პიროვნების ხასიათი ხშირად მისი სამოსის მიხედვით ვლინდება. ყურადღებით წაიკითხეთ ტესტი და პასუხებიდან ის ვარიანტი ამორჩიეთ, რომელიც ახლოსაა თქვენს ხასიათთან.
1. თქვენმა მეუღლემ (მეგობარმა მამაკაცმა) გადაწყვიტა სამსახურში წვრილზოლიანი კოსტუმი ჩაიცვას, როგორ პერანგს ურჩევთ?
ა) ისეთივე ზოლიანს;
ბ) სადას;
გ) კუბოკრულს, შესაფერ ტონალობაში.
2) რით ხელმძღვანელობთ სამკაულისა და პარფიუმერიის შერჩევისას?
ა) რაც უფრო ძვირია - უკეთესია;
ბ) მხოლოდ საკუთარი გემოვნებით;
გ) სარეკლამო რეკომენდაციებით.
3) როგორი საჩუქარი გაგახარებთ ყველაზე მეტად მამაკაცისგან?
ა) ყვავილების თაიგული;
ბ) ძვირფასი სუნამო;
გ) ორიგინალური ნივთი.
4) თქვენი გარდერობის მთლიანად განახლების საშუალება რომ გქონდეთ, ახალ ტანსაცმელს რა პრინციპით აირჩევდით?
ა) საყვარელი ფერების მიხედვით;
ბ) ყველაფერს ულტრათანამედროვეს შეიძენდით;
გ) იყიდდით იმას, რაც გიხდებათ.
5) დიზაინერთან შეკერილი კაბა ისეთი არ გამოდგა, როგორსაც ელოდით. როგორ მოიქცევით?
ა) ეცდებით თქვენვე გააკეთოთ;
ბ) კარადაში შეაგდებთ და დაივიწყებთ;
გ) რომელიმე ახლობელს აჩუქებთ.
ტესტის გასაღები
1 2 3 4 5
ა 3 4 4 2 3
ბ 2 3 2 4 4
გ 4 2 3 3 2
10-13 ქულა - საკუთარ თავს ძალიან კრიტიკულად უდგებით, გავიწყდებათ, რომ ქალი ხართ. როგორმე ეცადეთ გადალახოთ შინაგანი წინააღმდეგობები, შეცვალოთ ცხოვრების წესი, სამოსი, ვარცხნილობა, მაკიაჟი… ყურადღებით დააკვირდით თქვენს ტანსაცმელს _ ისეთი შთაბეჭდილება რჩება, თითქოს ჰუმანიტარული დახმარება მიიღეთ. აუცილებლად დაუთმეთ მეტი ყურადღება საკუთარ თავს. ნუ დაინანებთ ნურც მატერიალურ და ნურც ემოციურ შესაძლებლობებს.
14-17 ქულა - თავდაჯერებულობას ვერავინ წაგართმევთ. ქალური, მომხიბვლელი და სასიამოვნო პიროვნება ხართ, იცით, როგორ მიუდგეთ ადამიანებს, მთავარი კი მაინც ის არის, რომ სწორი წარმოდგენა გაქვთ საკუთარ ნაკლსა და ღირსებაზე. სწორედ ამაში იმალება თქვენი წარმატების საიდუმლო. არასოდეს დახარჯავთ დროს მამაკაცზე, რომელიც თქვენს ყურადღებას არ იმსახურებს. იყავით ნაკლებ ქედმაღალი, მაგრამ _ ამაყი. ზედმეტმა პატივმოყვარეობამ შეიძლება იმიჯი გაგიფუჭოთ.
18 და მეტი ქულა - არ გეჩვენებათ, რომ ზედმეტად თავდაჯერებული ბრძანდებით? კარგია, როცა ქალი მაღალ შეფასებას აძლევს საკუთარ სტილს, მაგრამ საშინელებაა, როცა ამის დემონსტრირებას უტაქტო გამოხტომებით ახდენს; ექსტრავაგანტურად, გამომწვევად იცვამს და ირგვლივმყოფებს აღიზიანებს. ისწავლეთ თავის წარმოჩენა ყოველგვარი ექსცენტრიკულობის გარეშე და ადამიანებიც მეტი პატივისცემით მოგეპყრობიან.
რას იტყვით, მართლები ვართ?
galanews.ge
პიროვნების ხასიათს ტანსაცმელი განსაზღვრავს (ტესტი)
⏱️ 1 წთ.
👁️ 3 555
100%