ლუდი საკმოდ მაგარი გამოდის და შიგ მოტივტივე პურის ნამცეცებსაც კი შეიცავს.
ძველისძველი მზისგან დამცავი სათვალე (800 წელი)
უძველესი სათვალე კანადაში, ბაფინის მიწაზე აღმოაჩინეს. ეს სათვალე თოვლიდან არეკლილი არილისგან დასაცავად გამოიყენებოდა.
ადამიანის ფორმის უძველესი სკულპტურა (35000 – 40000 წელი)
ადამიანის სხეულის გამომსახველი ქანდაკის ყველაზე სავარაუდო ასაკი 40000 წელია. ეს ქანდაკი ვენერაა ჰოლე-ფელსის მღვიმიდან, გერმანია, და მამონტის ძვლისგანაა გამოთლილი.
უძველესი ფეხსამოსი (5500 წელი)
ეს 5500 წლის მარჯვენა მოკასინი ძროხის ტყავისგანაა შეკერილი. ფეხსამოსი სომხეთში, გამოქვაბულში, იპოვეს. მოკასინი ბალახებსა და გამხმარ ცხვრის ცურცლში იყო შენახული.
უძველესი მუსიკალური ინსტრუმენტი (40000 წელი)
ეს 40000 წლის ძვლის ფლეიტა გერმანიის სამხრეთიდანაა.
უძელესი შარვალი (3300 წელი)
მსოფლიოში უძველესი შარვალი დასავლეთ ჩინეთში აღმოაჩინეს და 3300წლისაა.
უძველესი ტუალეტი ჩარეცხვით (2000 წელი)
უძველეს ქალაქ ეფესოში, დღევანდელ თურქეთში, საზოგადოებრივი ტუალეტები ირეცხებოდა. გამდინარი წყალი დასაჯდომებ ქვეშ გაივლიდა და უახლოეს მდინარეში ჩაედინებოდა.
უძველესი აზღუდი (500 წელი)
ეს აზღუდი სავარაუდოდ 1390-სა და 1485 წწ. შორის ეცვათ ავსტრიაში. სამოსის ამ ნაწილის უფრო ძველი აღწერილობაც მოიპოვება, თუმცა ამაზე ძველი აზღუდი მიკვლეული არ არის.
უძველესი პროთეზი (3000 წელი)
ეს პროთეზი 3000 წლის წინ ეგვიპტეში ვიღაცას ეხმარებოდა გადაადგილებაში.
უძველესი საფულე (4500 წელი)
ძაღლის კბილებიღა დარჩა 4500 წლის წინანდელი გახეული საფულიდან, რომელიც გერმანიაში აღმოაჩინეს. ვარაუდობენ, რომ ეს კბილები გარესაკეტის ნაწილს შეადგენდა.
უძველესი პრეზერვატივი (370 წელი)
ამ მრავალჯერად პრეზერვატივს, ცხვრის ტყავისგან რომ არის დამზადებული, 1640 წელს შვედეთში იყენებდნენ. პრეზერვატივს თან ლათინური ინსტრუქციაც ახლდა, სადაც ეწერა, რომ ეს სამედიცინო ნივთი თბილი რძით უნდა გაეწმინდათ ვენერიული დაავადებების თავიდან ასაცილებლად.
უძველესი კევი (5000წელი)
ფინეთში აღმოჩენილ ამ კევს სულ ცოტა 5000 წლის წინ ღეჭავდნენ. კევი არყის ხის ქერქისგან შედგება და, სავარაუდოდ, პირის ღრუს ინფექციებისგან განსაკურნად ანდაც წებოს სახით გამოიყენებოდა.
უძელესი ჩაწერილი მელოდია (3400 წელი)
უძველესი ჩაწერილი მელოდია აღმოაჩინეს ძველ ქალაქ-სახელმწიფო უგარითში, თანამედროვე სირიის სამხრეთში. მუსიკა ლირისთვის არის დაწერილი.
ძველისძველი მონეტა (2700 წელი)
უძველესი ცნობილი მონეტა ანტიკური ქალაქის, ეფესოს, (დღევანდელი თურქეთი) შემოგარენში იქნა მიკვლეული. მის ერთ-ერთ მხარეს ლომის თავი ამშვენებს.
უძველესი გლობუსი (510 წელი)
ეს ძველი გლობუსი ფაქიზად არის ამოკვეთილი სირაქლემის კვერცხზე იტალიაში. ამჟამინდელი მფლობელმა ეს რარიტეტი 2012 წელს ლონდონში რუკების ბაზრობაზე შეიძინა.
მოამზადა ლევან ინასარიძემ
წყარო: stargroup.ge