დიახ, დაღლილობა ერთ-ერთი მიზეზია იმისა, რომ მაცივრისკენ მიგვირბის თვალები. როცა დაღლილი ხართ, ორგანიზმის ბუნებრივი სურვილია - დაკარგული ენერგია საკვების მეშვეობით აღადგინოს და ეს სწორიცაა, მთავარია, ჯანსაღად საკვებით აღიდგინოთ ძალები. არჩევანი ჯანსაღ საკვებზე გააკეთეთ:, ბოსტნეულზე, მარცვლეულზე და ცილაზე.
წყურვილის გრძნობა
ადამიანებს ხშირად შიმშილისა და წყურვილის გრძნობა ერთმანეთში ერევათ. დალიეთ მეტი წყალი და მალე დაინახავთ შედეგს. როგორც დეიტოლოგები გვირჩევენ, სასურველია, ზრდასრულმა ადამიანმა დღეში 2 ლიტრი წყალი მიიღოს.
წინ დაიდგით წყლით სავსე დოქი, ჩაყარეთ პიტნა და ლიმონი - ეს გემრიელია და სასარგებლოც.
შაქრის დონე სისხლში
როდესაც ორგანიზმი გამოფიტულია, მისი ბუნებრივი რეაქციაა ტკბილის მოთხოვნილება. შაქარში არანაირი ვიტამინები და მინერალები არ არის, მაგრამ ეს იწვევს ენდორფინების გამოყოფას სისხლში და ორგანიზმისთვის ,,ცრუ'' ენერგიის მიწოდებას. დანაყრების ხანმოკლე შეგრძნება მალე ქრება, ვინაიდან სისხლში შაქრის მკვეთრი ვარდნა ხდება და შიმშილის გრძნობა მეტი ძალით გიბრუნდებათ. გამოსავალი კი შემდეგია: უარი თქვით შაქარზე, რომელსაც ორგანიზმისთვის არაფერი სასარგებლო არ მოაქვს, პირქით, ვიტყოდით, რომ ზიანსაც აყენებს. თუ ტკბილი მოგინდათ, ჯობია ჩირი მიირთვათ ნამცხვრებისა და შოკოლადის ნაცვლად.
ემოციური დამოკიდებულება
სტრესი და შფოთვა მადაზე მოქმედებს. ზოგიერთს ამ დროს ეკარგება მადა, ზოგს კი - პირიქით. თუ თქვენ ამ მეორე კატეგორიას განეკუთვნებით, გაარკვიეთ, რა იწვევს შიმშილს და დაუსვით საკუთარ თავს შეკითხვა: მართლა გშიათ, თუ ცდილობთ, სტრესიდან საკვების მეშვეობით გამოხვიდეთ? რეგულარულად იკვებეთ ჯანსაღად და ეს პრობლემა აღარ შეგექმნებათ.
საკვების მიღების ეთიკის არქონა
ჩვენ ვსადილობთ სამუშაო მაგიდასთან, ვვახშმობთ ტელევიზორის ყურებისას ან როდესაც Facebook-ს ვსქროლავთ. არადა, მნიშვნელოვანია კონცენტრირება საჭმელზე მოვახდინოთ. საკვები ერთ დიდ თეფშზე გადაანაწილეთ, ამით შეძლებთ განსაზღვროთ, თუ რამდენს ჭამთ. საკვები მიირთვით ნელა, რადგან დანაყრების გრძნობა საკვების მიღებიდან 20 წუთში დგება.
okmagazine.ge