ჩვენ მომხმარებლურ ცივილიზაციაში ვცხოვრობთ . კიდევ უფრო უარესი--დახურულ ქვეყანაში! სადაც ტოტალიტარული, ავტორიტარული რეჟიმების რაღაც პოსტსაბჭოური ნაზავია და ვერავინ გაარკვევს , სად იწყება და მთავრდება საზოგადოება...უფრო სწორად, საზოგადოება აღარ არსებობს, რადგან ადამიანი ყოფილ არსებად იქცა-უფუნქციოდ, კუთხეში მიგდებული!!!
ამ ფონზე, სრულიად ბუნებრივია, რომ უცებ ავარდება ხოლმე ხელოვნურად გაპიარებული თემები...იქ, სადაც ანგარებაა, სიმართლის ადგილი არ არის! ამიტომაც ამ ფეხქვეშგათელილი ქვეყნისათვის ასეთ ,,ფასეულობებზე" საუბარი იცით, რას მაგონებს?!...---ღია ჭრილობაზე მარილის დაყრას. ქვეყანა ავადაა, მძიმედაა ავად, მაღალსიცხიანია და ბოდავს ...მაინცდამაინც ისეთი წამალი უნდა დაალევინო, რომ კრუნჩხვებში ჩავარდეს?! გაორებულია სოციუმი(საზოგადოებას ვერ ვუწოდებ)...ნებისმიერი მსჯელობის დროს, თითქმის ყველა ადამიანს ეტყობა, რომ გაორებულია და გაურკვეველი...,,გოიმი'' და ჩამორჩენილი ხარ, თუ ფესვებიდან მოდიხარ...მოკლედ, ილია ჭავჭავაძე , ვაჟა და მიხეილ ჯავახიშვილი ,,გოიმები'' არიან ...
ეკლესიას რომ თავისი პრობლემები აქვს, სხვებზე ადრე ვიცოდი, მაგრამ ჩემში ყოველთვის დევს რაღაც კოდი, რომელიც არასოდეს ხელს არ ამაღებინებს მის წინააღმდეგ...მით უფრო--უწმინდესის წანააღმდეგ! მშობლის ან შვილის მოსაკლავად აღმართავ ხელს?!!! მე ეს არ შემიძლია, რადგან ამას სხვანაირად ანტიდაბადება ჰქვია!( აკაკი ბაქრაძის ტერმინია)...ადამიანი სპობს საკუთარ ფესვებსა და დაბადებას, რაც ბუნებრივ კანონზომიერებას ეწინააღმდეგება....ამიტომ იმ ადამიანებს, რომლებსაც ჯერ კიდევ არ დაუკარგავთ ფესვებთან კავშირი, დიდი ძალისხმევა და სიფრთხილე მართებთ! ებრძვიან, გადარჩენილებს ებრძვიან, ასეთი გაუთავებელი ისტერიის პირობებში გზადაგზა ართმევენ იმათაც, ვინც ზოგჯერ გაორებულია...
უფესვო ყოველთვის ცდილობს ფესვები დააგლიჯოს მას, ვისაც ის ჯერ კიდევ შერჩა! ეს არცაა გასაკვირი... ხის სიმაღლე ხომ ფესვებიდან იზომება....
მარიეტა საყვარელიძე
წყარო: aianews.ge
ხის სიმაღლე ფესვებიდან იზომება!
⏱️ 1 წთ.
👁️ 2 210
100%
