ამეთვისტო (თებერვალი)
ამეთვისტოს სულიერი სიმშვიდე და ჰარმონია მოაქვს. ეს ქვა ღრმა სულიერი სამყაროს მქონე ადამიანებს უხდება. ამ თვეში დაბადებული ადამიანები სამყაროს უმნიშვნელოვანეს გეგმებს აპროექტებენ. შესაძლოა ამ ეტაპზე რეპუტაციის პრობლემებს უჩიოდნენ, მაგრამ ეს იმიტომ ხდება, რომ ისინი სამომავლო დიდ სურათებს წარმოიდგენენ გონებაში და ორიენტირებულნი არიან სწორედ მომავლის შედეგებზე.
აქვამარინი (მარტი)
სახელიდანაც ჩანს, რომ ეს ქვა დაკავშირებულია წყალთან, ოკეანესთან. ის ძლიერ გამწმენდ ძალებს ფლობს.
როგორც ოკეანე, ამ თვეში დაბადებულ ადამიანებსაც შეუძლიათ ყველაფრის "ჩამორეცხვა“ და გასუფთავება. გარშემომყოფებში აღვიძებს გულწრფელობას და შეუძლია ნებისმიერ პრობლემას ღრმა ფესვებამდეც კი ჩასწვდეს. არიან ძალიან კომუნიკაბელურები!
ბრილიანტი (აპრილი)
უმეტესობისთვის ბრილიანტი ცნობილია, როგორც მარადიული სიყვარულის სიმბოლო, ეს წარმოდგენა კი მისი სიმყარისგან მოდის, რთულია დააზიანო ბრილიანტი! ასეთები არიან აპრილში დაბადებული ადამიანებიც. არიან ცოტათი მორცხვები, ზოგჯერ შეუმჩნევლებიც კი, თუმცა პოზიცების დაკავების შემდეგ საკმაოდ მყარ ხასიათს ავლენენ.
ზურმუხტი (მაისი)
ადამიანები, რომლებსაც ეს ქვა მიესადაგებათ, ცნობილები არიან როგორც ოჯახის და სამეგობრობს შემკვრელები, გამაერთიანებლები.
ეს ადამიანები არიან დაჯილდოებულნი განსაკუთრებული უნარით, ეხმარებიან სხვებს გრძნობების გამოხატვაში, ამიტომ თუ მეგობარი გჭირდებათ, რომელიც გითანაგრძობთ და დაგამშვიდებთ, მაშინ მაისში დაბადებულ ადამიანებს მიმართეთ!
მარგალიტი (ივნისი)
ისინი განსაკუთრებული ქმნილებები არიან! მარგალიტი უძველესი დროიდან მაგიურ ძალებთანაა ასოცირებული. ასეთი ადამიანები ერთი შეხედვით გულუბრყვილოები არიან, სამყაროს განსაკუთრებულად გრძნობენ. არ არიან ძალიან სოციალურები, თუმცა საოცარი ურთიერთობა შეუძლიათ ცხოველებთან.
ლალი (ივლისი)
ეს ქვა არის ძალაუფლების და სიძლიერის სიმბოლო. ამ ადამიანებს საოცარი თავდაჯერებულობის გრძნობა აქვთ, არიან უშიშრები და იღებენ მტკიცე გადაწყვეტილებებს. არასდროს აკეთებენ ბლეფს და ყოველთვის ბოლომდე მიდიან.
ქრიზოლითი (აგვისტო)
ეს ადამიანები მართლაც გამორჩეული მოლაპარაკეები არიან. მათ შეუძლიათ დაუმეგობრდნენ ნებისმიერ ადამიანს, ნებისმიერ სიტუაციაში. აქვთ კეთილი გული და ყოველთვის მზად არიან მიგიღონ საკუთარ წრეში.
საფირონი (სექტემბერი)
საფირონი სიბრძნის ქვად ითვლება.ამ თვეში დაბადებული ადამიანი არის მშვიდი, გაწონასწორებული და ინტელიგენტი. გულკეთილობის ნაკლებობას არ უჩივიან, თუმცა მარტივად ნამდვილად არ უღებენ გულს ადამიანებს.
ისინი საკუთარ თავს ძლიერ პოზიციებზე ხედავენ, სადაც დიდი ჯგუფების კონტროლი და მართვა მოუწევთ. დიდი დრო ჭირდებათ ნდობის მოსაპოვებლად.
ოპალი (ოქტომბერი)
მათი ცხოვრება არასოდესაა მოსაწყენი, მიუხედავად იმისა, რომ გამუდმებით სიწყნარეს და სიმშვიდისკენ ისწრაფიან , სწრაფად შეუძლიათ უდარდელ ადამიანებად გადაიქცნენ.
ყოველთის ექცევიან ყურადღების ცენტრში, მაშინაც კი როცა ცდილობენ იყვნენ შეუმჩნეველნი. არიან ინტუიციურები.
ციტრინი (ნოემბერი)
ამ ადამიანებთან დორის გატარება ძალიან სასიამოვნოა. წარმატება მათ ყველგან თან დაყვებათ.
არიან გულუხვები და ასხივებენ პოზიტიურ ენერგიას, რაც მარტივად ვრცელდება მათ გარშემო. ნოემბერში დაბადებული ადამიანი ძრითადად, ნებისმიერი კამპანიის სული და გულია.
ფირუზი (დეკემბერი)
ადამიანები, რომლის დაბადების ქვაც ფირუზია, საოცრად ბრძენი და ღრმა პიროვნებით გამოირჩევიან. ტოვებენ შთაბეჭდილებას, თითქოს მათი ასაკი 1000 წელზე მეტია, მაშინაც კი როდესაც პატარა ადამიანთან გვაქვს საქმე.
გამოირჩევიან დამცველობის და ძლიერი ინდივიდუალიზმის გრძნობით. ხშირად არიან მეგობრების და ოჯახის წევრების მთავარი მრჩევლები.
ძოწი (იანვარი)
გამოირჩევიან საოცარი ანალიტიკური და ემპათიის უნარებით. მათ შესაძლოა მოვარგოთ ,,სუპერ მშობლის“ სტერეოტიპიც.
ისინი ერთი ხელის გატკაცუნებით ქაოსისგან წესრიგს ამყარებენ. მაშინაც კი თუ ჯერ მშობლები არ არიან, სამეგობრო წრეში იგივე ფუნქციებს ითავსებენ.
galanews.ge