ქალბატონების რომელი ნაკლი იზიდავს მამაკაცებს?



როგორც კვლევევით დადგინდა ქალბატონები სულ სხვაგვარად აფასებენ საკუთარ შესაძლებლობებსა და ფიზიკურ მონაცემებს – ის, რაც მათ ნაკლად მიაჩნიათ, აღმოჩნდა, რომ მამაკაცთა უმრავლესობისთვის მიმზიდველია. მაგალითად:

ზედმეტი წონა. ხშირად, როცა ქალი თავს მსუქნად მიიჩნევს, ის ერიდება მამაკაცის გაცნობას, გაშიშვლებას სექსის დროს _ ეს, რა თქმა უნდა, ხელს უშლის მას, თავი ბედნიერად იგრძნოს. არადა, სინამდვილეში მამაკაცთა მხოლოდ ძალიან მცირე პროცენტს მოსწონს ზედმეტად გამხდარი გოგონები. მამაკაცთა უმრავლესობას ეგრეთ წოდებული `ქვიშის საათის~ აღნაგობის ქალბატონები მოსწონს – საკმაოდ ფუმფულა ქალური ფორმებით.

პატარა მკერდი. ეს არ არის ტრაგედია. საერთოდ, მამაკაცებს ზოგადად ქალის მკერდი უყვართ. პატარა მკერდს თავისი პლუსები აქვს: შეგიძლიათ ბიუსტჰალტერი არ ჩაიცვათ, თანაც ქსოვილიდან გამოკვეთილი კერტების ცდუნებას რომელი მამაკაცი გაუძლებს?

კარგი მადა. ბევრი ქალბატონი ერიდება მამაკაცის თანდასწრებით მადიანად ჭამას, მხოლოდ მსუბუქი სალათებით შემოიფარგლებიან, მაგრამ როგორც კი თავს მარტო დაიგულებენ, შეუძლიათ, მთელი მაცივარი გამოაცარიელონ. ფსიქოლოგები ამტკიცებენ, რომ მამაკაცებს სულაც არ მოსწონთ ისეთი ქალბატონის გვერდით ყოფნა, რომელიც ხან ერთ კერძზე იბზუებს ცხვირს და ხან მეორეზე, შემდეგ კი ცდილობს, მალულად დანაყრდეს.

ცუდი დიასახლისი. რა თქმა უნდა, მამაკაცს უნდა, რომ მისი ცხოვრების თანამგზავრი კარგი დიასახლისი იყოს, მაგრამ ჰიპერაქტიური მეოჯახეობა ყოველთვის სათანადო გამოძახილს ვერ პოულობს მის გულში. თუ ქალი მთელ თავის ენერგიასა და დროს სახლში სამაგალითო წესრიგის დამყარებას უთმობს, მამაკაცი მალე კარგავს მისადმი ინტერესს.

არამოდური ტანსაცმელი. ბევრ ქალბატონს რცხვენია თავისი მოკრძალებული გარდერობის. შიშობს, მამაკაცის თვალში არასტილური და არამოდური გამოჩნდეს. თუმცა, რა ტენდენციებსაც უნდა გვთავაზობდეს მოდა, მამაკაცს, უპირველეს ყოვლისა, ქალური სამოსი მოსწონს, რომელიც ხაზგასმით წარმოაჩენს ქალის ფიგურას.

წყარო: etanews.ge
































ტექსტის სანახავად გაიარეთ რეგისტრაცია.