ვერძი - პრაქტიკულობა
თქვენს სახლში ყველაფერი ორგანიზებულად მოწყობილი და მარტივად მისაგნებია. დეტალების ნერვები არ გაქვთ და უპირატესობას პრაქტიკულ ინტერიერს ანიჭებთ. ასტროლოგები გირჩევენ, სახლი ნათელ ფერებში მოაწყოთ - ეს თქვენს ძლიერ ბუნებას კიდევ უფრო მეტად გაუსვამს ხაზს.
კურო - კომფორტი
კუროსთვის ყველაზე მნიშვნელოვანი ავეჯი დივანი და საწოლია. მისთვის ხარისხი უმთავრესია. ასტროლოგების აზრით, ამ ნიშნის წარმომადგენელმა უპირატესობა ბუნებრივი მასალისაგან შექმნილ დეკორაციებსა და სასიამოვნო, თერაპიული აურის მატარებელ ინტერიერს უნდა მიანიჭოს.
ტყუპები - კომუნიკაცია
ტყუპებისთვის კომუნიკაცია აუცილებელიც კია! ამიტომ, მათთვის უკეთესია, არჩევანი თანამედროვე და მრავალფუნქციურ ავეჯზე შეაჩერონ. იდეალური ვარიანტია, თუ ტექნიკა მაქსიმალურად ახალი იქნება, ინტერნეტი კი - მაქსიმალურად სწრაფი.
კირჩხიბი - ოჯახი
კირჩხიბი ყველა კედელს სიამოვნებით „მორთავდა“ საყვარელი ადამიანებისა და დაუვიწყარი მოგონებების ამსახველი ჩარჩოში ჩასმული ფოტოებით. გამომდინარე იქიდან, რომ ძალიან მგრძნობიარე და სენტიმენტალურია, მისთვის ავეჯის ხარისხსა და თანამედროვეობას მინიმალური მნიშვნელობა აქვს.
ლომი - მდიდრული იერი
ლომი თვლის, რომ ყველაფერს ყველაზე ძვირფასსა და მდიდრულს იმსახურებს. ამიტომაც, არასოდეს იშურებს ფულს იმ ნივთებში, რომლებიც მის ამბიციებს დააკმაყოფილებს. უყვარს მუდმივი სიახლეები და თბილ ფერებში გადაწყვეტილი ინტერიერი.
ქალწული - წესრიგი
ქალწული წესრიგისა და დისციპლინის ყველაზე თვალსაჩინო წარმომადგენელია. ამაზე მის თაროებზე დაწყობილ-დახარისხებული ნივთებიც მეტყველებენ. შეუძლია, ყველაზე პატარა ადგილსაც კი პრაქტიკული დანიშნულება მისცეს. თუმცა, არასოდეს ინახავს იმას, რაც იცის, რომ აღარ გამოადგება. უპირატესობას კლასიკურ ინტერიერს ანიჭებს.
სასწორი - დეკორაციები
სასწორი გიჟდება ყველაფერზე, რაც ესთეტიკურად ლამაზია. ამიტომ, მისთვის იდეალურია გარემო, რომელიც სწორად შერჩეული დეკორაციებითაა გაფორმებული. ამ ნიშნის წარმომადგენელმა თავისი სახლი საგამოფენო სივრცედ უნდა აქციოს და ნათელი ფერები გამოიყენოს. სასურველია მეტალის ან შუშის დეტალებიც.
მორიელი - პირადი სივრცე
ინტერიერი, რომელშიც მორიელი თავს კომფორტულად იგრძნობს, მშვიდ და მუქ ფერებში უნდა იყოს გადაწყვეტილი. მისთვის უმნიშვნელოვანესია პირადი სივრცე. ამიტომ, მისთვისვეა უმჯობესი, თუ ძვირფას ნივთებსა და მოგონებებს უჯრაში გადაინახავს. ძველი ნივთების თავიდან მოშორება ყოველთვის ავიწყდება.
მშვილდოსანი - ადაპტაცია
მშვილდოსნის სახლი სავსეა უამრავი ნივთით, რომლებიც ცხოვრების მნიშვნელოვან მომენტებს ახსენებს. იმისათვის, რომ თავი კომფორტულად იგრძნობს, ამ ქაოსთან ერთად, სისუფთავეც უნდა შეინარჩუნოს.
თხის რქა - ტრადიციები
ტრადიციულ თხის რქას ტრადიციული დეკორაციები მოსწონს. უყვარს, როდესაც ყველაფერი წესრიგშია და თითოეული ნივთი გარკვეული ისტორიის მატარებელია. პრაქტიკულია და შეუძლია, გამოუსადეგარ ავეჯსა თუ დეკორაციებს ალტერნატიული დანიშნულება მოუფიქროს.
მერწყული - ეკლექტიზმი
მერწყული ეკლექტური გემოვნებითა და ჩარჩოებიდან ამოვარდნილი იდეებით გამოირჩევა. ამიტომ, როცა საქმე დეკორაციებს ეხება, მისთვის წესები არ არსებობს. თავისუფლად შეუძლია, ერთმანეთს სხვადასხვა დიზაინის ზედაპირი შეუხამოს: წერტილები და ზოლები, ყვავილები და კუბიკები და ა.შ. მოკლედ, მოსწონს ყველაფერი, რაც თვითგამოხატვაში ეხმარება.
თევზები
თევზებისთვის მთავარია კომფორტი. როცა საქმე ინტერიერს ეხება, ისინი უპირატესობას სიმარტივესა და სისადავეს ანიჭებენ. ამ ნიშნის წარმომადგენელთათვის ყველაზე მნიშვნელოვანი სააბაზანო ოთახია - ის მაქსიმალურად მყუდრო, კომფორტული და სუფთა უნდა იყოს!
okmagazine.ge