ანელიზ მიშელი 1952 წლის 21 სექტემბერს, ბავარიის პატარა სოფელ ლაიბლფინგში დაიბადა. მშობლები მორწმუნე კათოლიკები იყვნენ. პატარა ასაკიდან გოგონა ეკლესიის გუნდში მღეროდა.
1968 წელს ანელიზს კრუნჩხვები დაეწყო, ერთი წლის შემდეგ ექიმებმა ეპილეფსიის დიაგნოზი დაუსვეს. გოგონა საავადმყოფოში მოათავსეს, მაგრამ დაავადება მკურნალობას არ ექვემდებარებოდა, ეპილეფსიის შეტევები გრძელდებოდა და უფრო და უფრო ძლიერდებოდა.
1975 წელს გოგონას საკუთარი ქმედებების გაკონტროლება უკვე აღარ შეეძლო. დასახმარებლად მშობლებმა მღვდელ–ეგზორცისტებს მოუხმეს, რიტუალები უშედეგოდ სრულდებოდა... ერთ–ერთი ასეთი რიტუალის დროს, გოგონა გარდაიცვალა.
იყო მომენტები, როდესაც გოგონას გატოკება არ შეეძლო, გრძნობდა სიმძიმეს მკერდის არეში, ზოგჯერ ლაპარაკის უნარსაც კი კარგავდა. ოჯახის ექიმმა მშობლებს მისი საავადმყოფოში გადაყვანა ურჩია. ელექტროენცეფალოგრამამ უჩვენა, რომ გოგონას ტვინში არანაირი ცვლილებები არ აღენიშნებოდა. ამავდროულად, მას პლევრიტისა და ტუბერკულიოზის სინდრომი დაუსვეს.
ანელიზი ჰოსპიტალში 1970 წლის თებერვალში დააწვინეს. შეტევების დროს, გოგონა დემონურ საახებს ხედავდა, შემდეგ უცნაური კაკუნის ხმებიც ესმოდა, ექიმებმა გამოიკვლიეს გოგონა, მაგრამ საეჭვო ვერაფერი აღმოაჩინეს... ცოტა ხანში, კაკუნის ხმები გოგონას დასაც ესმოდა.
თავად ანელიზის განცხადებით, 13 წლის იყო, როდესაც შეამჩნია რომ ავი სულებით იყო შეპყრობილი. 1973 წელს მშობლებმა მღვდლებს მიმართეს და ეგზორციზმის რიტუალების შესრულება სთხოვეს. მღვდელმა ვურცბურგის ეპისკოპოსს ეგზორციზმის ჩატარების უფლება სთხოვეს, მაგრამ უარი მიიღეს.
1974 წელს გოგონას ქცევები საგრძნობლად შეიცვალა. აღარ ჭამდა, საკუთარ თავს ზიანს აყენებდა, კბენდა ოჯახის წევრებს, ხევდა ტანისამოსს. ერთ დღეს, სამზარეულოს მაგიდაზე ავიდა და ორი დღის განმავლობაში არ ჩამოსულა, პარალელურად, მთელი ამ დროის განმავლობაში, ყეფისმაგვარ ხმებს გამოსცემდა. ხიდიდან მდინარეში გადახტომასაც კი აპირებდა, იმიტომ, რომ დემონებმა ასე უბრძანეს...
1975 წლის 16 სექტემბერს, ეპისკოპოსმა, არნოლდ რენცსა და ერნესტ ალტს ეგზორციზმის ჩატარების უფლება მისცა.
1975 წლის 24 სექტემბრიდან 1976 წლის 30 ივნისამდე, გოგონას 70 რიტუალი ჩაუტარდა. 42 მათგანი დიქტოფონზე ჩაიწერეს. პირველი რიტუალი ხუთ საათს გაგრძელდა. რიტუალის დროს, ანელიზი ერთდროულად რამდენიმე ხმით და ლათინურად საუბრობდა. როდესაც მღვდლები ხელით ეხებოდნენ ყვიროდა – „გამიშვი, ცეცხლი მწვავს!“ რიტუალის დროს, გოგონას ჯაჭვით აბამდნენ, ან 3 ადამიანი აკავებდა.
1976 წლის 1 ივლისს, 23 წლის ანელიზი გარდაიცვალა, მიზეზი – წონაში მნიშვნელოვანი კლება. აღნიშნულ საკითხზე გამოიძიება დაიწყო და ორივე მღვდელს ბრალდება წაუყენეს, გაუფრთხილებლობის გამო. მათ 6 თვიანი პატიმრობა მიესაჯათ.
წყარო: presa.ge
ეგზორციზმის 23 წლის მსხვერპლი
⏱️ 1 წთ.
👁️ 3 379
100%