კერძო დეტექტივი ქალების კომპანია FPI ქალებს ორწლიანი მუშაობის გამოცდილებას უზიარებს. კერძოდ, საქმე ეხება ღალატის თემას. ქალებისთვის რჩევები FPI-მ news.ge-ს მიაწოდა.
„რა საფეხურებია საჭირო, იმისათვის რომ ქალებმა იცხოვრონ რეალურ სამყაროში და არა ილუზიური ცხოვრებით. სამწუხაროდ ჩვენი გამოცდილებით ამ მდგომარეობაში ბევრი ქალი იმყოფება. მათ უყურებენ თვალებში და ატყუებენ. არსებობს მომენტი, როცა თანდათან ღრმად ვეფლობით გაურკვევლობაში. შესაბამისად ჩვენს ქვეცნობიერში უამრავი კითხვის ნიშანი იბუდებს ადგილს. ეს ის მომენტია, როდესაც ქალური ინტუიციაც ჩრდილში ექცევა.
ჩამოგითვლით რამოდენიმე მიზეზს, რაც საშუალებას მოგცემთ იყოთ თქვენივე ცხოვრების პოტენციური „კერძო დეტექტივი“, ესენია:
1. პიროვნული განვითარების სინქრონიზაციის დარღვევა;
2. საკუთარ თავში დაურწმუნებლობა;
3. შვილების ასპარეზზე ყოფნა;
4. მიეცით საშუალება, მამაკაცმაც იზრუნოს თქვენზე;
5. შეინარჩუნეთ ურთიერთობის ბალანსი;
6. ყველა სიტუაციაში იყავით შესაბამის ფორმაში;
7. ნუ გახდებით მხოლოდ მეუღლეზე (პარტნიორზე) დამოკიდებული, თქვენს ცხოვრებაში არსებობენ სხვა ადამიანებიც (მეგობრები);
8. აკონტროლეთ მეუღლის ემოციური მგდომარეობა;
9. იყავით მათთვის პირველი ადამიანი, ვისაც მიაწვდის ინფორმაციას ან გაუზიარებს ნებისმიერ მომენტს;
10. აკონტროლეთ მისი ადგილმდებარეობა;
11. ნუ მიანიჭებთ მეუღლეს მხოლოდ „საფულის“ როლს;
12. გამოყავით დრო მხოლოდ ერთმანეთისთვის, რათა განიტვირთოთ;
13. ნუ ჩააგდებთ სექსის სტაბილურობას;
14. მოიხსენით არასრულფასოვნების შეგრძნება და ჩართეთ ფანტაზია სექსში;
15. მოერიდეთ გონების დანაგვიანებას და მიეცით საშუალება სიყვარულს, რათა ყველა ბორკილი დაამსხვრიოს;
16. რაც არ უნდა მოხდეს თქვენს ცხოვრებაში, მომხდარმა როგორც არ უნდა შეგაწუხოთ სასოწარკვეთას ნუ მიეცემით;
17. კარგად დაფიქრდით და განსაზღვრეთ რა მოლოდინი უნდა გქონდეთ თქვენი პარტნიორისგან, რა გასცეთ და რას მიიღებთ.
რაც მთავარია უბრალოდ გახსოვდეთ, არსებითი მნიშვნელობა არ აქვს რა გადაწყვერილებას მიიღებთ, მხოლოდ ერთ რამეში უნდა იყო დარწმუნებული - ნებისმიერი ნაბიჯი არის მოგზაურობა საკუთარ თავში“, - აცხადებენ დეტექტივი ქალები.
news.ge
„მათ უყურებენ თვალებში და ატყუებენ“ - კერძო დეტექტივების რჩევები ქალებს
⏱️ 1 წთ.
👁️ 3 145
100%