რას გვეტყვის თქვენი დაბადების სეზონი თქვენზე?



ზაფხული, ზამთარი, შემოდგომა თუ გაზაფხული? იცოდით, რომ სეზონი, რომელშიც დავიბადეთ, განსაკუთრებულ თვისებებს გვჩუქნის?

ზაფხული
ზაფხულში დაბადებული ადამიანები კეთილი გულით გამოირჩევიან, ისინი ძალიან შეგნებულები არიან, მათ ცინიკოსებს ვერაფრით ვუწოდებთ. ისინი გამოირჩევიან ოპტიმიზმით, მათთვის „ჭიქა მუდმივად სავსეა“. ამ ადამიანებს ახასიათებთ ხოლმე ხასიათის მოულოდნელი ცვლილებები, ძალიან ემოციურები არიან, მაგრამ სიბრაზე მალე გადასდით და 5 წუთში აღარც ახსოვთ, რაზე იჩხუბეს. მათთვის მნიშვნელოვანია სოციალური სტატუსი და ფული.

შემოდგომა
ისინი ძალიან მოწიფული ტიპაჟები არიან, არ არიან მიდრეკილნი დეპრესიისკენ. ისინი ქვეყანას ევლინებიან ე.წ. კარმული ცოდნით. მათთვის დამახასიათებელია სიფრთხილე, რაციონალურობა. მათ არასოდეს არასად ეჩქარებათ, რისკებს წინასწარ აფასებენ. ამ ადამიანების გაბრაზება ძალიან რთულია. არიან გულმოდგინეები და მშრომელები. აქვთ კულინარული ტალანტი.

ზამთარი
წელიწადის ყველაზე მკაცრმა დრომ ამ სეზონში დაბადებულებს მრავალფეროვანი ტალანტები და უდიდესი გაძლების უნარი აჩუქა. ამ პერიოდში დაბადებული ქალბატონები მამაკაცური თვისებებით გამოირჩევიან, მოქმედებენ ლოგიკურად, არიან ძალიან გაბედულები, ჯიუტები, უშიშრები, მშრომელები. მათი დაბნევა ძალიან ძნელია. მათით მანიპულირებას ნურც შეეცდებით!
ეს თვისებები მათ ბრწყინვალე კარიერის გაკეთებაში ეხმარებათ. ყველაზე კომფორტულად ეს ადამიანები თავს საკუთარ თავთან გრძნობენ, არიან ძალიან სექსუალურები.

გაზაფხული
შემოქმედებითი, ნიჭიერი და რომანტიკული ნატურები არიან. მათთვის ცხოვრებაში ყველაზე მთავარი „სწორი“ პარტნიორის პოვნაა, რომელიც მათ ყველანაირად გვერდში დაუდგება და დაეხმარება. არ ახასიათებთ ინციატივის გამოვლენა, ადამიანების მართვის უნარიც არ აქვთ, გაურბიან პასუხისმგებლობას. ურჩევნიათ არსებულ ვითარებას მოერგონ და შეეგუონ. კარგი ორატორები არიან, უყვართ, როდესაც კომპლიმენტებს ეუბნებიან, მაშინაც კი, თუ გრძნობენ, რომ ეპირფერებიან. კარგი ინტუიცია აქვთ.

okmagazine.ge
































ტექსტის სანახავად გაიარეთ რეგისტრაცია.