გამოკითხულ ქალთა მესამედმა წინასწარ იცოდა, რომ იმ ადამიანთან ვისაც ცოლად გაყვნენ ბედნიერები ვერ იქნებოდნენ.
სოციოლოგიურმა გამოკითხვებმა აჩვენეს, რომ გამოკითხულ ქალთა ერთი მესამედი გაცნობიერებულად ქმნის ოჯახს, რომელიც მათ ბედნიერებას არ მოუტანს. სოციოლოგი, ჯენიფერ გაუვეინი, რომელმაც ათასზე მეტი განქორწინებული ქალბატონი გამოკითხა, აცხადებს, რომ შედეგებმა აჩვენა, რომ გამოკითხულ ქალთა მესამედმა წინასწარ იცოდა, რომ იმ ადამიანთან ვისაც ცოლად გაყვნენო ბედნიერები ვერ იქნებოდნენ.
კვლევის შედეგების თანახმად ასეთი ნაბიჯის გადადგმას ქალებს პირველ რიგში ასაკი აიძულებს. ქალი ხვდება, რომ უკვე მოვიდა ოჯახის შექმნის დრო. საზოგადოებრივი აზრი მათზე დიდ გავლენას ახდენს. ამ დროს ხომ ყველა მხოლოდ იმას ამბობს, რომ თუ ოჯახს დროულად არ შექმნი მარტო დარჩები.
მეორე მიზეზი თვითშეგონებაა, რომ დროთა განმავლობაში სიყვარულიც მოვა. ამ დროს ქალი ცდილობს თავი დაირწმუნოს იმაში, რომ მისი რჩეული ძალიან კარგი ადამიანია და გარკვეული დროის შემდეგ მის შეყვარებას შეძლებს.
მსგავს მიზეზებს შორის ქალები იმასაც ასახელებდნენ, რომ ისინი ფიქრობდნენ, რომ მათ გათხოვების ბოლო შანსი ჰქონდათ. იმის შიში, რომ უკეთეს პარტნიორს ვეღარ შეხვდებოდნენ ქალებს დაუფიქრებელი ნაბიჯის გადადგმას აიძულებდა.
კიდევ ერთი გავრცელებული მიზეზი დაუფიქრებლად გათხოვებისა არის ის, რომ ქალს უნდა გათხოვება. ამ დროს მას ცოლობას სთხოვენ და თანხმობასაც მხოლოდ იმიტომ იღებენ, რომ ქალმა ოჯახის შექმნა გადაწყვიტა.
ფსიქოლოგები ქალბატონებს, რომლებმაც გათხოვება ამა თუ იმ მიზეზის გამო გადაწყვიტეს ურჩევენ, რომ თუ ისინი არ არიან დარწმუნებულნი თავიანთი არჩევანის სისწორეში, დროებით მაინც გადადონ ქორწილი. ამით თავიდან აიცილებენ ტკივილს, რომელიც უსიყვარულო ქორწინების შემთხვევაში აუცილებლად ელოდებათ.
წყარო: newposts.ge
ყოველი მესამე ქალი ოჯახს შეცდომით ქმნის
⏱️ 1 წთ.
👁️ 2 635
100%