არასდროს დალიოთ ვერძთან ერთად! დილით შეიძლება ლას-ვეგასში გაგეღვიძოთ, დაქორწინებულს ან პოლიცია დაგდევდეთ და მეზობლები გწყევლიდნენ. ვერძს "ავიწყდება", რომ ადამიანებს ალკოჰოლური სასმელებისგან თრობა ახასიათებთ.
კუროს "ოქროს წესი" აქვს: ცხოვრებისგან მიიღოს ყველაფერი და ბევრი: ფული, სექსი, ალკოჰოლი... კუროს სასმლის ნახევარი დაუმალეთ, თორემ, მთვრალი გაანადგურებს ყველაფერს, რაც ხელში მოხვდება, მათ შორის, თქვენთან ურთიერთობასაც.
მთვრალი ტყუპი "გასწავლით" პრობლემების მოგვარებას. დილით კი გულგრილად გამოგიცხადებთ: "გაგიჟდი? რას მიჯერებდი, მე ხომ მთვრალი ვიყავი?!."
თუ კირჩხიბის შინაგანი სამყაროს გაცნობა გსურთ, დაათვრეთ. მთვრალს სექსზეც დაიყოლიებთ. თუმცა, მეორე დღეს კირჩხიბი ისევ მორცხვ არსებად გადაიქცევა და შეიძლება მელანქოლიაშიც ჩავარდეს წინა დღეს მომხდარი ამბების გამო.
მთვრალი ლომი ფხიზელი ლომისგან არაფრით განსხვავდება გამარჯვებებსა და თავგადასავლებს ისე აბამს ერთმანეთს, რომ ახალგაცნობილებმაც და შემოსწრებულებმაც გაიგონ მისი "გმირობები".
ქალწული სვამ, რათა ცოტათი მაინც მოდუნდეს და არ იყოს მკაცრი, დეტექტივ-კრიტიკოსი. ახალგაზრდა ქალწულმა თრობის შემდეგ შეიძლება არაქალწულად გაიღვიძოს, მაგრამ დეტალებს არასდროს გაიხსენებს, რაც მშვენიერი ტაქტიკაა.
მთვრალი სასწორი ჰარმონიას პოულობს და მისთვის ულამაზო ქალები აღარ არსებობენ. ყველა კნუტი და ბეღურა. თუმცა, დილით, იმის გაფიქრებისას, რომ ვახტანგურად სვამდა მსუბუქი ყოფაქცევის ქალებთან, მასში სირცხვილის მეტს არაფერს გამოიწვევს.
მორიელმა კარგად იცის თავისი ნორმა. სხვას კი დაათრობთ, რათა საჭირო ინფორმაცია გამოსტყუოს, ან ლოგინში შეითრიოს. ნუ დალევთ მორიელთან თუ არ გსურთ, დილით ახალგაღვიძებულმა უცხო ქალაქში, უცხო ადამიანის გვერდით გაიღვიძოთ, ან "იუთუბის" ვარსკვლავი გახდეთ.
მშვილდოსანი ან ბუნებით ლოთია, ან საერთოდ არ სვამს. თუ მშვილდოსანთან სუფრაზე მოხვდით, ყველაფერი ისე გააკეთეთ, როგორ გეუბნებათ. მასთან კამათს აზრი არა აქვს, ან "ტყვიას გესვრით", ან გაგებუტებათ. ეს უკანასკნელი კი ტყვიაზე საშიშია.
თუ თხის რქას დაათრობთ, ის წვეულების გული და სული გახდება. მანდილოსნებს კომპლიმენტებით აავსებს, მამაკაცებს კურიოზებითა და ანეკდოტებით გაართობს. თუმცა, რამდენიც უნდა დალიოს, მეხსიერებას არასდროს დაკარგავს და ნაბახუსევზე წვეულების დეტალები სრული სიზუსტით ემახსოვრება.
მთვრალ მერწყულს გადატრიალებას მოახდენა შეუძლია, ლექსებს დაწერს, დახატავს, რევოლუციას მოაწყობს, ახალ რელიგიას შექმნის. თუმცა ასეთი მერწყული იშვიათად უნახავს ვინმეს. როგორც კი სიმთვრალის ზღვარს მიუახლოვდება, გამოაცხადებს: "დასაძინებლად მივდივარ" და მიდის.
ყურადღება, მთვრალი თევზები! სცენები ცხოვრებიდან: ოთახის ყველა კუთხეში ტირის, რადგან იგი არავის უყვარს და ებრალება. ორ წუთში მელანქოლია გადაუვლის და ყველასთვის ცნობილ ანეკდოტებს მოჰყვება პირველ პირში, რომელიც ვითომ გუშინ გადახდა.
pomada.ge
მთვრალი ჰოროსკოპი
⏱️ 1 წთ.
👁️ 2 981
100%