ყურადღებით დააკვირდით სურათს. აირჩიეთ ფიგურა და ნახეთ შედეგი.
კვადრატი
,,კვადრატები“ , როგორც წესი, გამოირჩევიან მოთმინების უნარით, არიან შეუდრეკელნი და შრომისმოყვარენი. ხელის ჩაქნევა დაწყებულს საქმეზე და იმის თქმა, რომ მაინც არაფერი გამოვიდოდა, მათი სტილი არ არის. ,,კვადრატები“ ნაბიჯ-ნაბიჯ მიიწევენ დასახული მიზნისკენ და არ ჩერდებიან მანამ სანამ არ მიიღებენ შედეგს. ამ თვისებების წყალობით, ისინი შესანიშნავი პროფესიონალები ხდებიან. სიტყვების-,,იპროვიზაციისა“ და ,,ექსპრომტის“ გაგონებაზე, ისინი ცხვირს იჭმუხნიან და წარბებს კრავენ. მათი აზრით, ცხოვრება კარგია, როცა გეგმის მიხედვით მიდის. ისინი სტაბილურობის მოყვარულები არიან და ცდილობენ დაიცვან საზოგადოებაში დამკვიდრებული წესები. ,,კვადრატები“ ლოგიკურად აგებული სქემებით ხელმძღვანელობენ და ვერ იტანენ სიურპრიზებს, სიახლეებსა და ზოგადად ცვლილებებს.
მართკუთხედი
მართკუთხედი ითვლება დროებით, გარდამავალ ფორმად. ჩვეულებრივ ამ ფიგურას ირჩევენ ადამიანები, რომლებიც ამ მომენტში უკმაყოფილონი არიან საკუთარი თავითა და ცხოვრებით და სურთ ეს სიტუაცია უკეთესობისკენ შეცვალონ. ,, იქ ყველაფერია ბედნიერებისთვის, მხოლოდ მე არ ვარ, თუმცა ეს იმას ნიშნავს, რომ მალე ვიქნები“-ისინი სწორედ ამ დევიზის თანახმად მოქმედებენ. ,,მართკუთხედების“ ძირითადი ხასიათის თვისებებია -ცნობისმოყვარეობა, გამბედაობა და ყველაფრის ინტერესი. ისინი ცვლილებებს მოუთმენლად ელიან, სიახლეებს კი ღრუბელივით ისრუტავენ. ხალხი იშვიათად რჩება დიდი ხნის განმავლობაში ამ ფაზაში-როგორც წესი, მას შემდეგ, რაც გაერკვევიან რისი გაკეთება სურთ, ისინი დარჩენილი ოთხი ფიგურიდან რომელიმედ გარდაიქმნებიან.
სამკუთხედი
ზამთარ-ზაფხულ, ნებისმიერ ამინდში, ,,სამკუთხედები“ ლიდერის ყვითელ მაისურს ირგებენ. ისინი ნამდვილი ,,ენერჯაიზერები“ , ამბიციურები, პრაგმატულები და წინდახედულები არიან, მათ არა მხოლოდ იციან, რა უნდათ, არამედ ისიც, თუ როგორ უნდა მიაღწიონ მიზანს. ხელმძღვანელობას იოლად არწმუნებენ საკუთარ შეუცვლელობაში. ,,სამკუთხედებს“ სჯერავთ, რომ არსებობს მხოლოდ ორი აზრი: მათი და არასწორი. ისინი ძლიერი პიროვნებები და სახიფათო კონკურენტები არიან. ზოგჯერ გვეჩვენება, რომ მათ ვენებში სისხლთან ერთად მეტოქეობის სული მიედინება.
წრე
,,წრეებს“ ყველაზე უკეთ შეუძლიათ თანაგრძნობის გამოხატვა, თავის სხვის ადგილას წარმოდგენა და მათი ემოციების გათავისება. კეთილი და თანაგრძნობით სავსე ,,წრეები“ ბედნიერები მაშინ არიან, როცა არა მხოლოდ თვითონ გრძნობენ თავს კარგად, არამედ მათი საყვარელი ადამიანებიც. ისინი ერიდებიან კონფლიქტურ სიტუაციებს. ,,წრეებისთვის“ მთავარი სიმშვიდეა, ზოგჯერ სიმშვიდე მათთვის ჭეშმარიტებაზე ძვირფასია, ხშირ შემთხვევაში ისინი პირველები მიდიან დათმობაზე.
ზიგზაგი
,,ზიგზაგები“ -კრეატიული, ორიგინალური და შემოქმედებით პიროვნებები არიან. ისინი უარყოფენ გაკვალულ ბილიკებს, სტერეოტიპებსა და შტამპებს; ურჩევნიათ ყველაფერი დამოუკიდებლად გააკეთონ, მიიღონ არასტანდარტული გადაწყვეტილებები. მათ შორის ხშირად გვხვდებიან ქარიზმატული და მომაჯადოებელი ადამიანები. ,,ზიგზაგებს“ ფეთქებადი და ცვალებადი ხასიათი აქვთ; მათი წყობიდან გამოყვანა ადვილია, განწყობა კი იმაზე სწრაფად ეცვლებათ, ვიდრე სავაჭრო ბირჟაზე ვალუტის კურსი. ისინი კარგი ორატორები არიან და ყოველთვის მზად არიან იდეების გასაზიარებლად.
თაკო ცილიკიშვილი
წყარო: www.Lady.Mcvane.Ge
მასალის გამოყენების პირობები: აუცილებელია წყაროს მითითება!!!
სწრაფი ტესტი ხასიათის დასადგენად
⏱️ 1 წთ.
👁️ 7 424
100%