გარდა ყვავილების არჩევისა, მამაკაცმა მათი მირთმევის ორიგინალური ფორმაც უნდა მოიფიქროს. დამალავს თაიგულს ზურგს უკან, ყვავილის გულში ბეჭედს მოათავსებს, გაზეთში გაახვევს თუ სხვა რამეს მოიგონებს მისი გადასაწყვეტია. ქალს კი, აქედან გამომდინარე, შანსი ეძლევა რჩეულის კრეატიული აზროვნება, მისი ინდივიდუალობა და ფანტაზიის არეალი შეაფასოს.
ვერძი
ვერძებს ექსტრავაგანტულობა იზიდავთ, ისინი მოდის ტენდენციებს არასოდეს ჩამოუვარდებიან. მათთვის ნაჩუქარი თაიგული 5, 15 ან 25 ყვავილისგან უნდა შედგებოდეს. მამაკაცებმა ვერძებისთვის ვარდების და ლილიების წითელ-სტაფილოსფერი გამა უნდა შეაჩიონ. მათთვის არ შეიძლება გვირილების ჩუქება. ვერძები დადებითად შეაფასებენ, თუ თაიგული აქსესუარებით - დიდი მძივებით და ოქროსფერი დეტალებით იქნება გაფორმებული.
კურო
კუროები სიმშვიდის და ჰარმონიის მოყვარულები არიან. მათთვის ნაჩუქარი თაიგული სადა და გემოვნებიანი უნდა იყოს, ისეთი, როგორებიც თავად არიან. მათთვის ნაჩუქარი თაიგული არ უნდა იყოს მორთული ბაფთებით და მძივებით. კუროებს არ უყვართ მოჭრილი ყვავილები, ამიტომ აჯობებს, თუ მამაკაცი მათთვის ქოთნის მცენარეს შეარჩევს. თუ მაინც და მაინც მოჭრილი თაიგულის ჩუქება სურს, უპირატესობას შეუფუთავ თაიგულებს უნდა მიანიჭოს. კუროების მოხიბლვა გვირილებითაც შესაძლებელია.
ტყუპები
მრავალფეროვნების მოყვარულებისთვის თაიგულიც ბევრი ყვავილისგან უნდა გაკეთდეს და ის სასურველია ჭრელი იყოს. აქ შეზღუდვები არ არსებობს. იები, პიონები, ვარდები, მიხაკები და რაც მთავარია ნებისმიერი გაფორმებით... ერთადერთი ყვავილი, რომელსაც ტყუპი შინაგანად ვერ ეგუება - ორქიდეაა.
კირჩხიბი
მათთვის ღია ფერის თაიგულია მისაღები, რომელსაც ნაზი არომატი ექნება. თეთრი კალადან დაწყებული კირჩხიბისთვის ბევრი ყვავილის ჩუქება შეიძლება. მათ ლილიებიც უყვართ. გაზაფხულზე თეთრი იასამანი და ენძელა საუკეთესო არჩევანია. კიბორჩხალებს მიხაკები, პიონები და ირისი ხასიათს გაუფუჭებთ. რაც შეეხება თაიგულს, ის გულებით უნდა იყოს გაფორმებული.
ლომი
ამ ნიშანს სამეფო თაიგული უნდა მიართვან. ის უნდა იყოს ახალი, მდიდრული, დიდი და უნდა შედგებოდეს თანაბარი ზომის ყვავილებისგან. საუკეთესო ვარიანტი ერთი მეტრის სიგრძის ვარდებია. ასეთი თაიგული საკმაოდ დახვეწილად გამოიყურება და ლომები აუცილებლად დააფასებენ გემოვნებით შერჩეულ, ერთი ზონარით შეკრულ კომპოზიციას. რაც შეეხება ფერებს, მათთვის ყვითელი, სტაფილოსფერი და წითელია მისაღები.
ქალწული
ეს ჰოროსკოპის ერთ-ერთი ყველაზე პრაქტიკული ნიშანია. ისინი, უპირატესობას კარგ, მაგრამ შეღავათიან ფასში შერჩეულ საჩუქრებს ანიჭებენ. თეთრი, იასამნისფერი და ცისფერი ყვავილები მათ ძალიან მოსწონთ. კარგია ვარდების, ლილიების, ორქიდეების, მიხაკების, ტიტების ან მინდვრის ყვავილების ჩუქება.
სასწორი
ორქიდეები სასწორებისთვის საუკეთესო საჩუქარია. ასევე შეიძლება ჩაის ვარდების მირთმევაც. მათი თაიგული გემოვნებიანი და სიმეტრიული, იისფერი ან დარდისფერი უნდა იყოს. წითელი და ყვითელი ფერი სასწორებს დისკომფორტს უქმნის. მათ არ უყვართ ირისი და იები.
მორიელი
მგრძნობიარე მორიელებს ძვირფასი თაიგულები ხიბლავს. მათ მკვეთრი ფერები მოსწონთ და ამიტომ მათთვის განკუთვნილი თაიგული წითელი და ყვითელი ვარდების გამოყენებით უნდა შეიკრას. შესაძლებელია ყვითელი ქრიზანთემების ჩუქებაც. იები და ყოჩივარდები მათი ყვავილები არ არის.
მშვილდოსანი
მათი ყვავილები ნარცისები და ტიტებია. მოსწონთ გაზაფხულის სხვა ყვავილებიც. მშვილდოსნების თაიგულის შესაფუთად ბუნებრივი მასალაა საჭირო, მაგალითად ბრინჯის ქაღალდი ან ხის ქერქი.
თხის რქა
მათთვის მშვიდი თაიგულია მისაღები, ყოველგვარი მკვეთრი დეტალების გარეშე. ყვითელი ან თეთრი ტიტები, ღია - ვარდისფერი ჰოლანდიური მიხაკები ან იგივე ფერის ქრიზანთემები მათთვის საუკეთესო არჩევანია. თხის რქებს კაკტუსებიც მოსწონთ და ასეთი საჩუქრით აუცილებლად მოიხიბლებიან.
მერწყული
მერწყული დამოუკიდებელი და თავისუფლების მოყვარულია. მათი თაიგული კი განუმეორებელი უნდა იყოს. ყვავილების გაფორმებისას აუცილებელია ეგზოტიკური მცენარეების დამატება. გაზაფხულის ყვავილები და ეგზოტიკა საუკეთესო შეთავსებაა მათთვის.
თევზი
თეთრი, იისფერი, ცისფერი, ლურჯი - და მათ არანაირი მოდური ტენდენცია აინტერესებთ. გემოვნებიანი და მორიდებული უპირატესობას თაიგულსაც ასეთს ანიჭებს. თევზის ფავორიტი ყვავილები კი ორქიდეები და ლილიებია. ტიტები მათთვის არ არის.
წყარო: lollipop.ge