ჟოზეს უზარმაზარი სიმსივნური წარმონაქმნი აქვს, რაც მის ცნობას შეუძლებელს ხდის. გაიცანით კაცი ,,ნიღბით" და ნახეთ, როგორ უმკლავდება ყოველდღიურ საზრუნავს, საზოგადოების მზერასა და დაცინვას. პორტუგალიელ ჟოზე მესტრეს უწოდებენ ,,უსახოს"_აი უკვე 35 წელია ის ცხოვრობს უზარმაზარი წარმონაქმნით სახეზე, რომელმაც მისი ცხოვრება ნამდვილ კოშმარად აქცია.
დაბადებისას ჟოზეს მხოლოდ უმნიშვნელო ლაქა ჰქონდა სახეზე. მოგვიანებით ტუჩებზე გაუჩნდა ბუშტუკები, რომლებმაც მოგვიანებით მთელი სახე დაუფარა. 14 და 18 წლის ასაკში მას გაუკეთეს ოპერაციები, თუმცა დაავადების შეჩერება ვერ მოახერხეს.
ახალგაზრდობაში ის მუშაობდა აფთიაქში, თუმცა ბოლო 20 წელია ინვალიდია. სიმსივნური წარმონაქმნის გამო ჟოზე ცალი თვალით დაბრმავდა, უჭირს სუნთქვა, საკვების მიღება კი მისთვის ჯოჯოხეთური წამებაა.
უკეთესობისკენ ცვლილებები დაიწყო 2007 წელს, როცა ,,უსახო" მიიწვიეს Discovery Channel-ში დოკუმენტურ ფილმში მონაწილეობისთვის, სადაც ისაუბრებდა საკუთარ დაავადებაზე. მაშინ ერთ-ერთმა ქირურგმა შესთავაზა ოპერაციის გაკეთება. თავდაპირველად ჟოზემ იუარა, თუმცა მოგვიანებით გადაწყვეტილება შეცვალა.
ოჯახის მზრუნველობის წყალობით, ჟოზეს არ დაუკარგავს ოპტიმიზმი და ახლა ამერიკის წამყვანი ქირურგები აძლევენ მას იმედს. ისინი დარწმუნებულები არიან, რომ ოპერაციის შემდეგ პორტუგალიელი ბოლოს და ბოლოს შეძლებს იცხოვროს ნორმალურად.
დაწვრილებითი ინფორმაციისთვის უყურეთ ვიდეოს.
[media=http://www.youtube.com/watch?v=6E1M5xiyz5I]
თაკო ცილიკიშვილი
წყარო: www.Lady.Mcvane.Ge
მასალის გამოყენების პირობები: აუცილებელია წყაროს მითითება!!!
