ადამიანთან შეხვედრისას ჩვენ ხშირად ვუყურებთ მას თვალებში, ტანსაცმელზე, ფეხსაცმელზე, თვალებში, ვცდილობთ მისი ზრახვების ამოცნობას... ქირომანტიის სპეციალისტები კი გვირჩევენ, უყურადღებოდ არც მოსაუბრის ხელები დავტოვოთ. მათი თქმით, ადამიანის შესახებ, იქნება ეს მისი ნებისყოფა, თუ ხასიათის ძირითადი შტრიხები, ბევრი რამის თქმა სწორედ ცერა თითს შეუძლია.
თქვენც შეხედეთ საკუთარ ცერა თითს და მიუსადაგეთ ის ვარიანტი, რომელიც უფრო მეტად შეესაბამება თქვენი თითის ფორმას.
ვარიანტი А - თითის მეორე ფალანგა პირველზე გრძელია
ფალანგების ასეთი ურთიერთმიმართება ადასტურებს იმას, რომ ასეთი ადამიანები სრულ ნდობას იმსახურებენ. ისინი ძალიან დაკვირვებულები არიან და ყველაფერს ობიექტურად აფასებენ. საკმაოდ გააზრებულად მოქმედებენ, ამიტომ იმედგაცრუება მათთვის მეტ-ნაკლებად უცხოა. რეალისტები არიან და შესაბამისად, ოცნების კოშკებსაც არ აშენებენ. ვერ იტანენ ვინმეს მხრიდან რაიმე ტიპის ზეწოლას და სულიერ კომფორტს ძალიან დიდი მნიშვნელობას ანიჭებენ.
ვარიანტი В - თითის ორივე ფალანგა ერთი ზომისაა
ასეთი ადამიანები წინასწარ მოფიქრებული გეგმის მიხედვით მოქმედებას ამჯობენებენ. მხოლოდ ასეთ შემთხვევაში გრძნობენ თავს კომფორტულად და მშვიდად. ემოციებს და გრძნობებს ნაკლებად ამჟღავნებენ და არ აძლევენ თავს უფლებას, იცხოვრონ ერთი დღით. გამოირჩევიან მახვილგონიერებით და ცნობისმოყვარეობით. ისინი მრავალმხრივ განვითარებული პერსონები და ბრწყინვალე მოსაუბრეები არიან.
ვარიანტი С - პირველი ფალანგა მეორეზე გრძელია
ეს ადამიანები გამოუსწორებელი რომანტიკოსები არიან. მოსიყვარულე ბუნებიდან გამომდინარე, საპირისპირო სქესში დიდ სიმპატიებს იმსახურებენ. ასეთებთან არ მოიწყენ, რადგან საკუთარი მეორე ნახევრისთვის ყველაფერს გააკეთებენ.
sazogadoeba.ge
ტესტი - რა კავშირშია ცერა თითი ადამიანის ხასიათთან?
⏱️ 1 წთ.
👁️ 11 592
100%