როგორი საჩუქრები არ მოსწონთ ქალებს



სამწუხაროდ, მამაკაცთა უმეტესობამ არ იცის თუ რა უნდა აჩუქოს ქალს და ხშირად ისეთ რაღაცას ჩუქნიან, რაც მათ რჩეულს უბრალოდ არ უნდა. ხშირია ისეთი შემთხვევებიც, როდესაც ერთი შეხედვით უწყინარმა საჩუქარმა შესაძლოა ქალს გული ატკინოს.

იმისათვის, რომ ასეთ მდგომარეობაში არ ჩავარდეთ გთავაზობთ რამდენიმე რჩევას თუ როგორ უნდა შეარჩიოთ საჩუქარი ქალისთვის:

პირველ რიგში, თქვენი საჩუქარი მხოლოდ დადებით ემოციას უნდა იწვევდეს. ამისათვის კი აუცილებელია იცოდეთ თქვენი რჩეულის გემოვნება და ხასიათი. თუ თქვენს საყვარელ ადამიანს საჭმლის კეთება უყვარს მას შეიძლება კულინარიული წიგნი აჩუქოთ, მაგრამ თუ მას ამის კეთება არ ეხერხება, მაშინ თქვენი საჩუქარი თქვენს რჩეულს მხოლოდ გააღიზიანებს.

აღმოჩნდა, რომ ქალისთვის, მასთან შეთანხმების გარეშე, არც ტანის მოვლის საშუალებების ჩუქებაა მიზანშეწონილი. თუ ქალბატონს ფიგურის ესა თუ ის პრობლემა აქვს თქვენი საჩუქარი ამას მხოლოდ ხაზს გაუსვამს და შესაძლოა ასეთი საჩუქრით მას მხოლოდ გული ატკინოთ.

საკმაოდ წინდახედულები უნდა იყოთ უბრალო თაიგულის შერჩევისასაც. მამაკაცები ფიქრობენ, რომ ყველა ქალს უყვარს წითელი ვარდები და მიხაკები, თუმცა ეს ასე არ არის და ამიტომ სჯობს, როდესაც ყვავილების ჩუქებას გადაწყვეტთ ჯერ გაარკვიოთ თუ რომელ მათგანს ანიჭებს უპირატესობას თქვენი რჩეული.

ყველა ქალისთვის ეს სია, რა თქმა უნდა, სხვადასხვანაირია, ამიტომ საჩუქრის შერჩევისას იყავით უფრო დაკვირვებულები და გაარკვიეთ რითი უფრო გაახარებთ საყვარელ ადამიანს.

წყარო: newposts.ge
































ტექსტის სანახავად გაიარეთ რეგისტრაცია.