ოჯახის გადასარჩენად ფსიქოლოგები გვთავაზობენ რჩევებს, რომლებიც რთულ სიტუაციებში გამოგვადგება.
1. ნუ დაამცირებთ ქმარს. კარგი ურთიერთობის შესანარჩუნებლად უმჯობესია, მაღალი ტონით კამათს მოერიდოთ. თუ ქმარს მოწინააღმდეგედ აღიქვამთ და მის დამცირებასა და მასზე გამარჯვებას ცდილობთ, თქვენი ურთიერთობა არასოდეს მოწესრიგდება. თუ ოჯახში პრობლემაა, ამაში ორივე დამნაშავე ხართ.
2. ყურადღება მიაქციეთ, როგორ ლაპარაკობთ ქმართან. თქვენი საუბრის მანერა დამაჯერებელი უნდა იყოს. ეს რჩევა გაითვალისწინეთ მაშინაც, როცა განაწყენებული ან განრისხებული ხართ.
3. ისწავლეთ კომპრომისზე წასვლა - რა თქმა უნდა, ძვირფასო, იყოს ისე, როგორც გსურს! წარმოთქვით ეს მშვენიერი სიტყვები, განსაკუთრებით მაშინ, როცა საუბარია წვრილმანებზე.
4. დიპლომატიურად მოიქეცით თუ მისი მოსაზრება არასწორად, აბსურდულად, ან სულელურად გეჩვენებათ, ამის შესახებ არავითარ შემთხვევაში არ უთხრათ. საერთოდ, მამაკაცებს არ უყვართ, როცა თავზე რაიმე მოსაზრებას ახვევენ.
5. ემოციები დააცხრეთ - ხშირად ხდება, რომ კამათი კონტროლს არ ემოჩილება და არგუმენტების გაცვლა ემოციების გაცვლაში, უარყოფით და შეურაცხმყოფელ გამონათქვამებში გადაიზრდება. სანამ კამათი სკანდალში გადასულა, ეცადეთ, სიტუაცია აკონტროლოთ.
6. ისწავლეთ მოსმენა - ერთხელ მაინც მოუსმინეთ ბოლომდე ისე, რომ არ შეაწყვეტინოთ. აჩვენეთ თქვენი მზადყოფნა მოსმენისა და გაგებისათვის. თქვენც შეეკითხეთ, დამაზუსტებელი შეკითხვები დაუსვით, ისწავლეთ მასთან საუბარი და არა - კამათი.
7. შეარჩიეთ საუბრის დრო - შეუფერებელ დროს წამოწყებული საუბარი უშედეგო იქნება. დაელოდეთ საუკეთესო საათს, როცა ქმარი დიალოგისათვის მზად იქნება. კარგი დროა ვახშმის შემდეგ ან ძილის წინ, ან დილით - საღ გონებაზე. ყველაზე არასწორია ქმართან `პრობლემური საუბრის წამოწყება მისი სამსახურიდან დაბრუნებისთანავე.
8. არამხოლოდ დრო, არამედ ადგილიც - პარტნიორთან სერიოზული დიალოგისათვის ადგილიც უნდა შეარჩიოთ. წარმოიდგინეთ, რამდენად ულამაზოა, წყვილი თავიანთ ურთიერთობებს სტუმრებთან, რესტორანში, თეატრსა თუ კინოში რომ არჩევს. პრობლემები გადაწყვიტეთ სახლში, ერთმანეთის პირისპირ, ან სამმა - ფსიქოლოგის კაბინეტში.
9. ერთსა და იმავე გზაზე გვერდიგვერდ იარეთ - ეცადეთ, ქმარს აუხსნათ, რას ფიქრობთ, რას გრძნობთ, რა გაღელვებთ. ის აუცილებლად გაგიგებთ. ბოლოს და ბოლოს, არაფერია ისეთი, რაზეც ორ გონიერ არსებას საუბარი და შეთანხმება არ შეეძლოს.
წყარო: etanews.ge
როგორ გადავარჩინოთ ქორწინება – 9 ოქროს წესი
⏱️ 1 წთ.
👁️ 1 913
100%