ვერცხლის გავლენა ადამიანზე



ვერცხლის ფარული ძალა

ვერცხლი ახდენს თავისი პატრონის ნებისმიერი ინფორმაციისა და ემოციის კონცენტრირებას: მუქდება, როდესაც გროვდება დიდი რაოდენობით უარყოფითი ემოცია და განცდა, ასევე, როდესაც ეხება ავადმყოფი ადამიანის კანს. სამაგიეროდ, გაშავებული ვერცხლი ყოველთვის გამოიყენებოდა თილისმად, მისგან აკეთებდნენ ასევე ყველანაირი ელექსირის შესანახ ჭურჭელს. ამალგამა(ვერცხლის წყალი), რომლითაც აკეთებდნენ სარკეებს, საოცარ თვისებებს ფლობს, რისი მეშვეობითაც სარკე მაგიურ ძალას იძენდა. ძველად, ვერცხლისგან აკეთებდნენ სათითურებს, რომელშიც ძვირფას ქვებს დებდნენ "გასაცოცხლებლად".

ვერცხლის ენერგეტიკა

სხვადასხვა ადამიანებთან, ვერცხლი, სხვადასხვანაირი სიჩქარით შავდება. ეს დამოკიდებულია მეპატრონის ასტრალურ ბუნებაზე, მის სულიერ თვისებებზე. ეზოთერული თვალსაზრისით, ვერცხლი, სულის სისუფთავის სიმბოლოდ მიიჩნევა, რომელიც დაკავშირებულია ძალიან სანუკვარ რაიმესთან.

ვერცხლის თვისებაა - შეინარჩუნოს ფაქიზი ასტრალური გამოსხივება, გამოიყენება ასტრალურ ძალებთან კონტაქტისას. ეს კონტაქტი შეიძლება დამყარდეს ვერცხლის მეშვეობით. ვერცხლი დაკავშირებულია ლოცვასთან. სწორედ ამიტომ, ხატების ჩარჩოები, ვერცხლისგან კეთდება ხშირად. გარდა ამისა, ვერცხლი ეხმარება ადამიანებს გარდაცვლილ სულებთან კავშირის დამყარებაში, ანუ აქვს სპირიტუალური თვისებები. ვერცხლის ჭურჭელში ინახავენ წმინდანთა ნეშტებს. ითვლება, რომ ვერცხლის ზარები დევნიან დემონებს.

ვერცხლის სამკაულები

ვერცხლის სამკაული, განსაკუთრებით სასიკეთოა ქალებისთვის.

ვერცხლის ჯაჭვი ეხმარება ადამიანს ორიენტირებაში, სწორი გადაწყვეტილების მიღებაში.

ვერცხლის ბეჭედი ეხმარება სიბრძნის მოპოვებაში.

ვერცხლის საყურე კი, მაინცდამაინც სასიკეთო არ არის, რადგან გარკვეულწილად დაბნეულობა შემოაქვს. სამაჯურში ვერცხლი, ნაკლებად ავლენს თავს. მისი შეძენა უმჯობესია მთვარის მეთორმეტე დღეს. ამ დღესვე სასიკეთოა მისი ჩადება წყალში და შემდეგ ამ წყლის დალევა.

უნდა გახსოვდეთ, რომ ვერცხლი ეჩვევა პატრონს, უყვარდება ის და არ უყვარს პატრონის ცვლა. ამიტომ, ვერცხლის შეძენისას, ამ საკითხს თუ გაითვალისწინებთ, კარგი იქნება.

ვერცხლის წმენდა

გარდა იმისა, რომ ზოგადად სამკაულს სჭირდება პერიოდულად გაწმენდა და დასვენება, ვერცხლი ან ოქრო უნდა გაწმინდოთ მხოლოდ იმ შემთხვევაში, თუ "სამკურნალო მიზნებისთვის" იყენებთ. ოქროსა და ვერცხლის "დასვენების" მეთოდი ერთნაირია: - ჩადეთ სამკაული წყალში, შემდეგ კი საყინულეში, რომ გაიყინოს. როდესაც გაიყინება, გამოიღეთ და აცალეთ თავისით გადნეს - ამგვარად იშლება სამკაულიდან ნეგატიური ინფორმაცია. ჩვეულებრივად ტარების დროს, ამის გაკეთება საჭირო არ არის!

წყარო: presa.ge
































ტექსტის სანახავად გაიარეთ რეგისტრაცია.