აღმოჩნდა, რომ ხშირად, სხვადასხვა სახის ტკივილი თქვენივე ემოციური მდგომარეობიდანაა გამოწვეული. OK! ემოციებისა და ტკივილის ურთიერთკავშირის რამდენიმე მაგალითს წარმოგიდგენთ:
თავის ტკივილი
ხშირად, თავის ტკივილი არც წნევაზე მიანიშნებს და არც რაიმე განსაკუთრებულზე. ის შეიძლება, უბრალოდ, დღის განმავლობაში მიღებული სტრესის შედეგი იყოს. გამოსავალი მარტივია - გამონახეთ რამდენიმე წუთი, რომ მოდუნდეთ, ტვინი გათიშოთ და განიტვირთოთ.
კისრის ტკივილი
კისრის ტკივილი ხშირად აწუხებთ იმ ადამიანებს, რომლებსაც პატიება უჭირთ. მიმტევებელი ადამიანები კი ამ ტკივილით იშვიათად იტანჯებიან. ეცადეთ, ყურადღება ადამიანების კარგ მხარეებზე გაამახვილოთ.
მხრების ტკივილი
სწორედ ამ ტკივილთანაა დაკავშირებული ფრაზები "მხრებზე სიმძიმე მაწევს", "თითქოს დიდი ტვირთი მომხსნეს" და სხვ. საქმე იმაშია, რომ ადამიანებს, რომლებსაც სერიოზული პრობლემა აქვთ და ამ პრობლემას ზედმეტად ემოციურად აღიქვამენ, ხშირად აწუხებთ მხრების ტკივილი, სიმძიმე. ეცადეთ, ტვირთი მარტომ არ ზიდოთ და ტკივილი, ნაღველი და საფიქრალი გარშემომყოფებსაც გაუზიაროთ. ისინი აუცილებლად დაგეხმარებიან და სიმძიმესაც შეგიმსუბუქებენ.
წელის ზედა ნაწილის ტკივილი
წელის ზედა ნაწილი იმ ადამიანებს სტკივათ ხოლმე, რომლებსაც ემოციური თანადგომა აკლიათ. ეს იმას ნიშნავს, რომ თუ მსგავსი ტკივილი გაწუხებთ, ესე იგი მეტი სიყვარული და მზრუნველობა გჭირდებათ. თუ მარტო ხართ, დროა მეორე ნახევარი მოძებნოთ ან, მინიმუმ, ახალი მეგობრები გაიჩინოთ.
წელის ქვედა ნაწილის ტკივილი
ეს ტკივილი თუ გაწუხებთ, ესე იგი ფინანსური პრობლემები გაქვთ და მუდმივად საჭირო ფულზე გეფიქრებათ. დროა, ახალი სამსახური ეძებოთ და უკეთესი ანაზღაურება დაიმსახუროთ.
იდაყვის ტკივილი
თუ მსგავს ტკივილს გრძნობთ, ესე იგი სიახლეებისა და ცვლილებების გეშინიათ. ეცადეთ, კომპრომისზე წასვლა, სიახლეების მიღება და ცვლილებებთან შეგუება ისწავლოთ. სხვაგვარად, იდაყვის ტკივილი სხვა უფრო დიდ ტკივილსა და პრობლემებში გადაიზრდება.
ხელის ტკივილი
ეს კომუნიკაციის ნაკლებობას ნიშნავს. ეცადეთ, ახალი მეგობრები გაიჩინოთ, ლანჩზე თანამშრომლებთან ერთად იაროთ, სოციალურ ქსელებში ახლობლებს ეკონტაქტოთ და რეალურ ცხოვრებაში ახალი ნაცნობები გაიჩინოთ.
თეძოების ტკივილი
ზედმეტად ბევრს ფიქრობთ და ნერვიულობთ ნებისმიერი გადაწყვეტილების მიღებისას. სწორედ ამიტომ, ხშირად გაწუხებთ თეძოების უმიზეზო ტკივილი. ეცადეთ, ცვლილებების არ შეგეშინდეთ, უფრო გაბედულები გახდეთ და ირწმუნოთ, რომ ნებისმიერი გადაწყვეტილება ახალი და საინტერესო გამოცდილების საფუძველია.
მუხლების ტკივილი
როგორც ჩანს, საკუთარ თავზე ძალიან ბევრს ფიქრობთ და დიდი წარმოდგენა გაქვთ. გაიხსენეთ, რომ გარშემო სხვა ადამიანებიც არსებობენ, რომლებსაც თქვენი ყურადღება და სიყვარული აკლიათ. დაეხმარეთ გაჭირვებულებს, ჩაერთეთ საქველმოქმედო საქმეებში და თავად იგრძნობთ, რომ სამყარო მხოლოდ თქვენ გარშემო არ ტრიალებს. მუხლების ტკივილიც ნაკლებად შეგაწუხებთ და თავსაც უფრო ბედნიერად იგრძნობთ.
ავტორი: ელენე მარგალიტაშვილი
okmagazine.ge
რა კავშირია ფიზიკურ ტკივილსა და ემოციებს შორის
⏱️ 1 წთ.
👁️ 1 742
100%