სუპერ დიეტები, რომლებითაც ცნობილმა ქართველმა მამაკაცებმა ათეულობით კილო დაიკლეს



წინა წლებთან შედარებით, ქართველი მამაკაცები თავის მოვლას უფრო მეტ ყურადღებას უთმობენ. განსაკუთრებით ზედმეტი წონის მოშორებასა და საკუთარ აღნაგობაზე ზრუნვას უთმობენ დიდ დროს. ზოგი ამას ვარჯიშით, ზოგი კი ოპერაციით ახერხებს, მაგრამ ყველაზე მნიშვნელოვანი ზედმეტი წონის მოსაშორებლად სწორი კვებაა. ამის გამო, გემრიელ ქართულ კერძებსა და ზღვარგადასულ სმაზე მამაკაცების ნაწილი, სწორედ წონის შესანარჩუნებლად ამბობს უარს. მათ შორის ცნობილი ქართველი მამაკაცებიც არიან.

ოთარ ტატიშვილი
ექიმი და ტელეწამყვანი ოთარ ტატიშვილი ბოლო წლებში საკმაოდ გახდა. მან 17 კილო დაიკლო, უარს აღარც დალევაზე ამბობს და არც ქეიფისგან იკავებს თავს, მაგრამ წონას ინარჩუნებს. ტელეწამყვანმა ე.წ. გიგი უგულავას დიეტით დაიკლო. ამბობენ, რომ "უგულავას დიეტა" გრძელვადიანია და საკმაოდ ძვირიც ჯდება. მსახიობმა მხოლოდ 4 კვირით დაიცვა გიგი უგულავას დიეტა და შემდეგ გადავიდა ცილოვან საკვებზე, რომლის შემადგენლობაშიც ხორცი, კვერცხი და რძის პროდუქტები შედის. მას ამაში დაეხმარა მეუღლე, რომელიც სამსახურში ყოველ დღე განსაზღვრული რაოდენობის საკვებს ატანდა.

ირაკლი გაფრინდაშვილი
პოეტმა და კახი კალაძის პრეს-სამსახურის უფროსმა ირაკლი გაფრინდაშვილმა რამდენიმე წლის წინ საგრძნობლად დაიკლო წონაში, თუმცა, ვეღარ შეინარჩუნა. გაფრინდაშვილმა 14 დღეში 13 კილოგრამი დაიკლო. ის ყოველდღიურად სხვადასხვა, თუმცა, ერთი სახის პროდუქტს მიირთმევდა. ერთ დღეს ხაჭოს, მეორე დღეს ხილს და ა.შ.

ნიკა ქავთარაძე
ორიოდე წლის წინ არაჩვეულებრივი რეზულტატი ჰქონდა იუმორისტ ნიკა ქავთარაძესაც. ქავთარაძემ 8 თვეში რამდენიმე ათეული კილო დაიკლო. მისი დიეტა ასეთია: იუმორისტი 8 თვის მანძილზე მიირთმევდა მხოლოდ ხორცსა და შავ პურს, რომლის წყალობით 45 კილოგრამი დაიკლო. რამდენიმე თვის წინ ქავთარაძემ სოციალურ ქსელში გამოაქვეყნა ახალი, ეფექტური დიეტა, რომელიც ასე გამოიყურება: ერთ ბოთლ კეფირში უნდა აურიოთ 3 კოვზი ყავა და მთელი დღის მანძილზე სწორედ ეს უნდა მიირთვათ. ასევე აუცილებელია წყლის დალევა, შეგიძლიათ, მიირთვათ უშაქრო ჩაი და ყავა. მკაცრი დიეტაა, მაგრამ როგორც იუმორისტმა განაცხადა ერთ დღეში სამი კილო სწორედ ამ დიეტით დაიკლო. გაითვალისწინეთ, რომ ამ დიეტის დაცვა მხოლოდ 3 დღე არის დაშვებული.

ოთარ ქირია
რუსთავი 2-ის დილის გადაცემის წამყვანმა ოთარ ქირიამ ორ თვეში 17 კილო დაიკლო. როგორც თავად აცხადებს, თავდაპირველად დიეტა ძალიან გაუჭირდა, თუმცა, ძლიერი ნებისყოფა აღმოაჩნდა და წონაც შეინარჩუნა. ოთარ ქირიამ დაიწყო იაპონური დიეტით, რომლის მეშვეობით მამაკაცი 13 დღეში 7-8 კილოგრამს იკლებს. იაპონური დიეტის შემდეგ კი მხოლოდ ბოსტნეულსა და ხილს მიირთმევდა. აღნიშნული დიეტით ტელეწამყვანმა 2005 წელს 5 თვეში 40 კილო დაიკლო.

მამუკა ონაშვილი
მომღერალი მამუკა ონაშვილი იყო პირველი, რომელმაც საკუთარი წონის მიმართ უკმაყოფილება საჯაროდ გამოხატა. ეს მოხდა რამდენიმე წლის წინ, როდესაც დახმარებისთვის დიეტოლოგ ელენე გიორგაძეს მიმართა. სანამ მის რჩევებს ზედმიწევნით ზუსტად იცავდა, დაახლოებით 95 კილო დაიკლო, მაგრამ გაუთავებელმა კონცერტებმა, ქეიფებმა მას დიეტებზე უარი ათქმევინა და დაკლებული წონა ისევ დაიბრუნა. 2010 წელს კი ოპერაციის გაკეთება გადაწყვიტა, კუჭი დაპიტარავა. ამ ოპერაციისა და ელენე გიორგაძის დახმარებით, ერთ წელიწადში 55 კილოგრამი დაიკლო.

თამარ ბოჭორიშვილი

წყარო: adami.ge
































ტექსტის სანახავად გაიარეთ რეგისტრაცია.