ამერიკელმა სპეციალისტებმა აკუსტიკის განხრით, საინტერესო კავშირი აღმოაჩინეს ადამიანის ხმასა და მის სიმაღლეს შორის. ახლა მეცნიერებს სპეციალური მოწყობილობების გარეშე, პრაქტიკულად, უშეცდომოდ შეუძლიათ დაადგინონ მოსაუბრის სიმაღლე.
ტესტების მიმდინარეობისას, ექსპერიმენტის მონაწილეებს მოასმენინეს სხვადასხვა ადამიანის ხმა და ჰკითხეს, რომელი მოსაუბრე იყო უფრო მაღალი მათი აზრით. ექსპერიმენტის მონაწილეების 63%-მა ყოველგვარი წინასწარი მომზადების გარეშე შეძლო, სწორად განესაზღვრა ამა თუ იმ ადამიანის სიმაღლე მისი ხმის გაგონების შემდეგ.
ალბათ, შესაბამისი მომზადებისა და ამ განხრით სპეციალური ცოდნის ქონის შემთხვევაში, სიმაღლის გამომცნობთა პროცენტი შესაძლოა ბევრად მეტიც ყოფილიყო.
მკვლევარმა ჯონ მორტონმა ეს ფაქტი იმ რეზონანსით ახსნა, რომელიც ხორხის მიდამოებში არსებობს და რომელიც მაღალ და დაბალ ადამიანებს განსხვავებული აქვთ. მეცნიერები თვლიან, რომ ადამიანის ხმის ტემბრის გარკვეული კომპონენტები, თავის მხრივ, ხორხის ზომებზეც არის დამოკიდებული.
წყარო: etanews.ge
ადამიანის ხმის მიხედვით მისი გარეგნობის გამოცნობას შეძლებთ
⏱️ 1 წთ.
👁️ 1 895
100%