მოიშორეთ ცხოვრებიდან ის, რაც იწვევს თქვენს მღელვარებასა და შიშს და დამერწმუნეთ, რომ მაშინვე იგრძნობთ სიმშვიდეს, დაიბრუნებთ მომავლის რწმენას. ეს არც ისე იოლია, როგორც ერთი შეხედვით ჩანს, თუმცა მკაფიო გეგმის შემუშავება და კონკრეტული მიზნის ქონა დაგეხმარებათ, გაუმკლავდეთ თქვენს შიშს.
იცნობდე მტერს-ეს უკვე 50% გამარჯვებაა!
ვერძი
ეშინია, რომ ვერ გამოავლენს რამდენად აქტიურია. ეშინია უმოქმედობის. ეშინია, რომ დიდი ხნის განმავლობაში იმოქმედებს ერთი მიმართულებით. ეშინია მკაცრი დისციპლინის. ახლობლებისგან ელოდება ერთგულებას. სჭირდება მყუდრო სახლი.
კურო
ეშინია სამსახურის დაკარგვის, არასტაბილურობის. რთულად გადააქვს კრახი (ვიდრე სხვა ზოდიაქოს ნიშნებს). ემოციური თვალზარისით, სჭირდება სიზუსტე და სიცხადე. აშინებს ახალი ურთიერთობები. არ უყვარს: დაშორება, დამშვიდობება და დაკარგვა.
ტყუპები
ეშინია კონტაქტის, ურთიერთობების გარეშე დარჩენის, შანსის ხელიდან გაშვების, ღრმა გრძნობების ამოხეთქვის. ვერ უძლებს ძლიერ ფიზიკურ და ემოციურ დატვირთვას. ამიტომ მათ სჭირდებათ სახლი, სადაც თავს იგრძნობენ მშვიდად.
კირჩხიბი
აშინებს სახლში შესაძლო ცივი გარემო. ეშინია უფულოდ დარჩენის. საზოგადოებაში, როცა რაღაც არ მოსწონს, არ ამჟღავნებს, მაშინვე არ ამბობს ,,არას“, გულში ინახავს. ფეთქდება მხოლოდ სახლში მისვლის შემდეგ.
ლომი
ეშინია ყურადღების მიღმა დარჩენის. შიშობს, რომ ვერ შეძლებს თავის გამოხატვას და იქნება მეორეხარისხოვან როლში. ვერ იტანს, როცა მარცხდება. არ უყვარს შეცდომების აღიარება და სიურპრიზები.
ქალწული
ეშინია მატერიალური საფუძვლის გარეშე დარჩენის; ეშინია არ გახდეს ზედმეტი და არასაჭირო. ეშინია, რომ არასათანადოდ შეაფასებენ. აშინებს ქაოსი. ეშინია, რომ არ ეყოფა დრო გაანალიზოს და გათვალოს სიტუაცია, რაც გამოიწვევს არეულ-დარეულობას.
სასწორი
ეშინია კონფლიქტის, პარტნიორთან გაუგებრობის. აშინებს რაიმე ახლის წამოწყება, პასუხისმგებლობის აღება. არ სვამენ პირდაპირ შეკითხვებს-გაურბიან პირდაპირ პასუხებს. უცხო ადამიანებთან ინარჩუნებენ დისტანციას.
მორიელი
ეშინია სტაგნაციის, უმოქმედოდ დარჩენის (ეს იშვიათად ხდება, რადგან ისინი ამას ინტუიციურად გრძნობენ და ებრძვიან მას). ეშინია, როდესაც ყველაფერი მშვიდად და კარგადაა. ეშინია, რომ ვერ მოაქცევს ვერავის თავისი გავლენის ქვეშ. ეშინია მარტოობის.
მშვილდოსანი
ეშინია, რომ ვერ შეძლებს საზოგადოებაში თავის დამკვიდრებას, რომ ვერ ისწავლის ვერაფერ ახალს. საშინლად ვერ იტანს დამარცხებასა და წარუმატებლობას. ეშინია, რომ ვერ დაისახავს მიზანს, რომლისკენაც უნდა ისწრაფვოდეს. აშინებს ემოციური სტაბილურობის დანგრევა, ამიტომაც არ უახლოვდება ადამიანებს.
თხის რქა
აშინებს არაორგანიზებულობა, უწესრიგობა. ეშინია მატერიალური საფუძვლის გარეშე დარჩენის, კარიერის დანგრევის.
მერწყული
აშინებს ერთფეროვნება; ეშინია ზეწოლის. აშინებს პასუხისმგებლობა. არ სურს პირველობა, გამორჩეულობა, ურჩევნია ჩრდილში დარჩეს.
თევზები
ეშინია ახლობლებისგან ემოციური მხარდაჭერის გარეშე დარჩენის. აშინებს მკაცრი დისციპლინა. ეშინია პარტნიორის გარეშე დარჩენისა და ხანგრძლივი მარტოობის.
თაკო ცილიკიშვილი
წყარო: www.Lady.Mcvane.Ge
მასალის გამოყენების პირობები: აუცილებელია წყაროს მითითება!!!
