეული ნათესავის აგარაკზე წვეულებით დამთავრებული. ნუ მოერიდებით ხალხთან ურთიერთობას. ამით ბედთან შეხვედრის მეტი შანსი გეძლევათ. არც გვერდზე გადგეთ და არც არავის აეკიდოთ. უბრალოდ, ურთიერთობა გქონდეთ მათთან, ვინც გაინტერესებთ.
ელოდეთ სასწაულს
გაიზარდეთ და დაგავიწყდათ, რომ ბედნიერება შეიძლება ნებისმიერ დროს გეწვიოთ. დიახ, ყველაზე საოცარი და ფანტასტიკური რამეები ნებისმიერ დროს შეიძლება მოხდეს.
ნუ იქნებით ზედმეტად მოკრძალებული
ცხოვრება ძალიან ხანმოკლეა. შეიძლება, ამაო ფიქრში ისე დაკარგოთ დრო, ვერც კი შენიშნოთ, რომ ცხოვრებამ გვერდზე ჩაიარა. ისწავლეთ საკუთარი ცხოვრებით ტკბობა. იცხოვრეთ საკუთარი წარმატებებითა და მოღვაწეობით. დაინახეთ საკუთარი ღირსებები. გადაყარეთ ძველი ნივთები, ნუ მოუსმენთ ნაღვლიან ამბებს. იყავით აქტიური. დაირწმუნეთ თავი, რომ საუკეთესოს ღირსი ხართ და ნუ მოგერიდებათ პირადი ბედნიერებისთვის ბრძოლის.
წყარო: etanews.ge
გზა ოცნების მამაკაცისკენ - როგორ ვიპოვოთ იდეალური მეორე ნახევარი?
⏱️ 1 წთ.
👁️ 2 046
100%