უშენობა_უსახური, უსაკმაზო წუთები
უშენობა_კედლიდან კედლამდე ბოლთა,
უშენობა_ორმხრივ სველი, გალახული ბალიში
უშენობა_როიალში ჩაბეჭდილი ნოტა, მარტოსული ნოტა.
უშენობა_წუხილისგან გამოღრღნილი ძვლები,
დაძინება_ უსასრულო, გაღვიძება_ქუში
ხელის გულში ჩაფრენილი ბრჭყალები
და კბილები ჩასობილი ტუჩში,
სისხლგამოცლილ ტუჩში..
უშენობა_საფეთქლებში როკ_ჯგუფი,
ყელში სული, ენერგია ნული,
ტიტანივით ბეჭშედგმულ უშენობის სიმძიმეს
ვერ გაუძლებს სიყვარულში გახარჯული გული
ბოლოძალებმოკრებილი გული.
უშენობა_მგლის პარტია სოლო,
ტვინი_ტყვია, ვერცხლისწყალი_სისხლი,
უშენობა_ლაბირინთი უთავბოლო
გაგიმეტე, მიგატოვე, რისთვის?
უშენობა_ტკივილი, უკივლელი კივილი
უშენობა_ცრემლი,
შერეული ჭაღარა, გაჩენილი ნაოჭი,
დაჭიმული ნერვი,
უშენობა_ფეიერვერკი სევდის
უშენობა_კეთილპატრონნახსენები ბედი,
უშენობა მომავალზე ოცნებების ლეში
უშენობა შემშლის!!!
უშენობა_გოლგოთა და ჯვარცმა,
კრულვა, წყევლა, გენია და კუპრი!
უშენობა??? ბიბლიური სამოთხეა
შენთან ყოფნას შეადარებ თუკი!
×