გაინტერესებთ, სხვადასხვა ჰოროსკოპის ნიშანი როგორ შეასრულებდა ოტელოს როლს, რა სახასიათო ნიშნები ექნებოდა მათ მიერ განსახიერებულ ეჭვიანს მავრს? მოვუხმოთ იუმორის გრძნობას, ფანტაზიას და აი, ასეთ შედეგს მივიღებთ:
1. ვერძს ავიწყდება შეკითხვა დაუსვას დეზდემონას. სუფლიორი ახსენებს: ილოცე ძილის წინ დეზდემონა? ვერძი სცენიდან: მკვდარია უკვე.
2. კურო მაყურებლებისკენ მოტრიალდა და ტაშს ელოდება დროზე ადრე. ჰკითხა დეზდემონას, ილოცა თუ არა და ისევ ხალხისკენ მოტრიალდა. გაოგნებული რეჟისორი – ესროლეთ ვიღაცამ ორი ღერი ყვავილი, თორემ დაგვაყუდებს მთელი დღე!
3. ტყუპები: იცი, დღეს დილით პალერმოში ვიყავი. საოცარი ქალაქია. გოთური ელემენტებით დატვირთული არქიტექტურა, ლურჯი ცა.. .მართლა, დეზდემონა, ივახშმე უკვე? დეზდემონა – ვილოცე კიდეც. რა დროს ლოცვაა შე ქალო, ჯერ დაძინებას ხომ არ აპირებ?
4. კირჩხიბს ტექსტი აერია: ჰოი, დედაკაცო, არარაობა უნდა გერქვას შენ! არა ვერ მოგკლავ, არ შემიძლია, დედა ხარ ჩემი! – რეჟისორი: ჰამლეტ, გაეთრიე სცენიდან და დაუძახე ოტელოს!
5. ლომმა ქედმაღლურად გადახედა დეზდემონას: შენ ჩემი ხელით სიკვდილის პატივს არ იმსახურებ, თითი დაატკაცუნა – მსახურებო, გაიყვანეთ აქედან და მდინარეში ჩააგდეთ სადმე!
6. ქალწული ხედავს, დეზდემონას კაბა აქვს გარღვეული მუხლზე. თვალით ანიშნებს, დამალეო. დეზდემონა ვერ მიხვდა. ქალწული წყობიდან გამოვიდა: სცენაზე რომ გამოდიხარ ამხელა ქალი, ჩაიცვი წესიერად!
7. სასწორი – ჰოი, მშვენიერო დეზდემონავ, თქვენს ბაგეთაგან წარმოთქმული ყოველი სიტყვა ლოცვაა ჩემთვის… რეჟისორი: ამას თავი სასიყვარულო ბალადის გმირი ჰგონია, მომეჭრა თავი!
8. მორიელი დეზდემონას ჩაფიქრებული უყურებს – არ გვინდა ფორმალობები, შორი გზა გაქვს გასავლელი, რაღა დროს ლოცვაა! გაუყრის მახვილს და თან აბარებს – მოკითხვა ჩემეეებს!
9. მშვილდოსანმა კარგა ხანია დეზდემონა სიცოცხლეს გამოასალმა და საცოდავ მსახიობს აქეთ-იქით დაათრევს სცენაზე. რეჟისორი: რას აკეთებს? სუფლიორი: გვამის დამალვას ცდილობს.
10. თხის რქა: მიიღე, დამპალო! გგონია, არ ვიცი, გასულ წელს ჩემი როლი შენ რომ მიითვისე!
11. მერწყული დრამატული სახით: ილოცე ძილის წინ… სიტყვას არ ამთავრებს – ვაა, დეზდი, ახალი პერანგი?!
12. თევზები – მთელი გულით ილოცე.. მე ჩემს თავზე ვიღებ შენს ყველა ცოდვას… როლში ისე შევა, მართლა გაუყრის დანას.
წყარო: kvira.ge
როგორ მოიქცევიან ჰოროსკოპის ნიშნები ოტელოს როლში
⏱️ 1 წთ.
👁️ 4 358
100%
