სტრესსა და დეპრესიას ყველა ადამიანი ინდივიდუალურად უმკლავდება. ზოგი ჩვენგანი სიტუაციას უფრო მძიმედ აღიქვამს, ვიდრე სხვები. ზოგი კი პირიქით - საგანგაშო სიტუაციაშიც კი სიმშვიდესა და ოპტიმიზმს ინარჩუნებს. იმას, თუ ზოდიაქოს რომელი ნიშნის წარმომადგენელი ხართ, შეუძლია განსაზღვროს, რა გზებით შეგიძლიათ დეპრესიასთან გამკლავება...
ვერძი
ის დეპრესიის დროს აგრესიული ხდება. მოთხოვნილება უჩნდება, მუდმივად ადამიანების გარემოცვაში იყოს, თუმცა ზოგჯერ იმდენად აუტანელი ხდება, რომ გარშემომყოფები მასთან კონტაქტს ერიდებიან.
კურო
კუროს აქვს უნარი, თავისი დეპრესია სხვას გადასდოს, თანაც გართულებულ ფორმებში. სამაგიეროდ, არ დაიზარებს და შემდეგ თვითონ დაიწყებს ზრუნვას მათზე, ვინც თავადვე „დააავადა“.
ტყუპები
ტყუპები დეპრესიასთან გამკლავების ჩემპიონები არიან. მათ შეუძლიათ, ამ დამთრგუნველ მდგომარეობას ბევრი საქმის კეთებითა და მეგობრებთან ყოფნით შეებრძოლონ და ასე, ნელნელა, დეპრესია უკვალოდ გააქრონ.
კირჩხიბი
ემოციური და გულჩვილი კირჩხიბი დეპრესიასთან საბრძოლველად გემრიელ სასუსნავებს, გულამომჯდარ ტირილსა და საყვარელი ადამიანების თანაგრძნობას იყენებს. სხვაგვარად რომ გითხრათ, მისი დეპრესიაც კი მრავალფეროვანი და ემოციებით სავსეა.
ლომი
ზოდიაქოს ამ ნიშანს ყურადღების ცენტრში ყოფნა უყვარს. ამიტომ, დეპრესიის დროსაც სხვების ყურადღებას მოითხოვს. ეს მდგომარეობა ლომისთვის დიდხანს არ გრძელდება და მალევე უბრუნდება მხიარულ და ხმაურიან ცხოვრებას.
ქალწული
ორგანიზებულ და მეწვრილმანე ქალწულს ჰგონია, რომ დეპრესია ბუნებრივი მდგომარეობაა და ამაში საგანგაშო არაფერია. ის თავის თავს არწმუნებს, რომ როგორც ყოველთვის, ყველასთან მართალია და სხვაც ბევრი აქვს საფიქრალი და სანერვიულო. სხვაგვარად რომ გითხრათ, ქალწულს დეპრესია არ აწუხებს იმიტომ, რომ ეს მისი ბუნებრივი მდგომარეობაა.
სასწორი
სასწორი ცდილობს, მეგობრებთან და საყვარელ ადამიანებთან მაქსიმალური დრო გაატაროს. მისთვის, გარემოს შეცვლა, ხანმოკლე მოგზაურობა და საინტერესო ხალხთან კონტაქტი დეპრესიასთან ბრძოლის საუკეთესო საშუალებაა.
მორიელი
მისტერიული და ქარიზმატული მორიელი ბოლომდე ეფლობა დეპრესიაში და ამ მდგომარეობას ყველა დეტალითა და წვრილმანით შეიგრძნობს. სამაგიეროდ, საბოლოოდ განადგურების შემდეგ, შეუძლია ფენიქსივით აღდგეს და კიდევ უფრო ძლიერი პიროვნების სახით დაბრუნდეს.
მშვილდოსანი
მშვილდოსანი არასოდეს გეტყვით, რომ ნაწყენი და სასოწარკვეთილია. ის ყოველთვის მოძებნის გზებს თავის გასამხიარულებლად. ამაში იუმორის შესანიშნავი გრძნობა ეხმარება. მოკლედ, ძლიერ მშვილდოსანს დეპრესია ვერაფერს აკლებს.
თხის რქა
თხის რქას იდეალურად შეუძლია თავდაცვა. სწორედ ამ უნარს იყენებს დეპრესიასთან საბრძოლველად. ის არასოდეს აღიარებს, რომ რაღაც ცუდი ხდება და ცდილობს, ძლიერი ადამიანის იმიჯი ბოლომდე შეინარჩუნოს.
მერწყული
მერწყული ცივი და არაკომუნიკაბელური ხდება და ყველასთან კონტაქტს ერიდება. არ უყვარს, როცა ცუდ განწყობას სხვებსაც სდებს და გარშემო ნეგატიურ აურას ავრცელებს. ამიტომ, დეპრესიას ყოველთვის მარტო ებრძვის. ერთადერთი, რაც მისთვის თერაპიულია, ძალიან ახლო მეგობრებთან საუბარია.
თევზები
მგრძნობიარე და ემოციური თევზები თავიანთ ნაჭუჭში იკეტებიან და ღრმად იჯერებენ, რომ მთელი სამყარო მათ წინააღმდეგ ამხედრდა. ეჩვენებათ, რომ მათი არავის ესმის და ყველაფერი ერთი დიდი ამაოებაა. დეპრესიის დროს, თევზებს მხოლოდ „გაგებითა“ და გულითადი საუბრით დაეხმარებით.
okmagazine.ge
როგორ უმკლავდებიან დეპრესიას ზოდიაქოს ნიშნები
⏱️ 1 წთ.
👁️ 14 760
100%