პირველი კოცნა ძალიან კარგად ახსოვთ: 1939 წელი, აღმოსავლეთ პრუსია, როდესაც პირველად იცეკვეს ერთად.
ასობით ათასმა ასეთმა კოცნამ ჩაიარა დღემდე...
,,ჩვენ ერთმანეთს ისევ ისე ვკოცნით, როგორც პირველ დღეს“, – ამბობენ ისინი.
ახლახან მათმა ქალიშვილმა, 67 წლის ილონამ მშობლებს მაშინ წაასწრო, როდესაც ისინი ერთმანეთს შუა ქუჩაში კოცნიდნენ. ქალიშვილს შერცხვა.
მანფრედ ვარდინს კი საკუთარი ბედნიერების არ სცხვენია, მიუხედავად იმისა, რომ თმაში ჭაღარა გამოერია.
რა არის მათი საიდუმლო?
,, როცა ჩვენ ვსაუზმობთ, ვსადილობთ, ან ვვახშმობთ, ის ყოველთვის ხელზე მკოცნის“, – ამბობს ინგებორგი.
,,როდესაც სახლში მუსიკას ვუსმენთ, მე ყოველთვის ვიწვევ მას საცეკვაოდ“, –ამბობს მანფრედი.
ქორწინების ყოველ წლისთავზე მეუღლეს თეთრ ვარდებს ჩუქნის.
ცოლ-ქმარი ყოველ საღამოს დაძინებამდე ერთმანეთს კოცნით ტკბილ ძილს უსურვებს.
მანფრედმა ინგებორგი 75 წლის წინ დაინახა და ერთი ნახვით შეუყვარდა.
,,ის ისეთი მიუწვდომელი იყო, რომ ჩემში ამბიცია გააღვიძა. მაშინვე მივხვდი, რომ ამ ახალგაზრდა ქალბატონზე მინდოდა დაქორწინება“, – ამბობს ის.
მიუწვდომლობა ქალმა მალევე დათმო.
,,ის ძალიან მომხიბვლელი და სიცოცხლით სავსე იყო , ისევე როგორც ახლა“, – ამბობს ინგებორგი.
წყვილს 7 შვილი და 7 შვილიშვილი ჰყავს.
მათი დივანის ზემოთ ჰკიდია სურათი დევიზით: ,,იცხოვრე, გიყვარდეს, იცინე“.
- ,,დიახ“, –აღიარებს ინგებორგ ვარდინი,– ,,ჩვენზე ჭორაობენ, როგორც ყველა სხვა შეყვარებულ წყვილზე, მაგრამ ჩვენ ამაზე ერთად ძალიან ბევრს ვიცინით.“
წყარო: bild.de